隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

謙盈媽咪
加為朋友

全職家庭主婦, 兩個的小朋友的媽咪, 我喜愛飲飲食食 , 行街 , 自己係屋企製造美食.....家人吃的開心,我就開心^^ , 我覺得人最緊要係身體健康 , 有好ge身體做咩都得 , 同埋要知足常樂.....
  • 多用途切割器

    2013-04-04 | 櫥房/家居小助手


    呢個櫥房小工具買佐好耐好耐了 ,
    但一直都無用 , 上次見到有網友
    用呢個小工具做出一些好靚的
    薯格我才醒起我都有一個 ,
    於是去櫥櫃搵返佢出黎....
    難得搵到 , 當然要拎佢黎整下野喇~
    整麥野? 切佐一些蘿蔔條用黎整蘿蔔糕...
    切到d蘿蔔條好靚 , 我好中意 ,
    下次要炒薯仔條就話咁易了....
    .... (更多)
  • 牛油蛋糕(附食譜)

    2013-04-03 | 自家蛋糕 ^3^

    牛油蛋糕之前我都有做過 , 每次做出黎的效果
    都唔係我心目中想要的質感 , 我一直都有上網
    查找一d牛油蛋糕的食譜的 , 試做過幾次了 ,
    我都覺得唔係我想要的牛油蛋糕 ,  我喜歡吃
    美心果隻牛油蛋糕的質感 , 無奈做佐幾次都係唔的 ,
    今次係網上見到一個牛油蛋糕的食譜係低粉+粟粉黎做的 , 
    於是我又試一試......出黎的效果好好 , 正是我想要的 ,
    實在太好了 , 下次想吃牛油蛋糕唔洗去美心買了 , 
    自己都做到 , 真係好開心  嘻嘻.......
    牛油蛋糕麵糊 , 等待入爐......
    岩岩放入焗爐 , 要焗40分鐘左右~
    已經焗佐20分鐘 , 中途不斷散發出
    陣陣牛油 香味出黎....好正.......
    新鮮出爐的牛油 .... (更多)
  • 永遠懷念你-----哥哥

    2013-04-01 | 何家生活點滴 ^a^

    今日係4月1日係愚人節 , 祝大家愚人節快樂 !
    唔經唔覺哥哥離開我們10年了 , 10年前的4月1日聽到一個好震撼
    的消息 , 就係一代巨星張國榮(哥哥)逝世 , 真係難以置信 , 我當時
    只係覺得好可惜 , 一個咁紅的歌星 , 為何要咁快結束自己生命呢? 
    2003年4月1日 , 張國榮(哥哥)從文華酒店一躍而下 , 結束精彩一生。
    自此之後我愛上了哥哥Lesile唱的歌 , 佢的歌真係越聽越好聽 
    -------------永遠懷念你哥哥
    上個月12號我同大家姐去見工 , 心諗點解咁耐都無消ge息 , 唔通唔請 ,
    昨天收到老豆電話 , 老豆同我講大家姐已返工3日了 , 哦....實在太好!
    我聽到都開心 , 總算無白費心機同大家姐搵工 , 當日大家姐由九龍搭
    成個鐘頭車黎天水圍 ,山長水遠 .... (更多)
  • 南瓜糯米糍

    2013-04-01 | 自家小食/茶點/曲奇 ^w^

    糯米糍好多人都吃過 , 我都吃過 , 南瓜糯米糍就第一次吃 ,
    亦係第一次整 .昨日買佐南瓜返黎 , 一餐又吃唔晒唯有留返d ,
    得返小小南瓜想整南瓜餅的 , 諗返上次我整南瓜餅 ,
    兩個小朋友都吃的好小 , 所以都係唔整 , 免得無人幫手吃 ,
    諗佐一陣被我諗到糯米糍 ,一於用南瓜容黎整個糯米糍皮  .
    呢幾粒糯米糍包佐成2 個鐘頭 ,
    哈哈......因為我係包糯米糍新手
    終於都包完了.........累死我了...........
    終於都吃得喇....... 靚唔靚呀?
    咬開就係咁樣架喇........
    個皮好似芒果糯米糍的皮呀!
    嘻嘻.... ..好軟.....好好味........
       
    盒仔果4粒係拎去俾婆婆 , 公公 , 舅父 , 舅母佢地試食的 , .... (更多)
  • 韓國柚子戚風蛋糕

    2013-03-30 | 自家蛋糕 ^3^


    前日盈盈問我有無甜品吃 , 我話無 , 我問佢想吃麥野 , 佢話想吃蛋糕 , 咁我咪整個蛋糕佢吃囉......誰不之我整好個蛋糕叫佢吃 , 佢話唔係要吃呢d蛋糕呀 , 係要吃芝士蛋糕呀媽咪 , 唉...被佢激死.....
    依家d小朋友真係難服侍..........依家全職家庭主婦呢d工真係一d都唔易做 , 仲辛苦過返工 , 人地返工一個月最少都有4日假休息下, 家庭主婦係24小時隨時候命的 , 哈哈..........
    我一個人要照顧3個人 , 仲要打理好家頭細務 , 你都咪話唔辛苦呀 , 不過我會識的分輕重的, 重要的事當然要做好先啦,唔重要的事情當然會放埋一邊等我有空先去做啦 , 否則會做死我....
    就算幾忙碌都好,都要有抽小小時間出黎做一些自己中意做的野 , 用黎放鬆下心情 , 心情好d , 咁就唔會亂咁發脾氣架啦 , 做人做事都係適可而止就得 .... (更多)
  • 鹽味爆谷

    2013-03-29 | 自家小食/茶點/曲奇 ^w^

    早幾個月之前係 "吉豬島" 買的 , 12蚊一包爆谷 , 我見幾得意咪買一包試下囉 ,
    有兩種味道的 , 我買佐鹽味 , 另一款係醬油味 , 買佐返黎放係櫥櫃 ,
    我完全忘記佐有呢包野 , 係盈盈提我醒的 , 小朋友的記憶力真係勁......
     
    個都包裝好得意....
      
    放入微波爐叮2分鐘就可以架喇....
     
    2分鐘後就吃得 , 睇下.....幾靚........
       
    左邊好明顯係小d , 因為袋里面仲有粟米未爆完 , 
    之後再拎個袋放入微波爐叮多2分鐘,就變成一大碟了...
    右邊係所有粟米爆晒 , 所以有一大碟咁多  ,
    我覺得味道一般 , 得小小咸味 , 唔好味 , 我要加工下先得 . .... (更多)