隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    標籤: 生活記敍22522
  • 狄波拉的國內粉絲

    2012-08-03 | ♥ 唔關廚房事既逸事


    早兩日V媽媽來電告知笑料一則......
    話說有2個自由行女生來到V媽媽既店,
    一見到V媽媽就非常熱情地同佢打招呼!
    V媽媽第一個反應以為女生們係我既blog 友......
    女生們同V媽媽講: 我們認識妳啊! (普通話)
    V媽媽: 吓......!!?!?
    女生們解釋......
    原來佢地係譚校長粉絲!
    佢地話經常喺校長微博見到V媽媽同校長合照,
    知道V媽媽就係"金魚街狄波拉",
    所以今趟來港特別到金魚街一行,
    為一睹"金魚街狄波拉"風采!
    女生們話好高興見到"金魚街狄波拉"真人,仲要求合照!!
    (V媽媽講到依度我已經笑到斷咗氣~~~~~ )
    .... (更多)
  • V家愛心包裹 (2013年8月30日)

    2013-09-11 | ♥ 唔關廚房事既逸事


    因為Yahoo一個噩耗話要摺埋,攪到人心惶惶!
    撞正我部netbook燒咗,再加埋九千幾件瑣碎事,
    無時間寫blog更無時間攪搬blog野,
    尋日終於郁手將blog暫存喺"點煮網",
    暫時鬆一口氣,手痕可以update一下~
    早個零星期收到V媽媽寄來既愛心包裹~
    先前2次V媽媽 + 朋友寄野比我都打咗稅先攞到個包裹,
    今次原本應該星期四已經收到包裹,
    點知上網一track星期三個包裹仲喺海關度,
    心想今次又係凶多吉少!
    好彩星期五一早再track時已上咗貨車送貨~
    包裹不大,但滿滿一箱耶! 而且全部都係我鍾意既~
    鮑魚們.........
    V媽媽買咗依對bling bling鞋,著過話勁舒服,
    佢仲一次過買哂3隻色比自己! 再買一對比我~
    果然勁舒服又勁閃! 著上 .... (更多)
  • 閣樓的熊啤啤

    2012-07-22 | ♥ V嘩鬼叫


    其實幾個月前已經從老公口中得知依件事,
    不過當時老公仍然喺南下工作,
    我一個人喺屋企唔敢寫啊......
    老公下屬Luke 有一次到預約客戶屋企視察家居結構,
    睇吓可唔可以安裝能源效益系統.......
    如經測試後證實屋內閣樓結構可以做得到,
    將會先起出閣樓地板,鋪上一層絕緣體後再鋪回地板,
    絕緣體可以達到保暖效果,從而減低用電量~
    客戶帶Luke 上到閣樓,
    Luke 見到閣樓一角孤伶伶坐咗隻非常殘舊既熊啤啤公仔,
    未待Luke 開口詢問,
    客戶已經主動同Luke 講: 你地要點整都好,絕對唔可以搬開個熊啤啤!
    隨後客戶解釋.......
    收屋後搬入初期,佢同男友一齊清理上一手業主留低喺閣樓既雜物,
    連同熊啤啤在內,佢地將整理好既閣樓雜物暫放車房裡面,
    打算遲吓得閒先攞去棄置~
    佢地將 .... (更多)

  • 大家開始睇依篇之前,
    你 / 妳地係咪唸緊 - 依個乜鬼野標題來架? 
    神出鬼沒鎖匙包
    1月9日我晨早起身準備搭車去元朗睇中醫覆診,
    當我準備著鞋出門口時,我發現唔見咗個鎖匙包!   
    我每次用完鎖匙都一定會放返手袋裡面有拉鍊既暗格位,
    唯獨依朝早暗格裡面空空如也!! 
    我抽住個手袋由睡房搵到出客廳,
    再由客廳搵返入睡房.......最後都係出返客廳搵~
    搵咗足足10分鐘都搵唔到,
    我越搵越心急唔知點算好.......
    期間V媽媽一直坐喺梳化上"啤"住我搵鎖匙,
    一邊囉嗦地喃喃細語: 抵妳死吖! 用完d野亂咁放無手尾,都唔知係咪尋晚食完飯濛查查同d報紙一齊包走咗,無架嘞~ 一早倒咗垃圾架嘞......(下刪200字) 
    當時我將手袋放 .... (更多)
  • 2位媽媽的禮物

    2013-10-24 | ♥ 唔關廚房事既逸事


    上星期收到好多禮物...........
    V媽媽又寄來大大個重甸甸愛心包裹~
    (一睇個盒封成咁...就知係V爸爸傑作......)
    滿滿一箱.......
    早前V媽媽送我一對啡色勁閃又勁舒服既bling bling 鞋,
    V媽媽見我咁鍾意對鞋,再買多一對黑色 + 一對銀色比我~
    99見到我著對啡色話好靚,
    於是我託V媽媽幫我買多對啡色送比99........
    豪爽既V媽媽一口氣買哂3個色比99,
    不過可惜銀色等極都無貨.......
    Anyway, that's why 大包裹裡面有4對bling bling 鞋!
    3個色我都有齊哂,3個色都好靚,3個色都好鍾意~
    瑤柱醬
    乾螺頭 + 鹹鴨腎
    Mr.T 都有份啊!
    99十月頭去咗加拿大表演篤篤撐,上星期啱啱返來......... .... (更多)

上一頁

1 ... 2345 ... 26

下一頁