隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

kpb4000 - Sandy
加為朋友

世事豈能盡如人意,但求無愧於心。
    網誌類別: 廚房學神
  • 節瓜魚蛋刀削麵

    2011-07-15 | 廚房學神

    平時晚餐如果諗住食麵而下午有時間的話,我會買一些魚或豬骨、瘦肉來熬成湯底,但如果遇上時間不足,我就鍾意用家樂牌濃湯寶來煮開成湯底,真係方便、快捷又鮮味十足。   .... (更多)
  • 懶蟲上身

    2011-07-01 | 廚房學神

    自從大少考試之後,真係懶蟲上身,但只限於上網、遊blog和處理blog務,其他"份內工作"我一啲都無偷懶架,晚晚都有煮飯俾我兩個寶貝食,同時亦差不多日日都趁二少返學的三、四小時內出街買、買、買,真係買咗好多嘢返嚟。
    買咗啲乜或者遲啲有機會再同大家分享,但就分享下其中兩晚食過啲乜.......由於我開始咗減肥,晚餐我要食得有節制同"精明",老細又出咗差喎,食客都只得大少、二少兩個,可以煮得比較簡單,最緊要注意營養均衡就可以了。
    蜜汁燒豬寸骨------
    鮮茄肉醬燴通粉------
    .... (更多)
  • 海鮮冬瓜粒湯飯

    2011-06-15 | 廚房學神

    大少考埋明天就考完晒試啦,我哋今晚係最後衝刺,亦為明天的來臨而要預祝一下,今晚我就整咗個雖然簡單但就好豪的晚餐,俾大家嚟嘆返下 今日買咗一斤冬瓜、半斤海中蝦、半斤花甲、一隻中型花蟹,返屋企再摷四隻冬菇浸軟,再煮一杯米,就變成鮮味十足的:海鮮冬瓜粒湯飯------ .... (更多)
  • 炒米粉、補腦合桃湯

    2011-06-12 | 廚房學神

    今朝帶咗二少去上畫班後,便同大少一齊去街市買餸,大少就問:媽咪,今日星期六喎,妳唔係休息唔煮飯架咩? 我:你考緊試嘛,仲四維去吖? 大少:咁點解星期二、三妳又唔煮嘅? 我:因為DADDY係度囉,佢食嘢咁奄尖,要用好多時間去準備同煮,但你又要我督住至肯乖乖哋專心啲溫書,咁我點煮吖?但而家DADDY出咗差,我哋三個人可以食得簡單啲,咁咪煮好過出街食或吃外賣啦! 所以今晚我哋的簡單晚餐就係:炒米粉------ 要補補腦,所以仲煲咗震震教的補腦合桃湯,但我去買合桃時因為耳仔軟,結果除咗合桃外仲執埋栗子乾、腰果、伏神、無花果和麥冬,話除咗補腦仲可以補腎安神咁話,不過又幾好飲喎------ 大少,DADDY出咗差,剩低的幾日我都會煮飯唔出街食架啦,你乖乖哋唔好再心多多啦 .... (更多)
  • 簡單晚餐

    2011-06-11 | 廚房學神

    唔同世界的人真係好難明白對方的生活方式和行為。我奶奶有個有錢朋友,佢有一對16歲的孖女,會快將出國讀書,這個有錢人話想對孖女出國前見下啲"世叔伯",昨晚就在W酒店包咗半間餐廳食自助餐,請啲"世叔伯"出席,而最令我諗唔明的是我老細竟然係其中一位"世叔伯",更唔明嘅係奶奶話要我哋全家出席........我上一次見奶奶這位有錢朋友好似係1X年前,我都唔記得這對孖女是未識行還是剛識行,都真係熟極有限,咁都要全家出席?.....如果唔係就唔夠俾面?......咁都係理由.......... 鄉下婆的我一向最怕就係應酬這種"上等人",所以我好鍾意老細時常出差,因為他不在香港我就可以借啲意唔出席那些無謂飯宴或茶局,但這次老細在香港......都唔怕,因為是大少考試期間,大少一定唔准去,我要留低陪大少,老細帶唔掂二少所以留返 .... (更多)
  • 湯水

    2011-06-08 | 廚房學神

    大少今個星期開始考試,考試範圍又多,之前啲書教得又趕,真係讀到人都癲.....這個多星期我都決定咗盡量都唔煮飯,用盡所有時間陪讀。但咁讀法真係傷腦、傷氣又傷神,所以點都要煲返個湯俾大家潤一潤時又補一補。 昨晚就煲joejoe送我的"猴頭菇花膠湯"------ 今晚就煲咗:花旗參蜜棗螺頭豬展湯------ 身邊一班老友記及街坊好友的子女都正在大戰,我哋做媽媽的真係除了陪下讀、做下天鵝、煲下湯來支持子女外,真係都無乜可以做,就只有在家乾急和肉痛,希望小朋友們快快考完試,開開心心地迎接暑假啦 .... (更多)