【點煮易】客家釀豆腐|Hakka Style Stuffed Tofu

新年快樂！新嘅一年應該食咩慶祝好？當然唔少得變化多端又滿載傳統味道嘅中菜啦！首先為今個中菜月打響頭炮嘅係大眾摯愛——客家釀豆腐。豆腐營養多口感滑，散發著陣陣豆香。當滑嫩豆腐配上多汁嘅豬肉同有咬口嘅蝦米，最後再淋上簡單嘅醬汁，滿足胃口之餘又可以登上大雅之堂，一定係過年宴客必備菜式！

步驟:

1.蝦米浸軟，切粒。

2.免治豬肉加入醃料和蝦米粒，攪拌至起膠，再醃15分鐘。

3.用廚房紙印走豆腐表面水份，切開多件。

4.在每件豆腐用小刀界出方形小坑，並把豬肉餡填入。

5.鑊燒熱後落少許油，先煎有肉餡的一邊，再把另外四面煎至金黃色。

6..醬汁調好攪勻 ，加入鑊內煮滾。

7.慢火再燜煮2分鐘。

8.豆腐上碟再淋上醬汁。

9.最後灑上蔥粒。

10.完成。

詳細食譜: http://www.dimcook.com/recipe/315ffde5b8/