隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

黃師奶廚藝小百科
加為朋友

為咗見到黃先生個為食樣~誓要煮好每一餐飯~ 黃先生食得開心~黃師奶煮得用心~ ^_^
    網誌類別: 菜菜豆腐同雞蛋~
  • 家常豆腐

    2014-10-06 | 菜菜豆腐同雞蛋~

    <<家常豆腐>>呢幾日大家最關心都係佔中~已經係第6日喇~究竟家下會點收科呢?!今朝睇新聞仲話D示威者阻攔喺政總上班嘅公務員~情況好似好糟咁~~最怕係最後有流血事件呢~~
    通常黃師奶都係煮滑豆腐多~今次因為要煎~就轉咗硬豆腐~初初怕黃先生唔鍾意食~誰不知佢又話呢個豆腐好好食喎!~哈~煎豆腐嗰時其實要俾少少心機~其他STEP 都冇難度~得閒快D試下啦~!
    材料: 硬豆腐一磗 , 彩椒隨意汁料: (紹酒約半碗, 蠔油一湯匙, 糖及生粉一茶匙, 麻油及胡椒粉少許)拌勻
    STEP 1硬豆腐切片 , 彩椒去籽切絲
    STEP 2燒紅鑊後用小火將豆腐煎香盛起
    STEP 3爆香彩椒後將豆腐回鑊, 淋上汁料煮透(約2分鐘)即成
    詳情可參考:http://www.wongc9.com/
    .... (更多)
  • 鮮菇伴露筍

    2014-07-09 | 菜菜豆腐同雞蛋~

    <<鮮菇伴露筍>>哈~今朝聽到一句~"大家唔係發夢, 亦都唔係未瞓醒~冇錯~係7:0~真係7個1皮"~哈哈~最後完場前90mins破蛋~~真係輸得好樣衰~主辦國真係好瘀皮~德國佬又真係夠哂狠~面都唔俾~一個字~!爆~!!
    又係頹飯系列~肉都冇一粒?!哈~買咗d本菇~~加多pack露筍~煮埋又一餐~呵呵~露筍唔駛烚好耐~黃師奶都係烚咗唔夠2mins~用d蠔油炒下d 菇菇~淋上去又一道簡單小菜呢~!
    材料: 啡色/白色本菇隨意 , 露筍隨意, 蒜茸一大匙, 紹酒小半碗
    汁料: 蠔油一大匙
    STEP 1
    露筍洗淨後抺乾水份; 菇類用濕布清潔乾淨
    STEP 2
    爆香蒜茸後拌入菇類炒香; 再下蠔油兜炒片刻後灒酒再煮至收汁
    STEP 3
    煲滾水後下少許油, 鹽及糖; 拌入露筍煮至熟透(約2mins)
    STEP 4 .... (更多)
  • XO醬爆時蔬

    2014-07-07 | 菜菜豆腐同雞蛋~

    <<XO醬爆時蔬>>今朝新聞講有個男人投咗塊車牌"WONG C 9″ 俾個老婆~嗱嗱嗱~呢個男人唔係黃先生呀下~黃師奶即時WHATSAPP黃先生~點知黃先生話有車都係佢揸~有乜理由個車牌叫WONG C 9 喎~咁佢會好唔型喎~哼~~太過分~哈~又食菇類喇~~家下襯後生仲叫~鍾意食就食~第時老咗有痛風嗰D就冇得食LU~呵~今次加咗XO醬快炒~個XO醬辣辣哋咁好惹味~加多少少青椒~賣相又靚仔D~呵呵~~食都食得開心D~
    材料: 韓國菇菇一pack , 青尖椒一隻調味: XO醬隨意
    STEP 1菇菇清潔乾淨(最好用濕布清潔~沖水太勁..吸水太多的話..煮嗰時會出水..) ; 青尖椒洗淨切小塊備用;
    STEP 2慢火爆香XO醬後下菇菇快炒~再拌入青椒兜勻煮至熟透即成~
    詳情可參考 http://www.wongc9.com/
    .... (更多)
  • 蒜汁牛肉滑豆腐

    2014-06-30 | 菜菜豆腐同雞蛋~

    <<蒜汁牛肉滑豆腐>>嗱~部洗衣機已經証實咗死亡~救唔返lu~~話咁快又買咗部新機~well!~不過星期三先送貨~~希望呢部新機生生性性~唔好亂發脾氣~~等黃師奶洗衫可以洗得舒服d啦~~
    嗱~今日又係整d好送飯嘅餸~well!~夏天有時冇乜胃口~煮下豆腐送下飯都幾好選擇~今次黃師奶就醃好哂d牛肉~~牛肉加咗蒜茸醃~好惹味~加個豆腐~最後灒少少酒~~咁又一味簡單小菜~
    材料: 牛柳200g, 滑豆腐一磚 , 紹酒小半碗牛柳醃料: 生抽半湯匙, 蒜茸半湯匙, 糖及生粉各1茶匙, 胡椒粉及麻油少許
    STEP 1豆腐切丁 ( 豆腐可於煮前灑少許鹽蒸約5分鐘再切丁, 咁D豆腐煮起上黎靚仔D~唔易爛)
    STEP 2牛柳跟醃料伴勻備用
    STEP 3燒紅鑊後下牛肉略略兜炒片刻下豆腐後兜勻
    STEP 4灒酒後煮至收汁即成 (可加生粉水埋芡)
    .... (更多)
  • 蒜香菇

    2014-03-31 | 菜菜豆腐同雞蛋~

    <<蒜香菇>>今朝起身又覺得自己上左天堂~望出窗係白濛濛一片~~白到你唔信…究竟係因為黃師奶住得太高定係呢區真係濕太咁呢?!一出街仲要有雨咁~討厭~!今個星期日仲話去拜山~如果咁濕~到時實鬼呢hea~~~
    呢款韓國迷你直菇~黃師奶堅鍾意食~今次將呢款菇加埋pack 日本本菇一齊煮~well..其實係因為個人懶~見乜煮乜…爆香少少蒜茸~快手兜炒~已經好好味~加多少少青椒~賣相又靚d~又食得開心d~呵呵~!
    材料: 韓國菇菇一pack , 日本本菇一pack , 蒜茸半湯匙, 青椒
    STEP 1菇菇清潔乾淨(最好用濕布清潔~沖水太勁..吸水太多的話..煮嗰時會出水..) ; 青椒洗淨去籽切絲備用;
    STEP 2先爆香蒜茸~拌入菇類兜炒片刻後再加青椒絲兜勻~~煮熟下少許鹽調味即成~!
    詳情可參考: http://www.wongc9.com/ .... (更多)
  • 蠔汁香菇浸時蔬

    2014-03-21 | 菜菜豆腐同雞蛋~

    <<蠔汁香菇浸時蔬>>雖然呢幾日玩forum到有d沒趣事發生~不過黃師奶好高興有唔少網友jm為黃師奶發聲..幫黃師奶抱不平..實在非常感動…冇唸過素未謀面嘅jm會為我呢個師奶仔做咁多嘢…喺到多謝哂大家嘅關心同努力~!
    講返碟餸先~黃先生好like 食冬菇架~所以都好常煮~呵~家下後生食多d冇咩所謂~遲多十年八年應該冇呢支歌仔唱~今次煮咗個娃娃菜~炆好d冬菇就淋上去~如果想d冬菇靚仔d~可以放d冰糖落去炆~咁d 冬菇炆出黎會好有光澤喔~~
    材料: 冬菇十隻 , 薑2片, 娃娃菜3小棵
    調味: 蠔油一大匙
    汁料: 生抽半湯匙, 麻油及胡椒粉少許, 冰糖一小粒, 生粉一茶匙, 浸菇水大半碗 (全部拌勻)
    STEP 1
    將冬菇洗淨後浸軟去蒂, 浸菇水留用 (用黎調個汁料) ; 娃娃菜洗淨後瀝乾水份
    STEP 2
    爆香薑片後拌入 .... (更多)

上一頁

1234

下一頁