隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

黃師奶廚藝小百科
加為朋友

為咗見到黃先生個為食樣~誓要煮好每一餐飯~ 黃先生食得開心~黃師奶煮得用心~ ^_^
    網誌類別: 雞雞鴨鴨同鵝鵝~
  • 咖哩雞

    2014-04-11 | 雞雞鴨鴨同鵝鵝~

    <<咖哩雞>>尋日黃先生開OT開到好夜…返到家都凌晨1點LU!~~係咪好誇呢可?!政府工都搞咁耐~哈~不過佢年年3-4月都好忙~所以年年都冇得去睇櫻花~希望黃先生快D調職~咁黃師奶下年有得去賞櫻啦~~
    之前整咗個咖哩牛肋條~通常煮完一餐咖哩個汁實有剩嘅~黃師奶會留返佢~第日再煮多餐~咁剛剛食完牛~又留個汁煮個雞~呵呵~~d雞用鹽醃咗先~之後煎香~加個汁入去炆~~黃先生話唔夠喉喎~因為咖哩真係好正好送飯喎!!
    材料: 雞半隻 , 薯仔2個 , 洋蔥1個, 乾蔥茸少許, 黃薑粉少許醃料: 鹽醬汁: 油咖哩三大湯匙, 沙嗲醬2湯匙
    STEP 1雞與醃料拌勻備用
    STEP 2洋蔥去衣後切角備用~薯仔去皮洗淨切大件
    STEP 3
    將雞同薯仔略略煎香~再爆香洋蔥後盛起
    STEP 4爆香乾蔥茸~慢火將油咖哩~同沙嗲醬炒香~!拌入洋蔥~同黃 .... (更多)
  • 黃師奶廚藝小百科

    2014-02-11 | 雞雞鴨鴨同鵝鵝~

    <<油雞>>哈~個blog生咗草幾日~今日又返一返上黎除草~呢幾日真係好凍呢~~加上又濕喎~~喺街到真係有d寒寒哋嘅感覺呢~! 尋晚黃師奶坐喺sofa到睇電視~阿黃先生見到黃師奶個虧樣~即時拎部暖風機出黎~~so sweet!~~
    嗱~整油雞呢D呢~時間真係要自己控制~黃師奶用STAUB煮~好保溫同傳熱~所以黃師奶可以煮滾個汁再浸熟D 雞~而個汁呢~黃師奶用千年汁~即係次次個汁都留返起佢~呵呵呵~係咪好得人驚呢~~~~~~~~~
    材料: 雞半隻 , 薑3片 , 蔥段隨意, 冰糖一粒, 陳皮一小塊醬汁: 生抽1/2杯, 老抽1/4杯, 開水約1杯 , 紹酒1大匙
    STEP 1將雞清洗乾淨
    STEP 2爆香薑片/蔥段; 下醬汁材料煮滾再放冰糖及陳皮
    STEP 3拌入雞用中大火煮約4-5分鐘後熄火 (不要開蓋) 再浸至熟斬件即成
    詳情可 .... (更多)
  • 牛肝菌醬煎雞翼

    2014-01-15 | 雞雞鴨鴨同鵝鵝~

    <<牛肝菌醬煎雞翼>>嘩~今日已經係十五喇~聽日就尾芽LU~大家唔知道開始忙未呢?而黃師奶呢~就係無事忙~搵嘢黎忙~朋友仔話我冇嘢搵嘢黎做~應該要得閒休息下~等自己肥肉橫生先係養生喎~
    WELL…個雞翼D色水有D深…黃師奶唔係煮燶咗呀!!本身用咗少少老抽醃~之後呢~加咗個黑色嘅牛肝菌醬~咁煮咗出黎就咁深色LU~樣係衰D~不過味道唔差架~~黃先生都話好好味呢~呵呵呵~~
    材料: 雞翼十二隻, 薑2片醃料: 生抽一湯匙, 老抽半湯匙, 糖一茶匙, 紹酒茶匙, 麻油及胡椒粉少許, 生粉一茶匙醬料: 牛肝菌醬 2大匙
    STEP 1將雞翼與醃料拌勻醃約2小時備用
    STEP 2爆香薑片, 將雞翼煎至金黃
    STEP 3加牛肝菌醬後快手兜炒片刻再蓋上蓋加小半碗水或紹酒煮至熟透收汁即成~
    詳情可參考: http://www.wongc9.com/ .... (更多)
  • 蒜辣小雞槌

    2013-12-20 | 雞雞鴨鴨同鵝鵝~


    <<蒜辣小雞槌>>
    大家有冇追MY 盛LADY?!尋晚LAURA 濕身洗車嗰幕~真係笑到爆咀~~~可能佢舞台劇出身~真係演得好放~哈~佢裝柏堅沖涼嗰下又係笑到噴飯!! TBB 早就應該拍下呢D喜劇俾大家笑下輕鬆下啦~
    今日又煮頹餸~~黃先生因為LUNCH 開CHRISTMAS PARTY~叮囑黃師奶唔好煮咁多嘢喎!~咁求奇拎起幾隻小雞槌解凍醃好咗~加少少蒜茸辣椒惹味D~炒多個菜~咁又一餐~呵呵呵~~不過天氣凍~洗碗嗰時真想死……..
    材料: 小雞槌5隻 , 蒜茸一大匙, 辣椒絲2-3隻 , 紹酒半碗
    醃料: 生抽半湯匙, 糖一茶匙, 麻油及胡椒粉少許, 生粉一茶匙, 紹酒一茶匙
    STEP 1
    小雞槌解凍後與醃料拌勻醃約2小時備用
    STEP 2
    燒紅鑊後下小雞槌煎至金黃; 拌入蒜茸及辣椒絲兜炒片刻
    STEP .... (更多)
  • 豉椒爆鵝腸

    2013-11-06 | 雞雞鴨鴨同鵝鵝~

    <<豉椒爆鵝腸>>
    今個星期黃師奶可以叫做怨婦一周~!因為黃先生好忙呀!~忙公事~又忙私事~唔得閒陪黃師奶食晚飯~!咁黃師奶夜晚就好得閒…WELL!..咁黃師奶少咗煮飯~多咗做無聊嘢~!希望呢個星期快D過啦~快D脫離怨婦生活~!
    好喇~見有鵝腸賣~本來唸住整冰鎮醉鵝腸~不過最後懶~炒埋一堆就算~!哈~出奇哋黃先生又BUY喎!~仲話好少可食鵝腸~同炒得好惹味~!今次用辣椒都好重手~辣辣哋~加埋個豉汁~~味道好好呢~!
    材料: 鵝腸250g , 紅尖椒+青尖椒各數隻 , 紹酒半小碗, 辣椒絲隨意
    調味: 蒜茸加豆豉茸2大匙
    STEP 1
    將鵝腸洗淨; 紅尖椒+青尖椒洗淨切小塊
    STEP 2
    煲滾水後下鵝腸汆水一會後瀝乾水份再用冰水過冷河
    STE .... (更多)
  • 蠔皇香菇炆雞翼

    2013-10-24 | 雞雞鴨鴨同鵝鵝~

    <<蠔皇香菇炆雞翼>>
    HAPPY FRIDAY!~~又到星期五~~呵呵呵~~~尋晚黃師奶同黃先生走咗落去運動場玩龜速跑步~~哈哈~嗱~唔好笑人呀!黃師奶認係冇咩運動細胞架~黃先生之前有跑開~不過佢有就返黃師奶嘅龜速~~~落去跑下fing下咁又過咗一晚lu~ so sweet!~~
    嗱~又煮頹餸喇~well….冇計…屋企長期有雞翼~更加有無數冬菇….人懶起上黎…唔想去買餸….就煮呢d架喇~呵呵呵~~冬菇呢~黃師奶係有醃嘅~因為總覺得醃咗黎炆更加香~~大家可以試下喔~!
    材料: 雞翼12隻 , 冬菇八隻, 薑二片, 浸菇水大半碗
    雞翼醃料: 生抽約一湯匙, 胡椒粉及麻油少許, 糖一茶匙, 紹酒適量
    冬菇 .... (更多)