隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

*♡♡小肥豬♡♡*
加為朋友

有嘢想問我...可以電郵去依度呀 yanyan_hinghing@yahoo.com.hk
  • 愛心木瓜魚湯

    2013-10-08 | 小小豬篇

    7 OCTOBER 2013(MON)
    斷斷續續病左成兩個幾星期,真係攪到大肥豬都冇啖好食(放心...小小豬仍然係大魚大肉呀)!
    趁有返少少精神,煲個靚湯-紅衫魚木瓜湯,慰勞一吓大肥豬。不過大肥未飲,就已經俾小小豬飲先啦~
    小小豬都真係飲依個湯大,就係佢仲係我肚入面時,我真係一個星期飲兩三次,因為小豬媽話魚湯有益,我又覺得好飲,所以大肚時就成日煲啦!
    先燒熱鑊加小量油,將魚煎香,煎耐一點噂魚味會出啲呀~
    之後加約一公升水,然後蓋上蓋開大火煮到至湯為奶白色~
    隔開魚肉魚骨~
    依個步驟可以重覆做多一次,咁就可以多啲湯飲啦!
    再加入薑同豬展肉落魚湯,煲約四十五分鐘~
    最後放入木瓜~
    加鹽煲大約二十分鐘,直至木瓜煮熟~
    一碗好味嘅木瓜魚湯就完成啦~
    睇吓小小豬飲得幾滋味就知道依個湯係好飲啦~
    其實如果唔鐘意食木瓜,可以 .... (更多)
  • 鯉魚門三家村

    2013-10-07 | 小小豬篇

    6 OCTOBER 2013(SUN)
    今日雖然我地近近地只係去鯉魚門三家村行吓玩吓,不過估唔到小小豬今日會咁開心呀~
    其實開頭都冇PLAN好入鯉魚門玩,見咁好天氣留係屋企又真係好似好浪費咁,所以就近近地入三家村行一轉,原本都只係打算簡簡單單咁行吓海邊,等小小豬睇吓朋友仔釣魚,想從中訓練佢嘅耐性。不過最後,估唔到我地冇睇到釣魚,反而有好多節目,仲玩得好開心添!
    行過見到個懷舊玩意- 跳飛機。我記得我小學時代,一當小息時間都會去操場同同學仔排排隊去玩依個玩意,不過隨著年紀開始大,加上依家又唔多地方有得玩,所以今日見到又嚟懷舊一番,小小豬見我地跳又跟埋跳一份啦~
    之後我地就去海邊行吓,等小小豬睇吓個海,睇吓啲船~
    不過,正當我地兩父子好陶醉望海時,小小豬見到身旁有位姐姐玩緊拋石仔,佢又話想買。我地見四周環境都算可以,小小豬拋石仔都唔會整到自己同埋其他人,所以就玩 .... (更多)
  • HAPPY POTTY

    2013-10-07 | 小小豬篇

    5 OCTOBER 2013(SAT)
    前幾日收到件網上購買嘅睡袍之後,今日又收到另一件係FACEBOOK外國代購嘅產品,就係依一SET三件嘅POTTY用具啦~
    先嚟一個腳踏,不過其實屋企同類型都已經有,雖然係以CARS做主題,即刻靚左好多,不過我當然主要唔係為左依件嚟買依個套裝啦~
    第二件就係依個兒童廁板~
    其實之前小小豬都係用POTTY去便便,不過原來學校佢地都係用小朋友嘅廁所,形式上係同POTTY有少少唔同,為左幫小小豬可以習慣性啲,等佢返到學校時都可以方便啲,所以就想買個小廁板加上去啦~
    哈哈哈...小小豬坐上去又幾啱位哦(當然係因為做緊示範,所以著住褲仔嚟坐,咁就唔洗怕影到重要部位啦....呵呵呵)~
    令我的起心肝去訂依一SET用品,就係因為依一個,外出使用嘅廁板~
    雖然小小豬都比較少係街上去便便,不過我好記得有一次當我地行緊街街時,小 .... (更多)
  • 觀塘海濱公園

    2013-10-05 | 小小豬篇

    5 OCTOBER 2013(SAT)
    今日同小小豬上完興趣班之後,原本都好想去遠少少嘅地方同小小豬去玩吓,不過我始終都係未好返晒,個人都攰攰地,所以都係決定左留係屋企,我就去瞓覺,佢地兩父子就係屋企玩遊戲。
    不過,正當我好夢正濃時,小小豬突然走過嚟叫醒我,原來佢好想去踏單車。就係因為小小豬依一句話,大肥豬就提意近近地帶小小豬去觀塘海濱公園,等小小豬有得玩之餘,又可以叫我曬吓太陽,咁個人都會精神啲呀!
    都啱呀...冇理由我一個人唔精神,就要佢地兩父子陪我悶,所以我地就出發去觀塘海濱公園玩啦!
    先嚟係長廊踏單車先~
    不過好快小小豬就俾公園附設嘅小樂園吸引左,要走左過去玩~
    睇佢幾大瞻,要自己擒上去呀~
    係個搖搖板上行嚟行去都唔止,仲要企係上面足泡泡呀~
    之後轉玩爬爬~
    最後就玩個平行板,個傻豬仔係玩依個平行板時都不知幾興奮,睇佢個開心笑 .... (更多)
  • 嘩...鬼太郎呀

    2013-10-05 | 生活點滴

    4 OCTOBER 2013(FRI)
    今日小豬媽想我陪佢出銅鑼灣買嘢,係未去SHOPPING之前,先去左皇室堡醫吓肚先。
    就係我地行入皇室堡時,就已經叫到中庭幻化成鬼太郎妖怪車駅,見到好大個鬼太郎呀~
    有公仔我地又點會放過,所以食飽飽之後,就影影影啦~
    雖然地方少少,不過啲佈置又真係幾靚。個佈置展覽至十月三十一日,所以如果大家行過皇室堡,都可以入去影吓相呀!
    我地嘅FACEBOOK專頁,你LIKE左未呀~
    記得關注埋我地個微博呀~
    仲可以電郵俾我地添~
    .... (更多)
  • 睡寶寶

    2013-10-03 | 小小豬篇

    2 OCTOBER 2013(WED)
    自從小小豬返學之後,我嘅可用時間真係少左好多。平日一早就同小小豬係屋企玩,玩到夠鐘就食飯就帶返學,之後接放學,跟住就返屋企煮飯等等。雖然有大肥豬幫我手湊小小豬,又會幫我手做家務,不過自己私人時間真係少左啲啲,連帶行街SHOPPING都少左,所以我都好耐冇行街街啦!
    之前冇時間SHOPPING都會去睇淘寶,不過買左幾次有貨不對辦經驗之後,就少左淘淘SHOPPING。雖然依家冇乜時間行街街,不過好在依家都有好多唔同公司係FACEBOOK開左啲專頁,好多都係日本...外國咁入貨,所以依家我又可以係屋企網購啦!(即係又方便我去敗家啦...不過我都好節制,所以暫時出事率都唔算高....哈哈哈)
    小小豬係一個勁爛瞓嘅小朋友,瞓著左就會蹬被,成日露出啲衫,咁好易病嘛,所以由小小豬細個時,我都有買睡袍俾佢,等佢瞓著左都有個保護。
    不過,隨著 .... (更多)