Focaccia佛卡夏---意大利香草麵包

Jobe
加為朋友

好耐都無動力去寫BLOG, 因為參加了深夜食堂煮婦同樂會, 又開始令我有番動力呀...我會盡力抽時間寫嫁了...多多支持.

Focaccia佛卡夏---意大利香草麵包

Focaccia佛卡夏---意大利香草麵包

Focaccia佛卡夏---意大利香草麵包

點煮網贊助

Focaccia佛卡夏---意大利香草麵包

2013-04-24 |

2013年4月21日(星期日)

早前跟敗婦們聚會,老大(偽主婦)做了這款美味又易做的意大利香草包—Focaicca佛卡夏!!

因為實在太美味,忍不住自己親手試做。第一次正式自己在家搓麵團,整個過程,既興奮又緊張,因怕失敗啊! 結果我成功做到了!

出爐一刻,超開心呀! 下次又多一款美食招呼好友了!!

食譜跟著偽主婦的去做, 真的很清楚呢.

謝謝偽主婦的分享!! ^^



其實好似PIZZA嫁, 嘻嘻...焗好後, 切件, 如果有個靚靚的花藍,

把切好的FOCACCIA放在籃內, 就好像在意大利餐廳上食的一樣...




大家先看看有關的材料:






麵團材料

高筋麵粉     250g
牛奶 85ml
鹽   5g   
牛油   25g
 

暖和水   85ml   
快速乾酵母 5g
糖   15g


   
鋪面材料:

蒜蓉 半個,自行調整啦 
橄欖油   4大匙

黑橄欖 10-15顆
油浸蕃茄乾  4-5片(可以用乾蕃茄)


混合香草 適量
黑胡椒碎  適量
粗海鹽    適量
 



做法:

1)  開酵母

先開酵母, 先把85ml 暖和水的其中65ml來用作開酵母. 
剩餘的20ml水留待一會開麵團用.
糖也是扣起10g用來開酵母,
剩餘的5g留待一會開麵團用.


杯中加入65ml暖和水, 再放入5g酵母及10g糖, 輕輕攪一吓, 無需要大力攪動
 (看左邊圖)

大約10分鐘, 酵母就會漚泡 (看右邊圖), 咁就代表個酵母活動了, 咁就可以用嫁了.....


見佢嘔泡,其實好得意!





2)    開麵團


盆內加入高筋麵粉, 牛奶, 鹽, 剩餘的20ml 水及 5g糖, 還有酵母,
把以上材料用手搓勻, 最後才加入牛油再搓, 搓成麵團為止.
大約15至20分鐘掛...其實因為我無計時.

搓到麵團光滑及有筋性就可以了.
同時亦可以拉出
薄薄的薄膜就可以了.
滾圓後, 把麵團放在盆內, 蓋上保鮮膜,
進行第一次發酵, 大約45分鐘.

45分鐘後, 麵團會發大兩倍.
取出, 放氣, 再滾圓, 放回盆內, 蓋上保鮮膜,
讓麵團鬆弛一吓, 約15分鐘









3)     準備鋪面材料






碗內加入橄欖油及蒜蓉拌勻, 順便預熱焗爐200度



取出黑橄欖, 我買了去核, 方便一點功夫啊...
吸去多餘的水份





將黑橄欖切片, 一個個圈的...如圖中...備用




取出麵團, 放到焗盤上




把麵團攤平在焗盤上, 大約1.5cm厚, 再用手指按壓一個個小洞,
一定要按壓到最底啊..






把橄欖逐片按壓到麵團的洞,  一定要按壓到麵團底啊..
如果不是, 一會麵包發起時, 會把橄欖擠掉出來的.




然後加入油浸蕃茄, 我把油浸蕃茄乾一開三, 切成一小片, 再用按壓方法,
把蕃茄乾按壓到麵團底.

把整個麵團表面掃上橄欖油蒜蓉, 就算掃多一點也不怕的.
再灑上什香草, 黑胡椒碎及粗鹽.


然後把這盤麵團室溫放大約10分鐘, 進行第二次發酵






發酵好後, 就可以以200度, 先焗8-10分鐘, 再轉180度焗15分鐘至金黃色.




YEAH.....焗好了...出爐了...




香噴噴的香草麵包......

出爐一刻, 真的非常香呀...

嘩....焗焗得好靚啊....第一次自己搓麵團, 好有成功感嫁...哈哈...

真係好靚好靚呀....




切件, 慢慢享用啊...

超級美味..






CLOSE UP看看....麵包的質感好鬆軟呢...

不消半小時, 巳給我和少爺吃清光了...





真的十分易做啊...
好期待下一次跟朋友聚會,
做給好友們品嚐!!!






點煮網贊助

回應

loading
點煮網贊助

Focaccia佛卡夏---意大利香草麵包