隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

黃師奶廚藝小百科
加為朋友

為咗見到黃先生個為食樣~誓要煮好每一餐飯~ 黃先生食得開心~黃師奶煮得用心~ ^_^
    網誌類別: 雞雞鴨鴨同鵝鵝~
  • 黃師奶廚藝小百科

    2014-11-20 | 雞雞鴨鴨同鵝鵝~

    <<蠔皇香菇炆滑雞>>尋日阿高音真係好勁呀!~"相逢何必曾燒衣"~~真係勁搞笑~仲要搵埋阿韋綺珊出黎~成套嘢嗰下好爆呢~唔知呢套嘢仲請咗咩人拍呢? 暫時黃師奶最鍾意睇林雪高音同埋馬里奧~呵呵呵~~
    今日又出返個煲仔菜先~天時開始涼~係時候食多d煲仔菜呢~黃師奶慣咗前一晚浸定d冬菇先~咁早上炆~等到夜晚就好入味~黃先生好喜歡食~成煲清哂~呵呵~
    材料: 雞1隻 , 冬菇10隻 , 薑2片, 紹酒小半碗雞肉醃料: 鹽適量冬菇醃料: 糖及麻油少許汁料: 生抽約1湯匙 , 老抽半湯匙, 糖一茶匙 , 胡椒粉少許, 麻油少許, 水大半碗
    STEP 1雞與醃料拌勻醃4小時; 冬菇用醃料醃約30分鐘
    STEP 2爆香薑~拌入雞件煎香至金黃
    STEP 3再拌入冬菇炒香後灒酒
    STEP 4加汁料蓋過所有材料後煮滾轉細火炆煮約25-30分鐘至收汁 ( .... (更多)
  • 瑞士雞翼

    2014-10-10 | 雞雞鴨鴨同鵝鵝~

    <<瑞士雞翼>>呢幾日黃師奶瞓得好糟~瞓咗等如冇瞓咁~今日瞓到4:30AM已經醒咗~黃師奶得閒到就去錄咗黃先生D鼻鼾聲~哈~~今朝播返俾佢聽下等佢自己知道自己D聲有幾勁~!尋日仲痴線…瞓唔著又走咗出廳煲湯同熨衫..我就黎痴線~!
    之前有網友問點解d雞翼好鞋唔好食…其實整瑞士雞翼要滑係要浸架~煮好個汁~煮到大滾~將d雞翼大火煮佢3-4分鐘熄火焗10分鐘~將d 雞翼浸熟係必滑…唔駛汆水…唔駛煎…簡單到唔簡單.!
    材料: 雞翼10隻雞翼醃料: 鹽及檸檬汁少許汁料: 瑞士汁2碗 , 清水1碗, 薑2片 , 八角1片, 冰糖1小塊
    STEP 1將雞翼同醃料拌勻醃約2小時備用
    STEP 2將汁料煮至大滾後拌入雞翼大火煮約3-4分鐘後熄火焗10分鐘至浸熟即成~
    詳情可參考:http://www.wongc9.com/
    .... (更多)
  • 家鄉炒雞球

    2014-10-08 | 雞雞鴨鴨同鵝鵝~

    <<家鄉炒雞球>>早排黃師奶咪搞到腸胃炎咗一排嘅~哈~真係發覺原來腸胃炎係最佳減肥方法~平時黃師奶點郁都係見到D 肥腩肉~~病咗幾個星期~嘩~~裙都鬆哂呀!~~效果仲強過你日日跳鄭多燕~哈哈哈~
    呵~今日煮咗碟雞~食緊午餐嗰陣~黃先生話想晚飯食雞球喎!~~收到收到~又即時去買餸煮啦~~黃先生話呢味餸好味喎!~但係仲可以食得再辣D~~哈~~佢家下食辣好似好強咁~!!
    材料: 雞脾肉2件 , 辣椒乾10多隻 , 蔥段隨意 , 乾蔥3顆(切片), 薑2片, 紹酒小半碗雞肉醃料: 生抽一湯匙 , 老抽約半湯匙, 糖一茶匙 , 胡椒粉少許, 麻油及生粉少許, 紹酒一大匙
    STEP 1將雞肉切細件後與醃料拌勻醃約30分鐘備用
    STEP 2燒紅鑊後爆香薑片, 再拌入雞件煎香煮至七成熟盛起
    STEP 3爆香薑, 辣椒乾, 乾蔥片及蔥段再將雞件回鑊後灒酒 .... (更多)
  • 香蔥薯仔炆雞

    2014-09-15 | 雞雞鴨鴨同鵝鵝~

    <<香蔥薯仔炆雞>>哈~好似話一陣3號風球喎!~唔知係咪真係堅打得成呢?! 打工仔係咪又望明天唔駛返工呢~哈哈哈~打得成就冇咁熱呢~呢幾日天氣真係好焗呀!~落下大雨就應該會舒服D~呵呵呵~~
    黃師奶屋企幾時都有D 急凍雞件喺冰格~哈~打風打仗D糧都夠食一排架~今次用咗小雞槌~點解?!之唔係之前吉吉島特價入咗唔少貨囉~所以又要清下貨~唔係點買新~哈哈哈~
    材料: 雞槌10隻 , 薯仔2個 , 洋蔥1個, 薑2片, 紹酒少半碗雞肉醃料: 生抽約半湯匙 , 糖一茶匙 , 胡椒粉少許, 麻油及生粉少許, 紹酒一大匙
    STEP 1雞與醃料拌勻備用
    STEP 2洋蔥去衣後切角備用~薯仔去皮洗淨切大件
    STEP 3爆香薑~將雞同薯仔略略煎香盛起~再爆香洋蔥
    STEP 4雞同薯仔回鑊後兜炒片刻灒酒
    STEP 5加水蓋過所有材料後煮滾轉細火炆 .... (更多)
  • 薑汁雞脾扒

    2014-07-02 | 雞雞鴨鴨同鵝鵝~

    <<薑汁雞脾扒>>尋日咁多人遊行~真係唔明白點解警方可以話少過十萬人…老吹都吹個數會有人信先得架啦~如果十萬人會令港島區搞成咁…就更加唔應用批咁多自由行啦~計呢條數出黎嗰個人~佢點計出黎嘅~~好明顯係一個謎…
    好喇~天時暑熱唔想對住個火~咁就EASY 啦~買咗雞脾扒返黎~今次加咗少少薑汁醃~一來可以除咗雪味~二來食上黎有少少辣味~唔錯架~!個爐較咗出風~呵呵~咁就個皮就好金黄香脆~~黃先生鍾意食~黃師奶就開心呢~!
    材料: 雞脾扒2塊醃料: 生抽一湯匙 , 糖一茶匙 , 胡椒粉少許, 麻油及生粉少許, 薑汁一大匙
    STEP 1將雞脾扒與醃料拌勻醃約2小時備用
    STEP 2預熱焗爐180度15分鐘
    STEP 3將雞脾扒放入焗爐焗至熟透(約20-25分鐘-因應雞肉厚度同各人爐火不同) 即成~!
    詳情可參考 http://www.won .... (更多)
  • 蒜香雞絲伴露筍

    2014-05-21 | 雞雞鴨鴨同鵝鵝~

    <<蒜香雞絲伴露筍>>嘩~呢期真係搞乜~尋日下午已經落咗好大雨~~跟住夜晚又黎個半夜行雷~家下D天氣真係變得怪怪哋呢~睇黎應該要到下星期先真正見到太陽伯伯~~黃師奶雖然怕熱又怕曬~不過咁樣日日落雨都唔係路呢~~
    黃師奶有日同黃先生行街街~有人話要買PACK雞絲食~OKOK~~咁又買咗返家~唸咗一陣~都唔知想點煮~~見到有PACK露筍咁就廢事煩~煮好D雞絲~淋上D露筍到就得~~非常方便~師奶煮飯就係咁頹~見乜煮乜~呵呵呵~
    材料: 雞絲300g , 露筍隨意, 蒜茸一大匙雞肉醃料: 生抽約半湯匙 , 糖一茶匙 , 胡椒粉少許, 麻油及生粉少許, 紹酒一大匙汁料: (水約半碗, 生抽一湯匙, 糖及胡椒粉少許, 生粉少許)拌勻
    STEP 1雞絲與醃料拌勻醃約2小時備用 ; 露筍洗淨後抺乾水份
    STEP 2爆香蒜茸後拌入雞絲煎香; 注入汁料後煮至熟透 .... (更多)

上一頁

12345

下一頁