隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

kpb4000 - Sandy
加為朋友

世事豈能盡如人意,但求無愧於心。
  • 缽仔糕

    2011-10-27 | 特色食品


    大少話我整啲缽仔糕係就係好好食,但因為我係用個鬆餅模來蒸的關係,食的時候總是隱隱的有股"金屬味"............
    我都知你奄尖架啦,但真係無諗過你會奄尖到咁......好,反真以後都會長食長整,就正正經經去買啲碗仔專for整缽仔糕用,仲連竹蒸籠都買個返嚟,咁專業,睇你仲有無嘢講------
    行了很多地方都找不到一心想搵的那款迷你缽仔糕小碗,但有一日去二少學校前行經十蚊店見到這款小碗,碗低有一個玫瑰花的凸紋,猜想或許可以做到一個花花糕,便揀了些紋理比較特出的買了回來,可惜,花花始於不太明顯------
    我個人比較多心,有細碗當然就要買幾隻大碗啦,有大有細咁至一家齊全嘛------
    睇下二少食得幾開心,不過同大少一樣,都係只食無豆架喎------
    .... (更多)
  • 菠蘿椰子慕絲半圓球@Coup Kitchen

    2011-10-16 | 拜師學藝


    7月份時去過CK學咗三堂,第一堂係芒果拿破崙,之後的兩堂一直都未有出文,是因為Y-Blog升級的關係而猶豫於去留,既然暫時決定繼續再玩,就一於"的"起心肝在這兩日出.......
    7月8日   星期五
    對這款蛋糕一直都興趣不大,這堂其實是被人"臨時拉夫"去攝位的,點知原來這個蛋糕好好味,終於明白為何這個蛋糕平時想報都好full好難有位,今次真係要多謝報咗堂但又甩底的"無責任心的人",如果唔係我都唔會有這意外驚喜。
    每次學完半圓球造型蛋糕後,回家的路總是特別難走,因為很怕蛋糕會在盒內"談情糾纏",不知這情況是否也時有發生在其他學員身上,今堂阿sir竟然幫我們把蛋糕"固定"下來------
    蛋糕今次乖乖的貼服在卡紙,行快步去接二少車都唔怕啦-- .... (更多)
  • 黑啤提子包---湯種&老麵

    2011-10-14 | 麵包


    早兩日大少在廚房攞了一罐黑啤出嚟話仲有幾日便到期,做乜我仲唔飲?其實這罐是什麼?......哈哈哈,傻豬,這罐嘢唔係用嚟飲而係用嚟整麵包架。既然罐黑啤仲有幾日就到期,咁就要快快趣消滅咗佢喇,由於整個暑假都無做包包的關係,冰格的老麵種都己經不宜使用,那......不如試下用湯種吧第一次用湯種做這個包包,真係好軟熟------
    做湯種黑啤包只用了1/3罐,新的一批老麵種又已經可以用了,就用一向用開的食譜再整多一次------
    兩種效果有什麼分別呢?湯種的比較軟熟,老麵種的比較有咬口,兩個食譜都同樣咁好味
    .... (更多)

  • 10月8日   星期六
    這日我們一班老友記約齊人馬,為十月雙花震震和joejoe慶祝生日,地點今次揀了在九龍城的金蘭花泰國菜館------
    出席的有:
    Darling、Mei、閒閒、菲仔、盛師奶
    硬琳&大冬瓜和阿神、Coki & Cobi和哲哲
    我&大少和二少、當然唔少得壽星女:
    十月雙花震震和joejoe,還有她們的小花桐桐和欣欣
    我哋食咗好多嘢,味道OK但招呼我們的侍應小姐就真係一流,醒目、有禮又好笑容,睇下我哋食咗啲乜------
    唔記得從幾時開始,只要場地配合到的話,我哋都會另開一張枱俾班"小人"自己招呼自己,十足好似屋企食飯咁------
    睇下Darling送俾雙花的兩扎花幾靚靚,真係好襯佢兩個吖------
    琳琳整咗個"正到無朋友"的士多啤梨忌 .... (更多)
  • 走豆....缽仔糕

    2011-10-05 | 特色食品

    大少一向都鍾意食缽仔糕,好耐之前已經問過我識唔識整。整就真係未整過,但食譜就揀中咗好耐,一直都無動手係因為分享者講明材料中的澄麵非用指定品牌是做不出效果的,但那品牌實在太太太難買到,就係咁拖下拖下就無咗件事
    無耐之前,老友記又輪住整,阿冰個仲整咗幾個俾我同大少食,就咁又俾大少問點解阿冰個識整我唔識
    又過咗一排之後....即前幾日,又俾另一個blog友挑起咗條根,雖然blog友都係用我之前所揀中的食譜,亦用上"指定食材",但我今時今日都仍然係買唔到,不過近排心情悶悶地就想拗下頸,就用屋企的不知明存貨試佢一試------
    全部走豆,係因為大少和二少都唔鍾意食豆。即日食好正好掂,大少話仲好味過我哋平時買開那一些。我留起咗一半諗住明日試下,睇下用"散裝澄麵"係咪真係會咁差 .... (更多)
  • 海玉竹椰子螺頭煲瘦肉湯

    2011-10-04 | 湯水


    俾人激親條氣chok住咗幾日,個人都dry咗好多,都係時候要煲返個養顏湯水補一補,咁先有氣撐落去------
    .... (更多)