隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

黃師奶廚藝小百科
加為朋友

為咗見到黃先生個為食樣~誓要煮好每一餐飯~ 黃先生食得開心~黃師奶煮得用心~ ^_^
    網誌類別: 豬豬牛牛~
  • 神戶和牛

    2013-03-06 | 豬豬牛牛~


    <<神戶和牛>>
    ~近日嘅奶粉駡戰又嚴重咗~~哈~黃師奶真係好佩服大陸人嘅唸法~~唔唸吓點解自己要跑黎買奶粉~~仲要大聲話香港同胞冇人性~~唔俾奶你哋食~仲話你哋沙士點幫我哋~!..~你哋有咩天災~香港捐幾多錢俾你哋呀?~家吓係你哋搞到我哋冇得食呀!~咁多時間就返去唸吓你隻蝙蝠點煮啦~!~
    神戶和牛呢~上年開始有得出口~香港都有得賣~!不過價錢真係太貴喇~冇咩特別日子~黃師奶都唔會捨得買黎食~~~難得黃先生有日科咗水~~黃師奶都會好識做~~~靚嘅牛扒唔駛醃~~已經好好味~~黃先生呀~黃先生~你幾時又科水過你老婆呢?!?!
    材料: 神戶和牛一塊
    調味料:海鹽隨意
    STEP 1
    燒紅鑊後煮溶少少牛油
    STEP 2
    和牛灑上調味料~大火每面煎約2分半鐘~食得~!
    大家可以CLICK入去黃師奶廚藝小百科FACEB .... (更多)
  • 上湯牛腩煲

    2013-03-05 | 豬豬牛牛~


    <<上湯牛腩煲>>
    嘩~今日真係凍咗好多呀!~~~大家記得出門口要著多件衫呢~~黄師奶呢~呢期隻左手好痛呀!~~話說有日整嘢冇lala 啲手指抽筋~嗰下痛到入心入肺~好在黃先生喺到..就幫我按下對手...點知抽完嗰次...對手臂就一路痛到家吓...尋日買餸對手都痛....睇黎黃師奶好快未老先衰架喇.....
    好喇~嗱~今日玩炆牛坑腩~~點解?! 之唔係街市見到好靚囉~!見得閒就炆吓俾黃先生食囉~!~本來想用柱侯醬炆架~~~但係又想清清哋~炆完黃先生連個湯都飲埋~~開飯前你條友仔都飲咗成盅湯啦.!!~有冇咁渴呀?
    材料: 牛坑腩450g, 蘿蔔半斤, 薑2片 , 蔥段適量 , 上湯適量(平時自己煲/現盛買都得)
    STEP 1
    牛坑腩汆水片刻~去除油脂/血水備用; 蘿蔔去皮~切大件
    STEP 2
    煲滾上湯後加入薑片同蔥段 .... (更多)
  • 鹹豬手

    2013-02-26 | 豬豬牛牛~


    <<鹹豬手>>
    ~嗱~~~尋日黃師奶去買餸~要行過幾條馬路嘅~~~咁嗰時係紅燈...有個阿婆佢真係睇都唔睇~就咁易"養"吓隻手~就行....~個阿婆又行得慢...黃師奶嗰下真係O咀...呢D 係咪恃老賣老呢?!有咩事上黎..個司機都好慘JER.......黃師奶真係要警惕吓自己..~老咗唔好變到咁....唔係就好唔得人鍾意...
    好喇~~~話說樓下開咗MARKET PLACE~嗱~唔好以為好正呀!~~~間嘢好細間架咋~~總要冇積分儲~得印花~~黃師奶就冇咩幫襯過~~~只係有日去買咗隻鹹豬手~WELL....人懶~~~買上去嗱嗱木整完又小休~~~
    材料:鹹豬手一隻 , 洋蔥2個 , 水適意
    STEP 1
    鹹豬手先解凍後抺乾水份 ; 洋蔥切角
    STEP 2
    先爆香洋蔥~拌入鹹豬手煎香~~加水至蓋過所有 .... (更多)
  • HP 汁炆牛仔膝

    2013-02-19 | 豬豬牛牛~


    <<HP 汁炆牛仔膝>>
    ~今日已經係初九~相信唔少打工仔都已經回復原狀~~今朝相信大家都唔願起身~~~~尋晚呢~黃師奶打牌打到12點幾返屋企...~搭架的士回家...點知個司機唔知係咪有病..係咁咳....係咁開窗lur 痰....搞到我成程車係咁反胃....阿司機大佬...咁多人同你同一架車...咁樣好易惹病人架....病成咁仲揸車...仲要係咁lur 痰...
    好喇~~~今日又扮食西~~~~~黃先生話要我煮多d西餐喎!~~~...~佢話西餐好味~~而黃師奶呢~~就覺得煮西餐嘅好處係洗少d碗~~今日就炆牛仔膝~加咗個HP 汁~ ~炆到又腍~又入味~~我個黃先生都好LIKE 食呢~
    材料:牛仔膝2塊, 洋蔥半個
    調味: HP 汁一支
    STEP 1
    牛仔膝解凍後抺乾水份 ; 洋蔥切絲
    STEP 2
    爆香 .... (更多)
  • 焗丸子

    2013-01-30 | 豬豬牛牛~


    <<焗丸子>>
    ~吖~~今日已經一月三十日~原來好快就過年~~~~我仲有好多嘢好似未整咁~~真係唔知點算~頭都大埋~~~~睇黎黃師奶要勤力少少先得喇~~唔知道大家執咗屋未呢?!~~黃師奶就成日執屋架~~~~點解?!因為我家個黃先生成日整到d 嘢好亂囉~又冇手尾囉~~~點執都會俾佢整到亂哂架喇~
    好喇~~~今日出個小食先~~買咗pack 肉丸返黎~~~咁黃師奶就唔會就咁焗返熱佢食算嘅~家中相公要求高~~黃師奶唯有加個煙肉醬~~well...~係大型超市放意粉醬嗰到大把呢d醬汁~~~拌好d醬焗20分鐘到就食得~~
    材料: 肉丸一PACK , 煙肉醬隨意
    STEP 1
    預熱焗爐180度約15分鐘
    STEP 2
    肉丸與汁醬拌勻~焗二十分鐘~如果想香口D焗耐少少啦~~就食得LU~~
    大家可以CLICK入去黃師奶廚藝小百科 .... (更多)
  • 蕃茄薯仔炆豬脷

    2013-01-25 | 豬豬牛牛~


    <<蕃茄薯仔炆豬脷>>
    ~唔知道大家有冇追開d forum...呢幾日黃師奶見到d 反蝗情緒真係好高漲~!尋晚TBB 新聞都已經講到水貨佬黎到將軍澳到搬奶粉.~..作為香港人...有D人仲為咗少少錢....唔幫返自己人...坦白講..如果我D仔女冇得食...我唸~我斬人都做得出~!!家吓D網站搞緊登報...~再一次表達不滿~!!黃師奶今次一定會支持~!!
    ~嗱~呢碟<<蕃茄薯仔炆豬脷>>~~黃師奶唔係用新鮮蕃茄整架~作為一個懶師奶~我係貪方便用金寶湯整~~~將d豬脷出水清潔乾淨~加少少薯仔~~~同埋個金寶湯煮到腍身就食得~~~~係咪好方便呢~?!
    唔信?! 快d click 入去睇八吓個食譜啦~~~~
    金寶湯食譜分享~~~~
    大家可以CLICK 入去黃師奶廚藝小百科FACEBOOK PAGE 到交流吓吖 .... (更多)