又到聖誕~又到聖誕~想過一個充滿氣氛嘅聖誕節,當然唔少得佈滿裝飾嘅靚靚聖誕樹啦!但係一棵真嘅聖誕樹又貴又礙位,點算好?哩棵聖誕森林脆米就唔同啦!佢將朱古力嘅香甜,脆米嘅鬆脆,以及士的糖嘅五彩繽紛結合,真係睇得又食得,仲可以同小朋友一齊整,黎一個聖誕親子樂添!
步驟:
1. 將餅乾棒排列在牛油紙上,備用。
2. 白朱古力隔水坐融,加入綠色食用色素拌勻。
3. 將朱古力放入保鮮袋或唧袋,袋尖端剪一小孔。
4. 用餅乾棒頂端為起點,左右來回由窄至闊向下唧出聖誕樹形狀。
5. 在朱古力成形前,撒上裝飾糖粒,冷藏備用。
6. 薄荷士的糖放入袋中壓碎,備用。
7. 小鍋中用小火融化牛油。
8. 加入棉花糖,煮至完全融化,期間不斷攪拌。
9. 關火,加入脆米及士的糖碎,快速攪拌均勻。
10. 將混合物倒入鋪有牛油紙的盤中,輕輕壓平,放涼至成型。
11. 將脆米切成方形。
12. 將聖誕樹插於脆米中央即可享用。
13. 按喜好撤上糖霜。
詳細食譜:http://www.dimcook.com/recipe/07438bee68/