點煮網贊助
相聚一刻的格子袋聚
2011-04-18 | 拼布
班朋友仔睇見我個格仔袋之後話都好想做番個
所以今次我哋嘅功課就係格仔袋啦！
佢哋做得好靚呀！
仲靚過我嗰個，好妒忌呀！
呢位朋友話驚個袋口會漏啲物件出嚟，所以加咗條拉鏈，
但係未縫好拉鏈裝飾布，睇清楚佢啲格仔係佢一手一腳拼出嚟㗎，
而且仲可以對得番啲格仔㗎！犀利！
呢位朋友用咗比教較硬淨嘅布，所以出嚟嘅效果當然係挺身啲啦！
仲襯得好靚添！
哩位朋友仲犀利，全手縫，仲係最唔識針黹嗰個，
到而家進步好多，佢仲係用咗好難縫嘅金色綫嚟縫，佩服！
佢喺袋口加咗條花邊，當堂靚上加靚啦！
最後好醜咁出場嘅係我嗰袋，比較吓係咪失色好多呢？
我連裁布都裁到歪晒，好醜呀！
點煮網贊助
回應
點煮網贊助
社交網