隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

kpb4000 - Sandy
加為朋友

世事豈能盡如人意,但求無愧於心。
    網誌類別: 特色食品
  • 60個

    2012-03-17 | 特色食品


    噚晚口痕又無聊,走去廚房摷下雪柜諗住睇下有乜嘢食,點知俾我摷到一盒上星期整紅豆白朱古力慕絲蛋糕剩餘的已烚稔紅豆粒,仲要係一大盒,即刻諗到想食好耐的缽仔糕,又諗到都好耐無請我嘅一班街坊靚白鼠食嘢,一於做大佢索性人人有份
    最後係做了五倍份量,一共有60個迷你版,其中有12個係無豆的,因為我的兩位寶貝係唔like豆架 .... (更多)
  • 椰汁紅豆糕

    2011-11-03 | 特色食品


    整缽仔糕烚多了很多紅豆,多到整多十次都仲可以,但又無理由日日整缽仔糕或雪在雪柜太耐,突然想起老細之前提過話鍾意食椰汁紅豆糕,咁不如......俾個驚喜佢喇------
    .... (更多)
  • 缽仔糕

    2011-10-27 | 特色食品


    大少話我整啲缽仔糕係就係好好食,但因為我係用個鬆餅模來蒸的關係,食的時候總是隱隱的有股"金屬味"............
    我都知你奄尖架啦,但真係無諗過你會奄尖到咁......好,反真以後都會長食長整,就正正經經去買啲碗仔專for整缽仔糕用,仲連竹蒸籠都買個返嚟,咁專業,睇你仲有無嘢講------
    行了很多地方都找不到一心想搵的那款迷你缽仔糕小碗,但有一日去二少學校前行經十蚊店見到這款小碗,碗低有一個玫瑰花的凸紋,猜想或許可以做到一個花花糕,便揀了些紋理比較特出的買了回來,可惜,花花始於不太明顯------
    我個人比較多心,有細碗當然就要買幾隻大碗啦,有大有細咁至一家齊全嘛------
    睇下二少食得幾開心,不過同大少一樣,都係只食無豆架喎------
    .... (更多)
  • 走豆....缽仔糕

    2011-10-05 | 特色食品

    大少一向都鍾意食缽仔糕,好耐之前已經問過我識唔識整。整就真係未整過,但食譜就揀中咗好耐,一直都無動手係因為分享者講明材料中的澄麵非用指定品牌是做不出效果的,但那品牌實在太太太難買到,就係咁拖下拖下就無咗件事
    無耐之前,老友記又輪住整,阿冰個仲整咗幾個俾我同大少食,就咁又俾大少問點解阿冰個識整我唔識
    又過咗一排之後....即前幾日,又俾另一個blog友挑起咗條根,雖然blog友都係用我之前所揀中的食譜,亦用上"指定食材",但我今時今日都仍然係買唔到,不過近排心情悶悶地就想拗下頸,就用屋企的不知明存貨試佢一試------
    全部走豆,係因為大少和二少都唔鍾意食豆。即日食好正好掂,大少話仲好味過我哋平時買開那一些。我留起咗一半諗住明日試下,睇下用"散裝澄麵"係咪真係會咁差 .... (更多)
  • 南瓜煎軟餅

    2011-06-16 | 特色食品

    端午節前就忙於玩包粽,端午節後就忙於"陪大少讀書",因而荒廢咗我的烘焙事業,數下手指都有成個幾月無做過包包或蛋糕,早兩日望到部開始封塵的焗爐,個心仔即刻"乸住乸住"....。每次打開個雪柜見到啲用剩的豆沙蓉又有啲苦惱,真係唔知點用好,再唔用咗佢就只有益埋"大口仔".....再摷多兩摷,又俾我搵到一舊仔南瓜,即刻令我諗起"佢"........不如就啲剩餘物資來學下"佢"整這個:南瓜煎軟餅------ 正...正...正...真係好正,多謝P姐 .... (更多)
  • 再整泡菜

    2011-05-26 | 特色食品

    上次食過個自家醃製泡菜之後,真係完全上了癮,有兩晚忍不住上網四維搜啲"正宗韓國泡菜"的做法和食譜,發現原來所謂正宗都可以"各施各法",材料大致相同變化只在於個人的口味,既然係咁,上次那個味道已經完全係我心中所想的,就用返跟開的"簡易版",唔好自找煩惱了。 屋企已經有基本材料,再補返下面幾款就可以開工了------ 今次整咗一大盒俾自己和大小各一樽,原本諗住大盒留俾自己慢慢嘆------ 上次joejoe猛話好食,氹得我鬼咁開心,今次預佢一樽大,細的加咗辣係俾街坊朋友------- 點知原來賞面的不止joejoe,我妹妹想要、震震又想要,咁啱三個都想加辣,咁就唯有把我的一盒分出一半再加埋大樽的,變出三盒,咁每人可以有一盒"皆大歡喜"啦,不過就犧牲咗joejoe囉,不過我知佢絕對唔會介意的--- .... (更多)