隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

謙盈媽咪
加為朋友

全職家庭主婦, 兩個的小朋友的媽咪, 我喜愛飲飲食食 , 行街 , 自己係屋企製造美食.....家人吃的開心,我就開心^^ , 我覺得人最緊要係身體健康 , 有好ge身體做咩都得 , 同埋要知足常樂.....
    網誌類別: 純天然釀製/浸泡/醃漬物
  • 酒釀桂花小丸子

    2013-06-26 | 純天然釀製/浸泡/醃漬物

    之前同老公吃自助餐的時候 , 吃過呢個糖水 ,
    覺得唔錯! 早排我同小朋友去阿媽屋企吃飯 ,
    我係阿媽櫥房見有包 " 甜酒曲 " , 我問阿媽
    係咩黎 , 阿媽話用黎做糯米酒打的 , 不過係大嫂的 ,
    之後大嫂話係佢同事俾佢的 , 佢用佐一包 ,
    仲剩返呢一包 , 大嫂話你想要我俾你 ,
    下次叫同事幫佢買 , 我即刻好客氣咁講多謝
    之後就拎佐返屋企玩自家釀糯米酒喇
    嘻嘻......  多謝大嫂
    呢個係 [ 酒釀桂花小丸子糖水 ]
    我覺得雪凍黎吃好味d , 熱食無咁好味 .
    將糯米蒸好 , 放涼至35度左右 ,
    加入甜酒曲拌勻 , 放係室溫放2~4日 ,
    等佢自己發酵 , 直至你聞到有酒味就可以.
    自釀甜糯米酒所需要的材料 :
    桂花乾 , 糯 .... (更多)
  • 奇異果檸檬酵素

    2013-06-14 | 純天然釀製/浸泡/醃漬物

    我係貪的意的情況下做佐呢個奇異果檸檬酵素出黎 ,
    最終結果就係 : 佢唔係我杯茶  哈哈... 我唔意佢種味道 ,
    呢種酵素唔係咁易入口 , 有d苦澀味 , 我唔中意飲 ,
    好彩整的唔多 , 其實佢功效係唔錯架喎 ,
    飲完會另你去的好暢順架  我係唔喜歡佢有陣苦澀味 ,
    都係菠蘿酵素好飲d , 嘻嘻........ 
    佢個顏色都幾吸引我
    3個奇異果 + 1個檸檬 + 適量冰糖
    貪得意整佐一樽 , 試下好唔好味 .
    底部開始一層檸檬一層奇異果
    一層冰糖摆放到7成滿就可以了.
    我摆放係室溫 , 第3日的情況 .
    個樽底有好多細小的小氣泡 ,
    時不時就有大泡泡升上黎 , 好得意!
    第15日 , 已經無晒泡泡出現了,
    一打開個蓋就聞到有陣酒味....
    嘩... .... (更多)
  • 木瓜鳳梨酵素

    2013-04-30 | 純天然釀製/浸泡/醃漬物


    聽講酵素係一種有益的東西黎的 , 有次見到電視教人做水果酵素,
    咁我覺得幾好喎 , 於是學電視咁做一樽 , 睇睇好唔好飲先..........
    教做酵素的人話3個月就可以飲 , 發酵得越耐酒精的濃度就越高 ,
    我呢樽發酵佐差不多8個月呀 , 做完之後就無理佢放佐入櫥櫃里面 ,
    話之佢...當我要浸梅酒需要大玻璃樽的時候 , 佢就係時候要出世了 ,
    唔可以再霸住 ...................我個大玻璃樽................哈哈 
    上一年做的水果酵素飲品 , 木瓜鳳梨味
    果汁和果渣分開 , 果汁最好用玻璃瓶裝住 ,
    果渣可以就咁吃 , 晒乾食用 , 或者拎黎打汁食用.
    果汁用水開釋或者加冰粒落去飲用 .
    我加佐2粒冰落果汁度飲用 , 都幾好飲 !
    如果唔開釋黎飲真係好似飲緊20度 .... (更多)
  • 上年浸的梅酒

    2013-04-26 | 純天然釀製/浸泡/醃漬物


    上一年浸的梅酒  , 仲有幾日就足夠一年了 , 哈哈......
    梅酒真係好好飲的 , 加冰落去飲更加好飲.....
    真係浸開有條隱 , 連續浸佐兩年 , 今年係第三年浸喇....
    真係幾好玩的 , 今年浸下年飲 , 下年浸出年飲....
    第一年試浸 ,  浸的好少梅酒 , 好快就俾我同老公飲晒了 ,
    之後覺得唔錯 , 又好飲又經濟 , 於是上年就浸佐呢兩樽喇~
    我今年又浸佐兩樽呀 , 留待下年飲用......嘻嘻.......
    梅酒唔單止我同老公中意飲 , 就連我奶奶 , 姑奶 , 大嫂 ,
    大佬佢地都中意飲 , 大嫂受到我的影響 , 佢上年都有一齊玩呀 ,
    今年佢又玩 , 佢上星期浸佐兩樽 ,  同我一樣呀! 哈哈......
    我都叫佐我二家姐一齊玩 , 浸返一樽 , 睇睇效 .... (更多)
  • 新嚐試------浸梅子果醋

    2013-04-21 | 純天然釀製/浸泡/醃漬物


    見街市仲有青梅賣 , 次次見到都心思思想買黎試做青梅醋 ,
    但係次次都隱住唔買 , 早幾日去元朗買野 , 見到d青梅好靚 ,
    於是就打電話問奶奶浸佐梅酒未 , 佢話買佐酒仲未買梅 ,
    咁我就同奶奶買佐4磅青梅 , 就係咁一買開我又隱唔到手 ,
    自己又買佐2磅青梅 , 嚐試做梅子果醋..........哈哈...... 
    浸梅子果醋所需要的材料
    汕頭米醋 和 純正麥芽糖
    每一個玻璃樽各放一磅青梅 ,
    300g汕頭米醋 ,  麥芽糖/甘蔗糖150g
    呢一樽係用麥芽糖黎浸的梅子果醋 .
    係櫥櫃搵到一包蔗糖 , 於是就用佢黎浸 ,
    而呢一樽就係用甘蔗糖浸的梅子果醋  ,
    顏色比較黑小小 .
    兩樽都梅子果醋 , 試試用唔同的糖去浸 ,
    睇睇浸出黎的味道有 .... (更多)
  • 浸青梅酒

    2013-04-16 | 純天然釀製/浸泡/醃漬物

    剛剛係街市買返黎的青梅 , 好青綠 , 好靚.....
    呢度4磅青梅 , 每一袋有2磅重 , 15蚊就有2磅喇 .
    我係元朗買的 , 天水圍d青梅12蚊一磅呀 , 貴到死  
    雙蒸酒係元朗買15蚊一樽 , 天水圍就要24蚊一樽 ,
    唉.....做天水圍師奶真係慘 ....買麥都係貴過人  
    好彩香港有言論自由  , 否則我就要  
    黎個近鏡看一看 , 青梅有枝有葉的 , 真係好新鮮哦 !
    青梅用牙籤將蒂頭挑走 , 之後清洗乾淨 .
    洗淨後放置在陰涼地方吹乾
    慢慢一粒一粒咁將青梅放入玻璃瓶內
    倒入2支雙蒸酒入玻璃樽 , 酒要將青梅浸過面 ,
    同時加入所須要的冰糖份量 , 開頭放1/3的冰糖就夠了 ,
    如果一開始就放晒所有冰糖的 .... (更多)

上一頁

12

下一頁