開心"大"發現@大芝麻醬 , 大芒果 , 大節瓜 , 大鮮果沙律

謙盈媽咪
加為朋友

全職家庭主婦, 兩個的小朋友的媽咪, 我喜愛飲飲食食 , 行街 , 自己係屋企製造美食.....家人吃的開心,我就開心^^ , 我覺得人最緊要係身體健康 , 有好ge身體做咩都得 , 同埋要知足常樂.....

開心"大"發現@大芝麻醬 , 大芒果 , 大節瓜 , 大鮮果沙律

開心"大"發現@大芝麻醬 , 大芒果 , 大節瓜 , 大鮮果沙律

開心"大"發現@大芝麻醬 , 大芒果 , 大節瓜 , 大鮮果沙律

點煮網贊助

開心"大"發現@大芝麻醬 , 大芒果 , 大節瓜 , 大鮮果沙律

2013-08-24 |

前日(22號)朝早嫲嫲打電話黎問我地去唔去游水 , 
之後我就問盈盈謙謙去唔去游水 , 佢地話去游水喎 ,
咁佢兩個去我當然一齊去喇 , 我唔游係屋企都係無野做 ,
梗係去
 ,今次好多人一齊去游水 , 有姑媽2個小朋友,
老爺 , 奶奶 , 大伯 , 伯娘同埋我地3個 ,  游佐2個鐘左右 .

游完水就一大班人去飲茶 , 飲完茶我就同小朋友返嫲嫲
屋企先 , 之後我就自己一個人出元朗行街街 , 買下野咁囉 ,
自己一個人行街真係好過隱 , 難得自己一個人行 , 無人煩我.....
當然要去烘焙店睇下野喇 , 去烘焙店途中我見到有間小型日式店 ,
摆放佐一些日本酒 , 沙律醬 , 紫菜係店舖內賣 , 於是行入去睇
嘩....
眼都大埋
, 點解支芝麻醬咁大ge?  我問店員幾錢一支 , 佢話$108
我再問多佢一次 , 佢話係108呀, 我即刻拎佐支芝麻醬俾錢走人
,
哈哈.....
真係好平!!!  

我最近愛上佐整麵包 , 係烘焙店睇睇下野就好自然咁買埋d野......
買佐d麵粉 , 同其他野.....仲有一張入爐不黏布 , 方便我焗野時唔洗
用咁多牛油紙 , 買完就去街市行下睇下有咩平野買先
, 最後買佐
一份芒果(一大一細) , 蘋果 , 菠蘿 , 薯仔 , 蔬菜.........  買佐好多野
得我自己一個人拎 , 真係拎到我CC下...... 

返到屋企原來老公放工了 , 之後我放低d野整理好之後 , 我同老公
一齊去奶奶屋企吃飯 , 入到奶奶屋企我嘩佐一聲.....
老公問我咩事 ,
我話 : 老公你睇下個冬瓜幾長同幾大 , 之後奶奶話佢唔係冬瓜黎嘎 ,
佢係節瓜黎ga ,
吓.......... 節瓜都有咁大個??? 我第一次見 ! ! ! !


200ml我係超市買的 , 細細支就要26蚊 ,
今次買呢支咁大支先至$108 , 係咪好抵呢!
一支大 = 7支半細的, 你計下數就知邊個抵用 ,
我一家大細都中意呢個芝麻醬 , 真係好好味!!!!




有支咁大ge芝麻醬 , 當然要整返d野食下先喇....




 未吃 , 見到支醬已經好開心了, 嘻嘻........



呢個芝麻醬撈任何冷麵 , 烏冬, 通粉.......都係咁好食




呢款係台灣芒果黎的 , 唔香 , 得個甜字 ,
無麥芒果味 , 用佢黎整沙律一流.......
一大一細盛為20蚊 .




我整佐一大兜沙律 , 有排吃........
不過我同老公都中意吃 , 會好快吃完 .




我整得靚唔靚呢 !  芒果係我的至愛 ,
呢兜沙律正都無朋友!!!!!!!!!! 哈哈........




材料有 : 青瓜 , 薯仔 , 粟米 , 蘋果 ,
芒果 , 菠蘿 , 雞蛋 , 沙律醬




奶奶種的節瓜 , 我無講錯 , 佢真係節瓜黎的 ,
係咪好似冬瓜呢 ? 真係唔講都唔知佢係節瓜




嘩.........呢個節瓜成隻腳咁長 , 大到嚇親人.....
我咁大個囡都係第一次見咁長咁大ge節瓜




買佐小小整麵包的材料同一張不黏布 ,
焗野唔洗用牛油紙 , 又可循環再用 , 唔錯 !
左上角的韓國麵粉係 "價真棧" 買的, 19蚊1kg .




細佬食飽第一時間就係...........玩電話




嘆茶中的姐姐........ 喜歡飲人參烏龍茶 , 我都中意!




同嫲嫲一齊映相 , 游完水ge姐姐有d攰......




我家老爺奶奶 , 年紀都唔細了......




飲完茶齊齊行路返嫲嫲屋企玩..... yeah ~.~
右手邊黑色衫係盈盈姑媽 , 左手邊係伯娘 ,
紫色衫係大伯





點煮網贊助

回應

loading
點煮網贊助

開心"大"發現@大芝麻醬 , 大芒果 , 大節瓜 , 大鮮果沙律