我的新玩具 ---- 麵包機

謙盈媽咪
加為朋友

全職家庭主婦, 兩個的小朋友的媽咪, 我喜愛飲飲食食 , 行街 , 自己係屋企製造美食.....家人吃的開心,我就開心^^ , 我覺得人最緊要係身體健康 , 有好ge身體做咩都得 , 同埋要知足常樂.....

我的新玩具 ---- 麵包機

我的新玩具 ---- 麵包機

我的新玩具 ---- 麵包機

點煮網贊助

我的新玩具 ---- 麵包機

2013-08-18 |

星期五我同兩個小朋友去佐媽媽度吃飯 , 咁岩大家姐放假 ,
我問佢出唔出街 , 佢話無野做就一齊出   ,
家姐有d唔舒服 , 佢見我話出去 , 佢就順便去睇醫生 ,
睇完之後我地去佐黃金商場買滑鼠 ,
因為我屋企個滑鼠有小小問題 .

買完行返屋佐果時見到間億世家 , 我叫佐家姐一齊入去睇下野 ,
一入到去就見到有兩部麵包放係度 , 其中一部仲做緊特價添
,
原本$699依家就$499就可以買到 ,  嘩............ 便佐咁多ge?
我問店員有無做1磅ge麵包機 , 佢話依家1磅麵包機無貨 ,
有做2磅的 , 依家仲做緊特價添喎 , 2仲好喇 , 我地店舖得返2部咋,
你係咪要呀?我答佢:唔要住 , 等我睇睇先 , 當時真係好想立即俾錢 ,
但係諗諗下我依家買佐
 今晚點算? ? ? ? ? ? ?

我夜晚仲要一個人帶住兩個小朋友由深水埗搭巴士返天水圍喎 ,
都係唔買住 , 等我天日帶兩個去嫲嫲度 , 我再自己去元朗億世家睇 ,
點知昨日老公話唔舒服所以唔去返工 , 哈哈
 ........ 天助我也
唔洗我帶佢兩個去嫲嫲度 , 真好 , 唔洗我行幾轉 ,
 唔洗煩
 ,

我同老公講我出去買野 , 你睇住佢兩個 , 佢話你同佢兩個傾掂數 ,
佢兩個俾你去 , 你咪去囉 , 之後我同佢兩個講 : 媽咪去買野 ,
你兩個同爸爸係屋企 , 我一陣買d野返黎俾你地食 , 佢地話好 ,
老公就要求我6點前一定要返到黎 , 我話ok , 之後就啦啦林出去


咁岩元朗舖有promoter 即埸係度焗方包俾人睇 ,
好香呀!!!!!!  隔離用個爐仔焗緊牛油曲奇 ,
嘩........真係好香 , d香味吸引佐好多人係度睇 .
 




我買ge麵包機 . 個外形都唔錯!



 

最多做2磅麵包 , $499 真係好抵,
500蚊仲有得找返1蚊俾你添呀!!!






我覺得佢幾靚仔呀!





麵包機ge側身 .





隨機附送的小工具 , 說明書 ,
入面仲有一些做麵包的食譜 .





佢唔算大部 , 大個電飯一dd ,
好彩岩岩夠位俾佢摆咋 ,
再大小小都唔掂呀!





琴晚無野做 , 就拎佢玩下整包包.......





部機俾我想像中好, 攪粉果時唔係太大聲.





發酵緊 , 我衰多手走去搞佢 ,
左上角就係我ge証據喇~~~






0:00 嗶....嗶.......焗完喇......





嘩.......去完非洲黎  咁黑ge ?
本身部機有3種烘烤顏色 , 
可自己選擇 淺~  中~  深~





今次我按佐有中色 , 嘻嘻.......
下次用淺色就ok了 , 我唔喜歡太深色 .






切開個樣 , 一般般啦 , 不是好軟熟 ,
俾我上次用手搓的好d d啦 ,
首次用麵包機 , 唔係咁熟手 ,
係咁上下, 玩多幾次可能會好d .





外皮脆脆地, 入面就小小軟 .





熱熱地食就ok得 , 但凍佐就唔係咁好吃 .




我要再研究研究下先得到! ! !

# 盈盈同謙謙今朝拎千島醬黎搽呢個麵包吃 ,
同我吃晒個麵包  佢地仲話好好味喎!!!!
 





 
同一牌子功能差唔多 , 賣緊$999 ,
只是多兩三個功能 .



多佐個自動投放乾果獨立盒 ,
有3個磅數選擇 1 / 1.5 / 2磅 ,
我買的只有2個磅數選擇 .




點煮網贊助

回應

loading
點煮網贊助

我的新玩具 ---- 麵包機