隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

謙盈媽咪
加為朋友

全職家庭主婦, 兩個的小朋友的媽咪, 我喜愛飲飲食食 , 行街 , 自己係屋企製造美食.....家人吃的開心,我就開心^^ , 我覺得人最緊要係身體健康 , 有好ge身體做咩都得 , 同埋要知足常樂.....
  • 昨日係星期日 , 我同兩個小朋友地去媽媽(即係謙盈婆婆家)屋企 ,
    我地去到西9落車去買 "計時器" 之後我同阿仔阿囡去"合益泰"小食
    果度吃滑一滑的腸粉同魚旦 , d腸粉超滑溜, 真係滑得好緊要 ,
    其實我中學讀書果時都成日幫親佢架 , 哈哈.......
    樹記腐竹係深水埗賣腐竹係好出名的 , 個個知道的 ,
    出名到無時無刻都見到有人排隊買野的,
    我媽媽話: 佢新年果時去買炸支竹 ,
    排隊排佐差唔多1個鐘先買到呀   排成個鐘 ,
    老實講句 , 係我的話 , 我就唔會買囉 . 
    昨日去到11點幾到都有人排隊, 本來無打算買的 ,
    咁岩我去西九附近買完野 , 買完就行去搭車返媽媽屋企 ,
    原來巴士對面就係樹記 , 於是過對面買小小 .... (更多)
  • 椰汁紫米露 (用豆漿機整)

    2013-08-25 | 自家糖水 ^@^

    買佐部豆漿機咁耐我都係第一次用佢黎整糖水 ,
    兩個小朋友放假多數都自己玩 , 睇下電視 , 做下功課....
    咁樣唔洗我點樣理佢地的 , 有事佢地會大聲叫媽咪的 ,
    見今日無麥野搞又走去櫥房睇下有咩可以整 ,
    本來想整麵包的 , 原來用晒d麵粉 , 所以無的整
    俾我係食物櫃搵到一細袋紫米 , 哈哈........諗到喇 ,
    就係拎部豆漿機出黎玩下先   , 
    試下用佢黎整紫米糖水睇下咩效果先都好 ,
    最後出黎ge效果都唔錯 , 下次試下用部機整芝麻糊
    做出黎ge效果唔錯 , 好似飲豆漿咁樣 
    阿囡話好好飲喎 !
    更係好飲喇....我放佐成盒椰汁落去 .
    用佐米糊功能黎做 .
    按佐一次米糊功能做出黎效果一般般 ,
    於是再按多一次 , 今次真係好好多 . . .... (更多)
  • 前日(22號)朝早嫲嫲打電話黎問我地去唔去游水 , 
    之後我就問盈盈謙謙去唔去游水 , 佢地話去游水喎 ,
    咁佢兩個去我當然一齊去喇 , 我唔游係屋企都係無野做 ,
    梗係去 ,今次好多人一齊去游水 , 有姑媽2個小朋友,
    老爺 , 奶奶 , 大伯 , 伯娘同埋我地3個 ,  游佐2個鐘左右 .
    游完水就一大班人去飲茶 , 飲完茶我就同小朋友返嫲嫲
    屋企先 , 之後我就自己一個人出元朗行街街 , 買下野咁囉 ,
    自己一個人行街真係好過隱 , 難得自己一個人行 , 無人煩我.....
    當然要去烘焙店睇下野喇 , 去烘焙店途中我見到有間小型日式店 ,
    摆放佐一些日本酒 , 沙律醬 , 紫菜係店舖內賣 , 於是行入去睇 嘩....
    眼都大埋, 點解支芝麻醬咁大ge?  我問店員幾錢一支 , .... (更多)
  • 白吐司 ( 17小時中種)

    2013-08-24 | 自家麵包 ^#^

    我首次跟獨角仙做麵包 , 研究佐本麵包書幾日,開始有小小信心 ,
    於是昨日學做中種 , 今朝試做,一路做就一路驚.....好驚失敗..... 
    最於出黎的結果係我超滿意 , 完全係我心目中想要的效果 ,
    真係好軟熟好軟熟 ,  好正 ,  好好味 , 獨角仙的17小時中種真勁 !
    我唯一唔滿意就係個白吐司的表面 , 被塊紗布破壞佐.......
    唔怪之得咁多blog友中意做17小時包包喇 ,我依家終於都明白了 .  
    我天日會繼續做17小時包包 , 揀佐椰汁班蘭麵包黎試做 ,
    因為上星期買佐一扎新鮮班蘭葉仲未用,今朝見佢仲好新鮮 ,
    原本老公叫我整班蘭千層糕俾佢食,我懶所以仲未整...... 
    今日的午餐就食新鮮白吐司多士同沙律 ,
    阿仔阿囡就吃撈烏冬. .... (更多)
  • 黃豆涼瓜豬肚湯

    2013-08-23 | 今晚食乜餸@豬


    呢個湯我第一次煲 , 有次我去奶奶屋企吃飯 ,
    大伯的老婆(伯娘)煲佐一煲黃豆涼瓜豬骨湯 ,
    佢同我講話呢個湯清熱好好 , 我覺得個湯都ok ,
    但兩小朋友同我老公就唔多中意
    佢地話個湯有苦味 , 唔好飲喎 ,
    我吃的涼瓜就唔覺得苦 , 哈哈........
    須然佢地唔中意飲 , 我都要佢地飲半碗 ,
    對身體好ge野, 就算幾唔好飲都要飲小小 ,
    我今次煲呢個湯煲的好小 , 每人飲小小就算了 ,
    因為我中意吃豬肚 , 所以我特登買一個新鮮豬肚放落去煲 ,
    煲完又可以吃返 , 一舉兩得 , 唔錯唔錯 , goodgood 
    所有材料洗好 , 放入煲里面 ,
    自設時間20分鐘 , 因豬骨唔多 ,
    所以我唔煲咁耐 , 煲太耐豬肚過淋晒唔好吃!
    煲好就拎豬肚出黎放涼 , .... (更多)
  • 鮮果薯仔蛋沙律 , 意大利香草焗鯖魚

    2013-08-22 | 今晚食乜餸@海鮮

    呢個月我吃佐幾次沙律 , 不過唔係我整的 ,
    係盈盈姑媽整的 , 老公成日問我幾時俾佢吃 ,
    我話等我得閒先整 , 哈哈...
    琴日終於整佐喇!!! 今年第一次整沙律 ,
    老公話好好味喎  仲吃佐好多添 ,
     我老公佢真係好中意吃沙律的 ,
    只係我懶成日唔去想整姐....... 
    我的製成品......鮮果薯仔蛋沙律 .
    材料有: 蘋果 , 薯仔, 菠蘿 , 新鮮蘆薈肉 ,
    雞蛋 , 沙律醬 , 份量隨意就可以了.....
    我喜歡用的沙律醬 ,
    呢個牌子ge產品我覺得唔錯 .
    意大利什香草焗鯖魚
    將鯖魚洗好,用d食鹽,什香草一齊醃30分鐘 ,
    之後拎去焗 , 250度預熱焗爐5分鐘先 ,
    上下火250度焗10分鐘返轉再焗10分鐘就ok ,
    # 熱吃或 .... (更多)