超級好友慶牛一@涮牛肉

Jobe
加為朋友

好耐都無動力去寫BLOG, 因為參加了深夜食堂煮婦同樂會, 又開始令我有番動力呀...我會盡力抽時間寫嫁了...多多支持.

超級好友慶牛一@涮牛肉

超級好友慶牛一@涮牛肉

超級好友慶牛一@涮牛肉

點煮網贊助

超級好友慶牛一@涮牛肉

2009-09-20 |

 

 

2009年9月18日(星期五)

 

是日超級好友為蕭c奶慶牛一

今日選了這間涮牛肉打邊爐啊

是晚所有男士都有約而未能出席

這樣我們一行六位美女

就可以暢所欲言了

 

好友叻叻是涮牛肉的常客

所有是日都有好多抵嘢

涮牛肉的環境唔錯, 夠濶落,夠光猛

服務態度GOOD, 衞生夠乾淨

美食當前,廢話少講

開始我哋的打邊爐了.

 

嘩...先嚟刺身

海膽及甜蝦刺身

兩樣都夠新鮮, 海膽可以配紫菜或青瓜吃

真好...蕭C奶不吃紫菜啊..呢次可以配青瓜, 感覺清新

三文魚刺身

巳經比佢地早嚟的美女食咗少少,

三文魚夠厚夠肥美, 唔錯呀.

冬瓜薏米豬骨湯底

因為大家都要好好保護身體,無叫啲辣湯底啊

清清哋,啱哂我哋幾位美女啊

多種調味料

都係嗰幾款啦...唔多講了

有機雪花紅牛

呢碟只係例牌, BUT我哋都食唔哂,

因為佢真係好多雪花,即係肥啦..

所以食咗幾件就好'漏'了,肉質方面,

唔係太重牛味,但係好嫩

牛頸脊

反而呢款牛,可能無咁多雪花啦,

所以可以食多幾件,牛味重啲,肉質就比有機牛的

稍為無咁嫩滑,BUT係好味的

牛丸

其實佢應該唔係就咁叫牛丸咁簡單

BUT蕭C奶唔知佢叫咩名LU..

好鬼大粒,都夠爽口

四寶丸

墨魚丸,豬肉丸,蝦丸及鯪魚丸

其實蕭C奶係自己諗嫁啲丸名,

我都係估吓估吓咋..嘻嘻

四款入面我金吃過墨魚丸,

BUT蕭C奶覺得普通,只係大粒,都夠爽

至於味道,我覺得無驚喜,麻麻哋

貴花蚌

夠新鮮,無咩特別要讚,本身來貨夠鮮的話,

貴花蚌都會夠爽.

新鮮肥鵝腸

好耐無食,蕭C奶好鬼鐘意食呢啲嘢.

OK啦,夠乾淨,無啲腥味,算係咁.

炸腐皮

蕭C奶無食, 因為係炸嘢,

NO COMMENT.

個樣就好靚仔了.

幾款雲吞,水餃,魚皮餃

其實我只係食過兩款,

一款係入面有木耳的, 好爽,好清新.

另一款係好似係'韮菜',如果我無記錯,

一般啦,唔係話好好食,你會想即刻叫好.

其餘唔知, 無食.

一定係IVY姐選的, 都好夠爽口,唔太淋.

鱔片

夠大件,好靚,好新鮮,好爽,值得一讚!

南瓜

好甜呀, 好得,好食,又係值得一讚!

鮮蝦

今次唔係刺身呀,待應送到枱上

啲蝦仲識郁嫁,真係好新鮮

而且整到咁樣送嚟,好型呀!

黑草羊

睇個樣都知正靚好味啦...

日本黑豚肉

可能食過有骨氣的,覺得無有骨氣的來貨咁

新鮮咁嫩滑,少少失望!

時菜

稻庭烏冬

係到食當然唔抵啦,兩件要28蚊,

平時自己買一大包,都係49蚊咋.

BUT出嚟食嘢,唔好咁計了.

 

總括而言,蕭C奶覺得涮牛肉普通咗啲

因為個人認為上次去過有骨氣好食過佢好多倍

因為有骨氣的丸類及餃類

真係做得好出色,好特別

肉類方面都係,有骨氣的貨色新鮮及肉味正好多.

每個人的口味有所不同,

以上只係個人的意見.OK.

 

大家不妨可以睇吓有關有骨氣食物

有骨氣火鍋專門店

http://hk.myblog.yahoo.com/jobechan0911/article?mid=7847

點煮網贊助

回應

loading
點煮網贊助

超級好友慶牛一@涮牛肉