琴日有意外收穫,好開心哦!!!

謙盈媽咪
加為朋友

全職家庭主婦, 兩個的小朋友的媽咪, 我喜愛飲飲食食 , 行街 , 自己係屋企製造美食.....家人吃的開心,我就開心^^ , 我覺得人最緊要係身體健康 , 有好ge身體做咩都得 , 同埋要知足常樂.....

琴日有意外收穫,好開心哦!!!

琴日有意外收穫,好開心哦!!!

琴日有意外收穫,好開心哦!!!

點煮網贊助

琴日有意外收穫,好開心哦!!!

2013-08-03 |

琴日下午同兩個小朋友去百佳買地拖&紙巾 ,
點知越買多喎,死火喇...我忘記拎環保袋添 ,
得一部細細部手拉車點算呢 ? 好在左砌右砌都免強放得落,
原來我地3個人唔經唔覺就買佐差唔多400蚊野  ,
買佐好多麵 , 急凍食品 , 新鮮豬肉 , 燒味,蔬菜.......
哈哈....又可以一個星期唔洗去街市喇 , 爽呀~ ~ ~
我一返到屋企 , 阿仔阿囡即刻走去就同爸爸講:
爸爸我地同媽咪買佐好多野返黎呀 ,
爸爸就話: 你去問下媽咪係咪走難 , 買埋咁多野 ,
阿囡走黎同我講 , 阿囡話: 媽咪爸爸問你係咪走難喎!!!
哈哈.......笑死我!!! 


超市摆放麵的地方 , 琴日有人係度promoter壽桃牌的麵 ,
阿囡每次見到都好開心,一定叫我過去睇睇有無野俾佢試食 ,
今次係promoter一隻無油炸的XO醬撈麵 , 我自己聽到都有
興趣 , 無油炸ge撈麵 , 好好呀唔洗吃到d小朋友咳咳....正!!!
$14.9/包 , 都唔係貴 ,咁岩d烏冬又做特價 , 我又買返2袋先....
promoter話買2袋撈麵就送一包蕃茄麵 , promoter話見你兩個
小朋友咁中意食麵你買多一袋撈麵 , 我送多包蕃茄麵俾你地食,
聽到不知幾開心.....
 我拿拿淋拎多一袋撈麵 , 哈哈.......
原來我地一家係壽桃牌ge粉絲黎嘎...   



睇下我個櫥櫃 , 哈哈....有好多麵呀 , 上層全部都係麵黎架
下面就係煮餸ge配料 , 煲湯材料 , 整蛋糕麵包的麵粉和配料 .
我真係足一個星期唔出街都可以呀 , 哈哈........
因為我個雪櫃又有好多瓜果蔬菜 , 肉類 , 等等材料 .



我ge健康小食 , 煮煮下飯或者煲煲下麵會拎幾粒出黎食 ,
其實紅棗係女士恩物黎架 , 小小一粒紅棗 , 功效好好架 ,
呢包紅棗有一斤 ,  我幫襯小販阿婆買ge , 50一包咋 , 哈哈... 

我係網上搵到的 , 紅棗小資料 :
味甘性溫、歸脾胃經,有補中益氣、養血安神、緩和藥性的功能
紅棗含有蛋白質、脂肪、醣類、有機酸、維生素A、維生素C、
微量鈣多種氨基酸等豐富的營養成份 . 紅棗能提高體內
單核--- 吞噬細胞系統的吞噬功能 , 有保護肝臟 , 增強體力的作用 ,
補氣養血:紅棗為補養佳品,食療藥膳中常加入紅棗補養身體、
滋潤氣血 , 紅棗係補氣養血的聖品,同時又物美價廉,
我們無需去買坊間昂貴的補品,善用紅棗即可達到養生保健的功效。




返到屋企兩個小朋友就叫我煮麵俾佢食 ,
內附一個XO醬油包 , 味道都唔錯 ,
輕微辣 , 所以盈盈謙謙都吃到 .



煮好麵不過仲未撈呀
呢兩隻係琴日係日本城買的 ,
家姐同細佬一人一個 .


鮮蝦雲吞都又做特價 , 9蚊左右一包 ,
平時就13蚊左右喇 , 老公中意食呢個牌子雲吞 .


謙謙盈盈ge下午茶


紙巾買2條會便d , 平時無特價30幾蚊 ,
買2條平均28蚊一條 , 藥房賣32蚊 , 比藥房起平 .



呢個牌仔ge地拖好好用 , 搬入新屋果時買佐
一個地拖頭用到前幾日壞佐 , 用佐2年幾 , 都算抵用.


3個人行佐唔夠2個鐘就用佐300幾蚊 ,
哎.....d錢倒水咁倒 , 洗錢容易搵錢難  .



新買ge日式湯碗 , 16蚊一個唔算貴 , 兩隻32蚊 ,
咁岩老公上個月俾佐一張$20日本城現金券我 ,
拎黎買湯碗最好不過 , 俾12蚊就可以拎兩隻湯碗走!


返到屋企即刻要我同佢地貼返個名貼落去喎 ,
佢兩個話一定要用返自己個湯碗黎飲湯或者吃麵 ,
唔可以拎人地個湯碗用喎 , 呢兩個小朋友真搞笑 ,
佢兩個仲話 : 媽咪爸爸都唔可以用喎 !!!!

點煮網贊助

回應

loading
點煮網贊助

琴日有意外收穫,好開心哦!!!