隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

kpb4000 - Sandy
加為朋友

世事豈能盡如人意,但求無愧於心。
    網誌類別: 廚房學神
  • 鱷魚肉蛤蚧湯

    2010-10-07 | 廚房學神

    昨日見二少啲咳仲係未有好轉,便唯有煲一個針對"敏感咳"的湯水---鱷魚肉蛤蚧湯。 鱷魚肉、蛤蚧------ 陳皮、川貝、無花果、海肉竹、麥冬、海底椰、虎乳靈芝、乾白合------ 肉眼------ 二少昨日放學回家飲了一碗,晚飯後又飲多碗,今日早上明顯是咳少了很多,痰聲亦清多了.......今日要繼續飲,希望可以快啲清晒啲咳和痰呢! .... (更多)
  • 鮮茄雜肉丸

    2010-10-06 | 廚房學神

    前兩日在街市見到一些"小丸子",細細粒粒的很可愛,又啱晒大少同二少個咀型,於是就買了些回來,簡單地配上鮮茄肉碎燴一陣便成,簡單快捷,仲好好味添------ .... (更多)
  • 止咳化痰湯

    2010-10-05 | 廚房學神

    剛剛過去了的國慶假期真係---好鬼悶。一號早上,老細便飛了去成都工幹,淨下我們三母子自己過幾天的假期.........不打緊,因為都早已習慣了。為幾日的假期安排好節目,還督促好大少完成所有功課,可惜.....二號早上,二少無啦啦發起高燒來,所有節目都要告摧,三母子唯有留在屋企。 昨日起床,天氣涼了不少,二少亦開始有兩聲痰咳.....記起Lonely上星期煲咗個化痰止咳湯,都係去街市買齊料跟佢煲來給兩位少爺飲,好讓他們有咳止咳、無咳防咳好了。 由於街市有售的材料有些不同,再加少少的個人喜好,材料變成------ 新鮮龍脷葉、石黃皮、海底椰、無花果、海肉竹: 野桔梗、果皮: 肉眼: 仔吖仔,飲完湯快啲好啦! .... (更多)
  • 薑蔥炒蟹 + 脆皮燒腩仔

    2010-10-01 | 廚房學神

    其實昨天有假放的人,除了我之外還有大少,因為大少的學校在這天舉辦水運會,沒有參賽的學生是不用出席,所以他變相也有一天假。平時大少要上學的日子,我們家中都伙食都會"一切從簡",免得花太多時間在一餐飯上,拖慢了一晚的進度。為了慶祝我母子倆的難得假期,星期三的晚餐一於食大佢......... 阿媽教的薑蔥炒蟹,第一次炒已經得到老細認同有阿媽炒的咁上下,真係開心----- 還有大少最愛---脆皮豬腩仔,平時整大少一定會食晒......啲皮,但今次佢多咗個對手搶食,就係二少......佢同大少一樣,都只係食脆皮,啲肉同肥膏全部俾晒我------ 這晚我們一家可以慢慢嘆,一邊食一邊說笑,真係好開心 .... (更多)
  • 病中的N個晚餐

    2010-07-30 | 廚房學神

    在我的相機中有很多相要出,多到連自己都不懂如何安排先後,今晚便簡單地先出咗啲餸菜類先........... 在患病的差不多一個月,我其實都不是天天有煮晚餐,因為真係很難提起精神去諗、去買、去煮、去洗........但見孩子們多食兩天"味精飯",人又心痛起來,便會想些簡單的來煮,起碼可以少鹽、少油、少糖、無味精。 其中一餐:燒汁煎焗羊扒------ 魚湯米線,這碗是二少的------ 我的------ 大少的------ 還有的是魚湯浸翡翠小豆苖------ 羊扒是上次在德州買的,一包有兩大塊,上面煮咗一塊,另一塊便學黃師奶用羅宋湯炆,老細話都幾味------ 有日諗起米芝蘭,便想起梅菜炆雞翼------ 相機中還有兩款菜:菜甫肉崧炒蛋------ 魚崧炒椰菜------ .... (更多)
  • 檸檬雞翼

    2010-07-28 | 廚房學神

    昨日媽媽帶同兩位同事取走蛋糕後,便留了下來"弄孫為樂",那我便約妹妹帶同嘉嘉表妹過來,讓媽媽一次過見齊三個乖孫。一向嘉嘉表妹都比都愛同大少玩,今日二少終於都可以將冰山溶化,唔知他們在看什麼呢?------ 今晚我準備了: T&P教的檸檬雞翼------ 鮮雜菌炒雞柳------ 古法蒸多寶魚------ 還有媽媽帶來的豬腳薑醋------ 我和媽媽都是酒鬼,今晚我便開了這枝韓國桑莓酒與她對飲------ 媽媽除了帶來薑醋,還帶來她自己醃製的酸子薑一樽,原本她是想帶兩樽過來分給我和妹妹,但真的實在太、太、太重了,最後還是在出門出放回一樽入雪柜,下次再帶給我,而這樽,先讓給妹妹取回家去------ 每次可以與媽媽、妹妹等一起,都會是開心的,今天也不例外!   .... (更多)