隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

芙芙_little kitchen
加為朋友

這個blog芙芙好用心機經營,希望大家尊重,喜歡我的食譜可以引用或標明出處,但千萬不要抄襲啊,歡迎大家試煮再交留心得
    網誌類別: Restaurant_日本菜
  • 沾麵小店 - 海老名

    2015-03-26 | Restaurant_日本菜

    近來芙芙的氣管不太好,常常很喘,
    早兩天就到了長沙灣看醫生,沿途路經一間原本賣衫的店子,
    搖身一變,成為一間專賣沾麵的日式小店,
    芙芙一直想試試沾麵的味道,這次沒多想就進去了。
    沾麵小店 - 海老名
    地址:長沙灣元州街213號美居中心20號舖 店子大約8個座位,芙芙到步的時間約早上11時半,
    所以客人不多,可以在寧靜的早上享用沾麵真好。
    全菜單只有3款口味的湯,都是以櫻花蝦為主,
    分別有醬油味、味噌味和蕃茄湯,
    廚師推介的是味噌,因為這款湯更能帶出蝦的鮮味。
    二話不說的,芙芙就點了一客櫻花蝦味噌沾麵,
    在期待的過程中,慢 .... (更多)
  • 日式咖哩店 Bee Japanese Curry Shop

    2013-03-28 | Restaurant_日本菜

    香港唔知幾時開始越開越多專食日式咖哩的餐廳,雖然依家好多地方都有,但我一直都無食過,本身對日式咖哩都唔會太好奇,直到上幾個星期,朋友成日都話食過一款蔬菜咖哩好好味之後,我就拉左兩個同事,開完會同我齊齊食curry!(其實我地去呢間同朋友講好食o個間係兩間黎gei,wakaka)
    貪方便的我地一去就去銅鑼灣Sogo食,其實係求奇搵間日式咖哩餐廳試下jei。一入去店仔細細,侍應全部都係講英格綠水(english)的,因為我地鄉郊出城,好彩都talk得下,唔係就真係飲水真係出返門口搵第二間算啦,
    同事S點左一碗咖哩牛肉烏冬,睇下湯底幾濃郁!我都試飲左一啖,發覺雖然外貌杰杰地,但味道唔會過份濃,反而岩岩好,呢個餐只係包飲品同烏冬,所以只係需要$78!(lunch set價錢,lunch時間都幾多人食)
    我就同同事阿son叫左同一樣的食物,登登登登!就係咖哩吉列豬排飯啦!對我黎講有 .... (更多)
  • 日本菜外送篇 - 元朗區

    2012-10-13 | Restaurant_日本菜

    返工食飯食咩好?呢個問題我成日都問,由返工2點鐘,問到食飯6:30,有時想食日本野,又覺得公司樓下間野唔抵食,有日搭的士時,見到座位扣住日本野外賣宣傳單張,手多多拎左張,點知日後就成為左我地晚飯的選擇之一! 
    呢間野叫左「盈豐美食創作室」,雖然味道唔算特別好,但勝在係外送,而且份量都唔少,不過呢間野o既唔係次次一樣,就好似以下呢個京蔥三文魚腩邊刺身,係咪好厚呢?呢個係第一次食時影gei,但之後食就好薄啦,我好懷疑其實係佢地第一次時送錯左野! 
    大家見到呢d大大壽司,舊飯係咪好大呢,d料都一樣好大ga,我喜歡叫呢度o既甜蝦大大壽司,因為呢款係連住蝦頭gei,味道好新鮮! 
    另一樣一定要叫的,就係蟹子沙津,呢個外賣碗係大碗黎ga,份量好多,特價時段仲要只係廿幾蚊,真係好抵食! 
    不過呢度的軍艦mama地,因為d紫菜好濕,送到黎時都 .... (更多)
  • 給精神打打氣

    2012-09-26 | Restaurant_日本菜

    其實食野係可以影響人的心情,食d靚o既新鮮的美食,
    人都會開心d,味蕾係一樣好敏感的東西,所以我經常做野太忙有壓力時,一完成左就會去放肆食d正野!
    以下呢個係一個三文魚海膽飯,見到時覺得真係好靚,但又覺得好似好細咁,食食下先發現,其實份量都頗多ga!因為d三文魚件件都好肥美!
    俾個近鏡大家睇下!d海膽都唔少ga!
    呢個午餐加埋一都係百幾蚊,相比起夜晚黎食,其實lunch真係抵好多,但又食到好好的質素!
    每個餐仲有麵豉湯,真係無可能食唔飽!
    又黎一個近鏡,湯就無咩特別!
    不過呢度的甜品就好特別,有一隻叫柿餅的甜品,細細舊好好味,唔會太甜並有種柿香!
    仲有大家都好喜愛的北海道牛奶布甸,每次黎食都會食,除非係食得飽得滯食唔落,有時我仲會連朋友個布甸都會食埋!
    為精神打打氣,你又會用咩方法呢?
    .... (更多)
  • 元朗放題 - Together

    2012-09-11 | Restaurant_日本菜

    早排同大家姐去左元朗一間叫Together的西日放題度食野,晚餐二百幾蚊度,但品質比起出面的放題都好!
    就咁睇下d刺身,有我喜歡的甜蝦,呢次食左成差唔多50隻!而且三文魚都好大塊,幾肥美,真係比出面的放題唔同!
    呢度仲有得食焗蠔,不過串燒類唔多,但可以試下燒靖魚,味道不錯!
    一般食放題呢,總會覺得炸物唔太好食,因為有時會好硬,特別係炸蠔,呢次我就無食,不過大家姐話好味,所以佢同佢男朋友食哂!
    同大家姐食左次之後,我就同同事襯住出去開會的時候,趕返黎食lunch壽司放題,加錢仲可以食埋刺身放題,質量同晚餐時無咩分別,抵食!
    個火炙三文魚壽司同蟹棒都好味呀!屯門元朗人有興趣就去試下啦!
    p.s. 馮爸爸見到我打緊呢篇blog,奉勸左我一句:
    「唔好食咁多生冷野呀!」
    .... (更多)
  • 四處尋周圍搵 - 小小日本店

    2012-08-29 | Restaurant_日本菜

    之前同朋友去左一間位於尖沙咀的日本菜餐廳食野,日本菜一向俾我感覺係好簡潔同新鮮,但我成日都會諗,d野咁細碟,都唔知食幾多先飽。
    但人慢慢長大,就會發現呢個憂慮係相當之無稽gei,因為慢慢食,自然就會覺得飽!
    呢間日本菜叫鮨賀,今日同大家講下上次晚餐有幾和味!
    呢個牡丹蝦刺身,個頭可以叫師傅拎去炸!
    赤貝刺身!
    呢個帆立貝超鮮甜呀,睇下個蘿仔幾得意!
    小妹對魚類唔太熟悉,所以唔知呢個刺身係咩魚,但睇個賣相已經俘虜左我啦!
    睇下佢幾紅,無記錯好似係劍魚腩!
    跟住就係壽司循禮!
    我同朋友都好喜歡食呢個魷魚壽司,因為中間有塊紫菜,味道好夾!
    一口將呢件海膽壽司放入口,簡直就高興到要合埋雙眼感受!
    之後呢件勁啦!吞拿魚蓉+海膽,味道之夾係不能用言語或文字形容ga!
    呢個三文魚鰐骨,口感好得意,但就覺得醃得太酸。
    呢個係前菜 .... (更多)

上一頁

12

下一頁