隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

黃師奶廚藝小百科
加為朋友

為咗見到黃先生個為食樣~誓要煮好每一餐飯~ 黃先生食得開心~黃師奶煮得用心~ ^_^
    網誌類別: 包包+糕點
  • 中式合桃杏仁酥

    2014-01-08 | 包包+糕點

    <<中式合桃杏仁酥>>黃師奶一生中有4個最重要嘅朋友仔~~由小學識到家下變師奶~~自從黃師奶做咗blogger後~就迫佢哋成立咗個"黃師奶誓死效忠粉絲團"~當中有會長~秘書~HR同MARKETING 架~係咪好PRO呢~~哈哈哈哈~~~~~
    今日黃師奶整咗d餅俾會長~呵呵呵~~~多謝會長話佢D同事係咁讚好食~~食完仲要再問拎返屋企俾家人食~再多謝會長父母咁俾面~~係咁讚下黃師奶~~~搞到人哋鬼咁開心TIM!~~~~
    材料: 低粉200g , 糖70g, 小米油100g ,蛋汁20g, 泡打粉1/2茶匙 , 梳打粉1/4茶匙, 杏仁粉20g, 合桃(切碎)45g
    STEP 1焗爐預熱180度15分鐘
    STEP 2將低粉/泡打粉/梳打粉過篩; 再加入糖/蛋汁及小米油搓勻;
    STEP 3拌入杏仁粉後搓幾下 (勿搓過量至起筋)~再混入合桃~整 .... (更多)
  • 杏仁SCONE

    2013-12-16 | 包包+糕點

    <<杏仁SCONE>>黃師奶之前提過話屋企樓下玩變身~WELL…東九龍圓方喎~圓佢個頭吖~家下連間診所都話要搬LU!~仲要搬去旺角…朋友仔黎到我家附近~會覺得好正~有街行~你哋唔明…當你住喺到..你就會知道有幾沒趣…
    新鮮出爐嘅SCONE~真係好好味~~其實整SCONE 一D都唔難~又唔駛搓到起筋~最緊要記得舊牛油係用嗰時喺雪櫃拎出黎就得~!唔係用室溫架~!!牛奶可以慢慢架~搓完舊麵糰會係濕身D~灑D粉喺枱面~快手壓個圓形就得~~~
    材料: 低筋粉125g , 高筋粉125g, 75g牛油 , 泡打粉約1茶匙, 牛奶100g, 蛋一隻, 糖125g, 鹽少許, 杏仁碎50g
    STEP 1將所有材料 (除杏仁外) 搓勻 ; 搓入杏仁後將麵糰對摺幾下再搓成圓形 (唔好搓得過度呀!~求奇得架喇~會硬唔好食架)
    STEP 2預熱焗爐180度15分鐘 .... (更多)
  • 杏仁餐包

    2013-12-11 | 包包+糕點

    <<杏仁餐包>>大家追MY盛LADY!~最欣賞係邊個呢?黃師奶最欣賞係袁琛~哈~~江美儀呀!!!佢做電台節目好聽架~拍戲又做得好喎!~~~睇佢打電話投訴話電視劇穿崩嗰下真係笑爆咀~~哈~~真係好搞笑~~
    嗱~今日又整包包~~有日黃先生同黃師奶行超市~~見到J字頭嗰隻腸做特價~黃先生話要買喎!~做早餐喎!~咁有腸冇包點得吖~即係焗埋D 包包~咁黃先生個早餐就豐富D~返工都醒神D!~~~
    材料: 高筋粉 350g 牛油 35g , 糖 35g, 鹽 4g, 酵母 6 g, 牛奶110 g, 湯種115g, 蛋一隻 , 杏仁碎50g鋪面芝麻: 隨意
    STEP 1除杏仁碎外, 將材料搓成麵糰再發酵50分鐘~
    STEP 2將麵糰放氣後壓篇~~再鬆弛15分鐘
    STEP 3再搓入杏仁碎~整形~發酵40 分鐘
    STEP 4預熱焗爐180度15 分 .... (更多)
  • 黑芝麻饅頭

    2013-12-09 | 包包+糕點

    <<黑芝麻饅頭>>呢幾日榮华新界區大減價~喺地鐵站見到條隊~真係O哂咀呀!~~多人到呢~好似唔駛錢咁!!!黃師奶打電話問張媽媽~~~
    黃師奶: 媽媽~~你要唔要臘腸呀?!張媽媽: 哦~唔要喇~榮华嗰D 好貴呀!~唔好買喇~~黃師奶: 哦~咁我自己要哂架喇~家下買一送一~~張媽媽: 下? 乜買一送一咩? 咁你買完分一半俾我啦~黃師奶: ……………….
    哈~今日玩中式包點~~早上剛蒸好熱烘烘咁俾黃先生食~~佢話好好味喎!~仲問黃師奶喺邊到買喎…我咪答佢~我自己蒸架…如果個包點你想第日食~最好就蒸熟放涼後再放入雪櫃~第朝再隔水大火蒸返10分鐘吖~!都好味呢~~
    材料: 中筋粉200g, 糖45g, 黑芝麻粉20g(最好焗一焗香佢TIM), 酵母1茶匙, 油1茶匙, 鹽少許, 牛奶115g
    STEP 1將所有材料拌勻, 搓成光滑嘅粉糰; 發酵約40分 .... (更多)
  • 流心朱古力包

    2013-11-28 | 包包+糕點

    <<流心朱古力包>>嘩~~今朝真係凍咗好多呀!~~~冬天係咪真係已經到咗呢可?!定係又係嗰d涼幾日…又熱返呢~~~尋日黃師奶就已經入好綿被tim lu!~~一到轉季~又到咗執執執時候…清吓舊衫…夏天衫….一唸起..頭又暈lu!~
    好喇~~又到整包包時間~黃師奶呢個朱古力迷~~又整咗d 朱古力餡入個包包到~~嗱~~大家見到d 相有成排包仔~有d 係朱古力餡~有d 冇餡架~!!因為黃先生唔好甜食….所以整嗰時要就下佢囉~!d朱古力焗到有d流心~!好好味呢~!
    <<流心朱古力包>>
    材料: 高筋粉 350g 牛油 35g , 糖 25g, 鹽 4g, 酵母 6 g, 牛奶105 g, 湯種115g, 蛋一隻 , 煮食用朱古力隨意鋪面芝麻: 隨意
    STEP 1除朱古力外, 將材料搓成麵糰再發酵50分鐘~
    STEP 2將麵 .... (更多)
  • 魔鬼芝士餐包

    2013-11-11 | 包包+糕點

    <<魔鬼芝士餐包>>
    嗱~黃師奶又要踢爆一間超衰黑店~~就係喺將軍澳站佳寶後面有間叫"方榮水電"嘅賤鋪~!呢間嘢做獨市生意~!唔憂做都算啦~剛剛個星期六應承咗話上黎幫我整嘢~點知甩底放飛機!!打電話都唔接~!!!!!唔志在嗰幾百蚊生意咁喎!~~!!大家千祈唔好上當~!!千祈唔好幫襯呢間嘢呀!!!記住!!~~~~~~~
    黃師奶今日又整餐包仔~!!之前整開會喺個包面到加少少芝士碎~呵呵呵~家下真係覺得自己越食越肥~夠膽食喺搓嗰時加埋芝士粉同芝士碎~!食落仲加香~well…仲加肥tim~
    材料: 高筋粉 350g 牛油 40g , 糖 35g, 鹽 4g, 酵母 6 g, 牛奶105 g, 湯種125g .... (更多)