隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

kpb4000 - Sandy
加為朋友

世事豈能盡如人意,但求無愧於心。
    網誌類別: 廚房學神
  • 包餃....掂

    2011-01-23 | 廚房學神

    學咗好耐都唔識用方形皮來包餃子,所以一直都係用圓形皮的。但人總是好勝的,每每學不來的就總是覺得最好看。前幾日趁老細不回家晚飯的一天,心血來潮又想玩包餃,今次買皮時仲專誠問店員姨姨指點迷津,姨姨好好人,專登在雪柜拿出一碟餃子餡教包給我看,她給我示範了五隻我才有略懂少少,最後姨姨見我的表情似明非明咁,仲傳我口訣:先對摺,再反轉向後,一屈貼埋。 返到屋企為怕會忘記這口訣,快快手用筆記低。包餃子時我仲一路包一路唸,起初十幾隻始終做唔到最後兩句------反轉向後,一屈------點反點屈,再包多十幾隻,突然間俾我"屈"到啦。 今次終於學識啦!睇下最後這十隻我"屈"得幾靚------ .... (更多)
  • 我都"和堡"咗啦^.^

    2010-12-21 | 廚房學神

    一經Darling介紹之後,成班blog友個個熱追"和牛漢堡"。早前佢哋趁去完blog聚後更拉大隊齊齊去了入貨,但那天我因一些原因沒有出席,結果前幾日,個個都有得食"和牛漢堡",得我一個無得食。 大少今天只是回校參加聯歡會,不用交功課,所以昨天等他一放學落車,即刻同佢去大家樂食咗個"快餐",之後即刻去咗銅鑼灣補定啲貨,以防這個假期無得玩,之後再直落去了康怡吉吉超市,為屋企入貨,咁.....就梗係唔可以放過去搵"和牛漢堡"啦,見這隻賣$100/3件,咁啱昨日係感謝日有95折,計落都係$95/3件,都唔係貴另一隻好多,再加上售貨員姐姐起勢咁落咀頭,最後就帶咗下面三件返屋企,仲買埋後面包白雞肉腸添------ 在超市掃下掃下,見時間都唔早,咁就執埋下面兩包意粉整個"屋企快餐"------ .... (更多)
  • 一蒸兩鍋

    2010-12-21 | 廚房學神

    12月18日  星期六 妹妹早前買了一罐粟子茸,但由於份量太多,她一直都未敢開封,怕用不完會浪費,便一直追問我何時有空可以和她一齊做卷蛋。說真,我也發覺自從大少、二少九月份開學後,這三個月裏真的忙得不得了,連一向的午夜烘焙時間也被剝削了..........近半年來,不時被煩人的小病糾纏,早前又遇上不快事,見孩子們的假期也快要開始,心想也是時候休息下來,做一些自己想做事,便約了妹妹這天來我家一齊整粟子卷兼晚飯。 話就話係一齊整,但差不多全程都係我一個人整,唔怪得佢話嚟同我一齊玩好啲啦........妹妹全日只係做監工,到最係唧粟子茸時我真係忍唔住,就叫佢自己唧,睇下,都唧得唔錯架------ 這條粟子卷最後是妹妹取走了留待翌日帶去夫家食飯,好在我都分到一頭一尾兩件仔。 因為要分身整蛋糕,所以晚餐都係越簡單越好,就來個"一蒸兩鍋"吧.......... .... (更多)
  • staub煲雲吞雞

    2010-11-15 | 廚房學神

    早幾晚見"正能量"回升,已打算出這篇,可是打到一半又俾二少call了去"陪瞓",之後又一連玩咗兩日,今晚不論如何也要來"埋尾"......... 很多謝各位blog友對我關心,知我病了後不停收到妳們的問好和祝福。其實正如我上篇提到,瞓咗了兩日病已經係好咗的了,但為何好像停咗blog咁完全無update過呢?最主要是身體好了但心底病了,不論做什麼事情都完全提不起勁........不過早排追blog時發現原來都有幾位blog友都同我一樣有"心病",唔知我們是否也是受到季節變更和磁場改變而影響了呢........不過大家不用為我操心,因為我已經無事,一切都回復正在了 這陣子老細出了差,雖然只有我們三母子,但心情好咗,食都想食得好啲,有一日突然很想食"砂鍋雲吞雞",因為一鍋有齊雞、雲吞、菜和上湯 .... (更多)
  • 鮮茄煮肉絲

    2010-10-27 | 廚房學神

    星期一晚準備好所有餸菜兼剛洗落米的時候,老細才打電話回家說要開會,不回來食晚飯.........次次佢都係咁架,點都唔會記住早啲打電話俾我知,話佢兩句呢....好唔得兩日或出差回來後便又會故態復萌,都唔知佢係無記性還是無心肝..........現在我都懶得出聲,全部照煮,食淨要佢第二晚食"隔夜餸"......... 哈....講我就咁講啦....但最後我係做唔出的,因為要我同兩個寶貝陪佢食架嘛,咁咪即係"搵自己笨"........餸係就係照煮,但就份量減半來煮。這晚有朋友教我煮的鮮茄煮肉絲,每次煮這個,我都會落很大量的唐芹和莞茜,因為我很鍾意食------ 大少和二少的至愛,節瓜肉崧煮粉絲,大少成日問我點解唔可以煮多啲,就咁當飯食,咁咪可以不用煮飯和煮其他餸喎......真係唔知點答佢好...------ 二少病了足足一星期,這天才叫完 .... (更多)
  • 梅菜肉餅煲仔飯

    2010-10-23 | 廚房學神

    其實已經跟"高人"整過兩次"殘忍飯",但都未係好掌握到火力,可能係我太驚啲飯唔夠熟,落水太多的關係,總是做不出粒粒分明但又軟硬適中.........前幾日,忘記了是那一天,只得我和大少、二少的晚餐,我又再整,這次終於都見得人啦,仲唔快快攞相機影底佢......------ 梅菜肉餅煲仔飯,不用落豉油都已經好夠味了------ 實在真係超鍾意吉吉隻忌廉汁,今日用來煮西蘭花,超正------ .... (更多)