隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

謙盈媽咪
加為朋友

全職家庭主婦, 兩個的小朋友的媽咪, 我喜愛飲飲食食 , 行街 , 自己係屋企製造美食.....家人吃的開心,我就開心^^ , 我覺得人最緊要係身體健康 , 有好ge身體做咩都得 , 同埋要知足常樂.....
    網誌類別: 何家生活點滴 ^a^
  • 畢業典禮完滿結束了.....

    2013-07-03 | 何家生活點滴 ^a^


    幾日無寫blog了,我想寫的時候,周公就走黎搞搞震
    參加阿囡的畢業典禮真係好開心,開心過後係攰到
    趴係度, 呢幾日真係又忙又攰 , 真辛苦...煩死人喇~
    諗住姐姐個畢業典禮完畢之後有兩日假期可以休息下喇...
    點知....都係無的俾我休息 , 兩個小朋友都唔知咩構造的
    平時返學的日子我叫極佢兩個都唔肯起身
    放假就鬼咁早起身 , 其實自己起身係度玩玩具咪好囉,
    唔好叫我咪好囉,點知佢次次都叫埋我起身,
    叫我整野俾佢吃 .... 阿囡對返學皮鞋爛佐 ,
    佢就不停咁叫我同佢去買鞋...買鞋....買鞋.......
    見有有兩日假 , 就拎7月1日的假同阿囡去買鞋 ,
    諗住仲有一日假可以休息喇.... 點知.......望望日曆
    原來7月2號係要返阿囡讀的小學果度拎書本 , 唉....攰 .... (更多)
  • 阿囡ge表演衫到手了.....

    2013-06-29 | 何家生活點滴 ^a^

    阿囡昨日放學返到屋企 , 話要即刻要著黎俾我睇 ,
    仲不停問我靚唔靚 , 我話唔單止好靚 , 仲好性感添...
    後面係大露背黎ga.....哈哈 我叫佢拉高d條裙,
    佢話唔得喎 , 佢話老師叫佢地露個肚臍出黎
    細佬的青蛙表演衫好得意 , 哈哈......
    細佬問我表演果時唔帶青蛙帽得唔得 ,
    我話當然唔得喇 , 佢話我帶住青蛙帽跳舞
    咪熱死我囉 , 我話表演果度有冷氣唔熱架 ,
    佢係咁同我講 : 想熱死人咩.....想熱死人咩......
    星期一的時候老師派佐4粒紅豆4粒綠豆俾
    幼兒班小朋友返屋佐睇豆的生長過程 ,
    謙謙返到屋企最終得返3粒紅豆2粒綠豆 ,
    其餘d豆去佐邊?   咪俾細佬落佐囉......
    行下跌一粒 , 再行下又跌多一粒 , 最終得返5粒 , 哈哈.... .... (更多)
  • 阿囡的畢業典禮就到喇......

    2013-06-24 | 何家生活點滴 ^a^


    阿囡期待已久的畢業典禮就到喇~
    黎緊ge星期日30號就係阿囡畢業典禮了,
    我都好期待.......睇阿囡 , 阿仔上台跳舞的得意樣
    哈哈......佢地上台跳舞真係好鬼搞笑架 , 好好睇
    特別係幼兒班小朋友跳舞呀  超得意 , 超搞笑....
    佢地上台跳舞的蝦6樣真係笑到我c c 吓
    我要的4張畢業典禮票終於到手了, 好開心呀!!!
    時間過的真係快 , 3年幼稚園生活話咁快就要結束 ,
    有d唔舍得 , 今次真係....想起要分手心又難過了.......
    今年畢業生要唱的2首歌 : [ 畢業歌 & 橋 ]
    家長小組成員上台獻唱的詩歌 : 慈繩愛索
    來到你的寶座前,我舉起雙手讚頌,
    你配得一切榮耀尊貴,你是王掌管明天。
    來到你施恩座前,我將我的心奉獻,
    惟獨你愛我天天不改變 .... (更多)
  • 父親節快樂~

    2013-06-16 | 何家生活點滴 ^a^

     老公父親節快樂呀!
    阿囡 , 阿仔送俾爸爸的父親節禮物 ! ! ! ^e^
    幼稚園真有心 , 派d禮物俾小朋友拎返屋企送俾爸爸! # 願天下所有爸爸/父親/老豆Happy Father's Day !
    * 我祝福每位愛鍚自己仔囡的爸爸身體健康 ,
    工作愉快 , 開心快樂過每一天 ~ ~  ^y^
    我好喜歡阿囡送俾爸爸的米奇杯 , 哈哈....
    我拎佐佢黎沖咖啡飲呀!!! 嘻嘻
    細佬果隻係保溫杯黎嘎 , 質地都唔錯架!
    #其實我自己都有隻新杯嘎 , 仲未開黎用....
    呢隻杯係教會20周年送俾我的禮物黎的 ,
    隻杯都唔錯 , 係紫砂保溫杯黎嘎~
    .... (更多)
  • 阿囡成功獲派第一志願小學 ~ (已更新)

    2013-06-02 | 何家生活點滴 ^a^


    阿囡盈盈成功獲派第一志願小學.....
    我終於可以放鬆放鬆心情喇......
     感恩上天眷顧我們這一家.....
    現在可以放下心頭大石了,
    依家開心晒 !
    *多謝係facebook恭喜過我&向我讚好ge所有人,
    阿囡可以獲派第一志願學校 , 可入讀心儀小學,
    真係開心到難以形容 , 再次多謝你地每一位ge恭喜 !
    #另外盈盈有同學仔派位派的唔理想,
    佢地爹地媽咪要去叩門,
    我係呢度祝同學仔爹地媽咪叩門成功!!!
    希望同學仔能夠入讀心儀小學 !
    輕營媽媽facebook : WingLee
    今日的天氣真係熱到暈....    熱c人喇 ~
    天熱阿囡同阿仔最中意叫我買雪糕俾佢地食,
    好味ge雪糕又貴到死 , 之但係我地一家四口 ,
    得 .... (更多)
  • 時好時壞ge兩姐弟

    2013-05-29 | 何家生活點滴 ^a^

    哩兩姐弟好就糖痴豆 , 唔好就水溝油 .....
    有時仲俾佢兩個激到我頭頂出煙咁制! ! !
    時常搞到間屋7國咁亂 , 見到都火滾    ,
    成日搞到我哭笑不得 , 哩兩個小朋友真煩....
    成日蝦家姐ge細佬仔........謙謙
    謙謙怕閃光燈 , 一影相就咁ge樣 .
    微笑中ge盈盈姐姐
    爸爸今日放假 , 我同老公一齊去學校接佢地放學 ,
    之後一家四口去吃飯 , 吃完飯爸爸同佢地去買糖吃!
    爸爸買俾佢地ge糖 , 有糖吃真開心  !
    姐姐不停咁望住包糖 , 細佬就不停咁同姐姐講野 ,
    但係姐姐唔彩細佬 , 哈哈..... 笑死我 .....
    感情唔錯的兩姐弟 , 拖住手仔一齊行路 .
    沿路有講有笑 , 佢地笑得好靚 , 好自然! ! !
    家姐時常向我 .... (更多)