隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

黃師奶廚藝小百科
加為朋友

為咗見到黃先生個為食樣~誓要煮好每一餐飯~ 黃先生食得開心~黃師奶煮得用心~ ^_^
    網誌類別: 包包+糕點
  • 碎蛋沙律包

    2013-07-10 | 包包+糕點


    <<碎蛋沙律包>>
    ~好喇~由上星期五開始覺得唔舒服~~到今日~well....仲未好返~!真係年紀大lu~病一病~就搞咁耐~~!唔知道大家有冇追套盛男呢?!~黃師奶覺得阿豹哥真係好搞笑~~~~睇佢同阿尤蜜真係笑爆咀~!~真係寧願呢套做長d好過~
    ~好喇~照慣例~問黃先生想食咩包包~~~~佢答話碎蛋沙律包~~easy easy~咁又開工喇~~呢款包好吖~型都唔駛點整~就咁放上餡料就得~~!!啱哂黃師奶呢d 懶人呢~!!~
    材料: 高筋粉 200g  牛油 30g , 糖 30g, 鹽 4g, 酵母 6 g, 牛奶90 g, 碎蛋沙律隨意 (烚蛋+沙律醬+少少蒜鹽溝混啦)
    STEP 1
     除碎蛋沙律外, 將材料搓成麵糰再發酵50分鐘~
    STEP 2
    將麵糰放氣後壓篇~~再發酵15分鐘
    STEP .... (更多)
  • 原隻蕃薯包

    2013-06-28 | 包包+糕點


    <<原隻蕃薯包>>
    ~周五快樂呀!!今個星期係LONG WEEKEND 喎~~大家有咩節目呢~!會唔會去遊行呢?! 黃師奶就唔會喇~~因為太熱~加上黃師奶不愛港不愛國~~「This city is dying」~~~~仲出去做乜鬼吖~~.~~~
    ~好喇~~有日阿黃先生問我~可唔可以食蕃薯包喎~~~!佢講明唔要蕃薯蓉~要成隻蕃薯喺入面喎!~~好啦好啦~~咁黃師奶就喺吉吉島~~買咗PACK 日本蕃薯~細細隻好呀!~~~~用黎烤熟咗先~~~之後搓粉後~就將麵糰好似蛇咁卷住條蕃薯~拎入爐焗~~~黃先生收貨~YEAH!~~~~~
    材料: 高筋粉 300g , 牛油 30g , 糖 30g, 鹽 4g, 酵母 6 g, 牛奶130 g, 蕃薯(已焗熟) 隨意
    STEP 1
    除咗蕃薯外~將所有材料拌勻~之後就開始搓呀~~搓到個圓球起筋~之後發 .... (更多)
  • 高融點芝士吐司

    2013-06-19 | 包包+糕點


    <<高融點芝士吐司>>
    ~城中熱話~套求愛大作戰~唔知大家有冇追呢~~黃師奶呢~本來追嘅興趣不大~點知有日睇forum~~~見到佢哋話個自稱白馬王子嘅叔叔好串咀~咁就上網睇返~~~先唔好話嗰幾個女仔港女先~~~嗰個咁嘅白馬王子~真係收皮啦~仲話教香港人溝女喎!~~咩未同個香港女仔拍拖~....話5尺5寸d 女仔係矮冬瓜~!我呸!!我model 身型都唔會揀你啦~.~揀你唔通我陪你返家搽藥油咩~以為自己好型~個look 好似80年代咁~~out 咗20年~
    ~好喇~~有日行開二記~~咁又patpat痕買咗舊高融點芝士~~返到屋企又用咗黎搓包包~~買咗黃先生~食吐司好唔好~~~~佢話好喎!~~~咁就整咗喇~其實成個包黃師奶都加咗好多芝士~~不過可能只係切開一片~大家唔覺咋~!早上食呢款包包~加埋腸仔蛋~~好滿足喔~~~~
    材料: 高筋粉 250 .... (更多)
  • 甜甜紅荳包

    2013-06-05 | 包包+糕點


    <<甜甜紅荳包>>
    ~~~黃師奶同大家講~唔好幫襯尚德街市一入去藥材鋪對面嗰間生菓鋪~間嘢好唔老實~嗰日黃師奶走去買提子~佢係咁易磅俾我~~跟本就唔足磅~我睇到個磅~~一拎上手~我就剷佢~唔好見黃師奶~日日著裙斯斯文文~剷人嗰時好嚇人~~最後個阿嬸咪又係死死氣俾返錢我~~總之大家唔好幫襯~
    ~好喇~~得閒無事又搓包~~今次用咗紅荳餡~~~一路整形一路偷食D紅豆茸~~~冇計啦...黃師奶真係好鍾意食甜嘢~~~黃師奶最理想職業係想做阿餅店田太服務員~~因為可以成日偷食俾客人試食D 餅~~~呵呵呵~~
    材料: 高筋粉350g, 酵母6g, 鹽5g, 奶150g, 牛油 35g, 蛋一隻, 糖 35 g, 紅荳茸適量
    STEP 1
    將所有材料拌勻~之後就開始搓呀~搓到個圓球起筋~之後發酵約45分鐘
    STEP 2
    之後呢~分割 .... (更多)
  • 芝士鹹牛肉包

    2013-05-24 | 包包+糕點


    <<芝士鹹牛肉包>>
    ~今早起床~~竟然見到藍天喎!~~落咗咁多日雨~~終於見到太陽伯伯~希望一陣唔好又落過啦~~~屋企有少少陽光曬下~~好過日日要~閂窗開抽濕機過日子呢~!嗱~~之前提過SO高減價~~黃師奶就去咗行一轉~不過家吓乜田減呢~就真係無能為力喇~....因為乜田真係地方細細...人又多多~....返家又遠~~黃師奶唯有繼續喺SO高八吓算~~~~
    ~好喇~又黎玩包~~問黃先生想食咩包~~~俾咗幾個選擇佢~佢話要食鹹牛肉包~咁即時就開工喇~~今次加埋少少芝士碎喺D 餡到~裡裡外外都有芝士香~~~~D 芝士係一大舊即磨架~~唔係現盛芝士碎~~~黃先生食完都話頂呱呱架~!
    材料: 高筋粉350g, 酵母6g, 鹽5g, 奶150g, 牛油 35g, 蛋一隻, 糖 35 g, 芝士及鹹牛肉適量
    STEP 1
    將所有材料拌勻~之 .... (更多)
  • 脆脆海鮮PIZZA

    2013-05-17 | 包包+糕點


    <<脆脆海鮮PIZZA>>
    ~~多謝大家對黃先生嘅祝福~~行咗2日~~黃師奶又上返黎個BLOG 清除什草~今日係SOGO感謝節開始!~~~~但係黃師奶冇一早扑出去~~~點解?因為一早去到都係好多人~~~今年轉策略~閂門前去~哈哈哈~~黃先生話陪我出去喎一陣~~~哈~咁鬼人~你邊頂得順吖~~~
    ~嗱~講返個PIZZA先~PIZZA 上面嘅墨魚仔~或者海鮮材料~黃師奶覺得最好先醃一醃再炒熟先放上PIZZA到焗~~又唔駛話炒到熟透嘅~~因為墨魚仔有好多水份~如果就咁放上PIZZA面焗熟~咁佢會標水~就會影響咗PIZZA嘅脆脆口感~!大家可以參考吓~
    麵糰材料: 高筋粉150g, 橄欖油10g, 鹽少許, 水85g
    餡料: 芝士碎, 巴馬火腿, 墨魚仔, 茄膏少許
    墨魚仔醃料: 黑胡椒及蒜鹽少許
    STEP 1
    將麵糰材料拌勻 .... (更多)