決定做化療了...

Jobe
加為朋友

好耐都無動力去寫BLOG, 因為參加了深夜食堂煮婦同樂會, 又開始令我有番動力呀...我會盡力抽時間寫嫁了...多多支持.

決定做化療了...

決定做化療了...

決定做化療了...

點煮網贊助

決定做化療了...

2008-12-02 |

 

2008年12月2日(星期二)

 

今日屯門醫院約咗媽咪9點鐘,

睇吓之前驗血報告等等....

如果ok的話, 咁就可以開始同媽咪做化療.

今日都唔算等得耐,

好似係十點鐘咗右啦, 就有得見醫生.

真係唔好提了, 呢位醫生一啲醫得都無,

無禮貌, 唔專業, 無耐性, 無愛心,

一啲醫生應有的態度都無,

啲語氣差到不得了呀....真係想'車爆'佢囉....

只係想我哋快啲走, 唔好問佢咁多嘢,

我當時真係想鬧爆佢呀,

真係好想投訴佢呀,

臨走時, 我仲好嬲咁問佢貴姓,

佢姓李喎, 臨走時,門都未關,

我就係鬧佢, 我諗佢都聽到啲嫁...

反省吓啦, 如果咁唔想做, 就唔好番工...

 

聽日就係媽咪第一之做化療, 其實老實講, 我係好擔心嫁,

聽得太多, 睇得太多,

知道做化療的日子係唔好受的,

我其實好難想像, 由聽日開始, 當我見到我媽咪的辛苦樣,

我會點呢....

其實係有啲驚, 我只求上天可以保佑媽咪,

都求上天唔咁比太多的化療副作用我媽咪,

我都唔想諗得太複習,

順其自然及見步行步啦!

 

原來叻叻的朋友-陳美美, 唔係送兩本書比我,

係送咗成四本有關癌症的書比我和我的家人,

今日比咗一本哥哥, 係有關癌症食療的,

而且都係講解一些癌症的各種問題,.

我就睇另外一本, 阿榮又睇另外一本,

大家分工合作, 都係想清楚了解多啲有關呢方面的事,

咁可以幫我哋更加有效咁照顧媽咪以後面對的問題.

點煮網贊助

回應

loading
點煮網贊助

決定做化療了...