隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

kpb4000 - Sandy
加為朋友

世事豈能盡如人意,但求無愧於心。
    網誌類別: 廚房學神
  • 估佢唔到

    2011-03-27 | 廚房學神

    通常每星期的五、六、日我都會"休廚"罷煮,剛過去的星期五原本我都想按"傳統"的,但大少放學一落車就同我講話果晚想食餃子,咁我就要去買料包餃..........但我預得太多餡料,三母子只能消耗一半,結果星期六晚要繼續"餃"------ 這晚還煮了點台灣寬粉,初時只係預我自己食,真係估唔到連大少都好鬼鍾意食,猛話好滑好滑,最攪笑係佢未放湯前食少少,放湯後又再食少少,然後話:原來啲寬粉本身無味架喎,不過佢好滑好好食........,最後俾大少食晒我只係食得一少撮咋------ 星期五晚學人打咗啲蝦膠,想試下成唔成功,便買咗五蚊豆卜返學雀后"釀反卜",個豆卜炸脆咗好香口,但我打啲蝦膠就唔合格啦,好似就散就散咁,一啲都唔彈牙,就連一向鍾情炸物的大少都只顧食寬粉,只食了一個就唔食啦------ .... (更多)
  • 獻殷勤

    2011-03-27 | 廚房學神

    為咗星期三請假可以順利一啲,這個星期初我都在不斷地向老細獻殷勤,每天都用"好煮意"來搏表現 星期一:跟Darling整咗個清湯腩,老細話超正,同去街食無分別,一個人食咗大半煲------ 星期二:買餸時見到有花甲賣,便買斤半來個香芹豉椒炒花甲------ 加個肥牛炒翠玉瓜------ 還有豉汁蒸妃排和鯊魚骨雲腿瘦肉湯,又過一關 星期三:唔想俾老細話我掛住玩唔顧家,但又知玩完都唔會早,所以預先一日買定材料醃好豬排,玩完返屋企便可來個快靚正的鮮茄芝士焗豬排飯------   .... (更多)
  • 薑酒豬潤雞煲

    2011-03-19 | 廚房學神

    趁仲未回暖,快手啲煮多次,今次改為豬潤、雞,仲加少少紅棗同煎隻蛋,成了我今晚的晚餐,成煲食晒飽到連一粒飯都食唔落吖------ 妹妹重回職場,公司與我家只是兩個MTR站之隔,一世人兩姊妹,用個暖壺盛起部份,call佢過嚟攞先 .... (更多)
  • 南瓜三文魚頭湯煲

    2011-03-19 | 廚房學神

    早排見到mei煮咗個南瓜三文魚頭湯好吸引又得意,攪到我心思思又想試下。前幾日終於俾我發現有三文魚頭的蹤影,即刻買個返屋企,雖然我好心急,但想煮都仲要等多一日,因為要等個三文頭解凍。 昨晚終於都煮咗,除了跟mei用咗南瓜、甘筍和白蘿蔔外,我仲加咗栗米、蕃茄、珍珠筍和雪蓮菇,煮埋仲要得6碗幾水,啖湯好味到連大少同二少都好旱有地飲咗兩碗吖 一早就已經諗到個三文魚頭湯咁多料,都應該夠我三母子食有餘,便跟P姐煎個蔥花餅,但都唔知點解我會攪到好似"炒蛋"咁------ .... (更多)
  • 薑酒豬潤魚頭煲

    2011-03-18 | 廚房學神

    上星期頭痛到爆的一天,媽咪突擊探班,就係咁又俾佢哦咗我一大餐,內容如下:上次咪教咗妳整薑酒雞同魚頭囉,明知自己成日頭痛又唔煮俾自己食。咁鬼簡單妳都唔整仲講乜鬼學人燉魚頭湯吖................. 知啦....知啦.....愛人先要愛己嘛,所以前兩日我就"的起心肝"整咗媽咪教的:薑酒豬潤魚頭煲------- 第一次整真係唔錯喎,味道都有八成似媽咪煮架。我特登去超市買枝"老媽冰甜酒"嚟煮,哩枝酒真係好甜,用嚟煮這個餸連味都不用調,好鬼正------ .... (更多)
  • 七彩小炒伴比得包 各位,我參加了今期的 "獅球嘜"健康食譜選舉, 希望我的食譜能得到妳們的垂青, 投我神聖一票, 現只需CLICK入這裏登記成為 "獅球嘜"會員,便可以投票的了。 已登記為會員的朋友,可以直接入網址投票即可 http://www.healthy-oil.com.hk/recipes/148/ 請各位大力支持,小女子不勝感激, 多謝!多謝! .... (更多)