隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

謙盈媽咪
加為朋友

全職家庭主婦, 兩個的小朋友的媽咪, 我喜愛飲飲食食 , 行街 , 自己係屋企製造美食.....家人吃的開心,我就開心^^ , 我覺得人最緊要係身體健康 , 有好ge身體做咩都得 , 同埋要知足常樂.....
  • 消脂蔬菜湯

    2013-08-08 | 自家湯水 ^0^

    如果睇開我blog 的人都應該覺得我上個月至今都唔多整
    甜品黎吃 , 點解 ? 因為我唔想自己咁肥 , 自從4月尾100磅
    上升到上個月110幾磅 , 係咪好驚人 ,個個話我呢排肥佐好多,
    好唔掂呀 , 我唔可以俾自己再肥落去......
    呢排要吃小d野, 食小d甜品 , 食小d餸 , 總之樣樣都小d喇 ,
    將我平時的食量減半先至得,我要減到100磅左右 ,
    希望可以再減多d喇........呢個蔬菜湯係我係網上搵到得 ,
    佢的功效就係幫助身體消脂的 , 唔理有無效一於試下先,
    就算無效都唔緊要 , 蔬菜對我地身體都係有益處的 ,
    我努力...........   減呀~減 ~減呀減~~
    已經煲好佐ge蔬菜湯.
    消脂蔬菜湯要用到的材料.
    先將所有材料洗乾淨之後切粒粒 .
    放足夠的水份 , 自己喜歡 .... (更多)
  • 杏仁曲奇(雙色) , 涼拌青瓜

    2013-08-06 | 自家小食/茶點/曲奇 ^w^

    今朝晨咁早5點幾俾老公叫醒佐我 , 叫我起身同佢關門喎!
    真係激C我.....之後想訓又訓唔返 , 於是走佐去櫃房搞搞震 ,
    搞佐個幾鐘 , 最終俾我搞佐一盤雙色杏仁曲奇出黎 , 哈哈.....
    杏仁曲奇我係跟blog友<小高>食譜黎做的 , 個曲奇真係好鬆化,
    好香牛油味 ,   真係好....好味 , 好正呀 ! 我仲整佐朱古力味添呀 !
    真係要多謝靚靚<小高>同大家分享食譜 , 真係要俾<小高>
    我仲拎佐一半曲奇俾謙謙同學仔同佢家人吃 , 佢地都話好好味!
    黎緊星期四返媽媽度吃飯 , 等我又做d拎過俾佢地食下先  ,
    之後我仲整佐一d涼拌青瓜俾兩個小朋吃吃 , 阿囡好仲意吃 .
     
        .... (更多)
  • 印尼撈麵 & 又買到便野喇!

    2013-08-05 | 自家粥/粉/面/飯 ^v^

    我太耐無係超市買印尼撈麵,今日認真一睇原來印尼撈麵都有
    咁多款唔同包裝 , 我自己唔多中意係超市買印尼撈麵  ,
    因為有次係超市買佐一包返去吃覺得唔食 , 我依家次次都係
    專賣印尼食品的店舖果度買的 , 人地賣的平d , 18蚊有2包 ,
    超市10幾蚊一包 , 我見到超市個貨架上摆放佐有5款印尼撈麵 ,
    其中3包係同一個總代理回(復興) , 另外2包又係同一個總代理(金龍) ,
    我自己就中意金龍總代理的印尼撈麵 , 呢兩個代理的印尼撈麵
    我都有買過黎吃 , 我地一家4口都中意金龍代理的印尼撈麵 ,
    個人認為金龍的味道好味d , 另外一個代理的麵味道就一般 ,
    如果未吃過呢隻印尼撈麵的話 , 可以每個代理的麵都買一包黎試下,
    睇睇自己中意邊種口味 , 始終每個人的口味都會有唔同
       &nb .... (更多)
  • 鹽燒鯖魚 , 腐乳生菜

    2013-08-05 | 今晚食乜餸@蔬菜/其他

    早排行百佳見到d鯖魚又做特價 ,
    特價佐平好 , $15.8兩條 , 係咪好平呢?
    於是一次過買佐6條 , 哈哈.........
    昨日去買野見到佢無特價要$13.9一條 ,
    嘩~ ~ ~ 真係貴好多哦 ! ! !
    呢隻牌子好食d , 我試過係佳po買鯖魚 , 唔好食 .
    我真係大頭蝦 , 唔記得係錫紙上搽d油 , 搞到甩皮甩骨
    唔好睇 , 但好好食 , 爸爸同兩個小朋友
    一人吃一條 , 仔囡吃剩我就执佢地手尾 .
    蒜茸腐乳炒生菜  , 三條鯖魚加碟菜 , 簡簡單單又一餐 !
    .... (更多)
  • 自製黑白豆漿

    2013-08-04 | 自家糖水 ^@^

    好耐無做豆漿 , 前昨晚無啦啦想飲豆漿喎 ,
    於是拎佐一d黃豆黎浸 , 浸佐一晚趁昨日下午唔攰
    就拎部攪拌機出黎攪豆 , 其實我有部九陽豆漿機的 ,
    九陽係同你打完豆漿之後仲煮埋豆漿架 ,
    其實都幾方便ge , 但係我唔多中意用佢
    係因為部機打得d豆唔夠幼細 , 同埋煮得好小豆漿出黎,
    飲果時熱辣辣 , 又要隔渣唔方便 , 我唔中意有豆渣的 ,
    但係我老公喜歡有豆渣嘎喎 ,  所以我係仲意用攪拌機
    打好佐d豆漿全部一次過放落煲湯袋度隔走d渣 ,
    用湯袋隔渣真係好快的 , 我貪得意拎佐一小部分
    加佐d黑芝麻落去打 , 變做黑芝麻豆漿添呀 ,
    估唔到係咁好飲 , 比起原味豆漿還要香哦 ,
    真的不錯!!!
    黑芝麻豆漿
    原味豆漿
    # 自己做豆漿經濟又實惠 , 7蚊一斤黃豆 ,
    幾蚊豆就可以 .... (更多)
  • 琴日有意外收穫,好開心哦!!!

    2013-08-03 | 何家生活點滴 ^a^

    琴日下午同兩個小朋友去百佳買地拖&紙巾 ,
    點知越買多喎,死火喇...我忘記拎環保袋添 ,
    得一部細細部手拉車點算呢 ? 好在左砌右砌都免強放得落,
    原來我地3個人唔經唔覺就買佐差唔多400蚊野  ,
    買佐好多麵 , 急凍食品 , 新鮮豬肉 , 燒味,蔬菜.......
    哈哈....又可以一個星期唔洗去街市喇 , 爽呀~ ~ ~
    我一返到屋企 , 阿仔阿囡即刻走去就同爸爸講:
    爸爸我地同媽咪買佐好多野返黎呀 ,
    爸爸就話: 你去問下媽咪係咪走難 , 買埋咁多野 ,
    阿囡走黎同我講 , 阿囡話: 媽咪爸爸問你係咪走難喎!!!
    哈哈.......笑死我!!! 
    超市摆放麵的地方 , 琴日有人係度promoter壽桃牌的麵 ,
    阿囡每次見到都好開心,一定叫我過去睇睇有無野俾佢試食 ,
    今次係 .... (更多)