隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ 孖T跨年@HK 2010-2011
  • 已經唔記得咗幾耐無去過海洋公園咯! 我對上果次應該係......  小表妹得幾歲既時候! (小表妹今年已16歲......) 今次返香港,Mr.T 未返來已事先聲明要去一次海洋公園! 我自己都好想去 - 因為水母館 + 熊貓開咗咁耐我都未睇過........  特別帶埋我咋新架撐窮人三寶去試吓!  枝55-250 變焦長鏡效果唔錯!  入場時仲未食野,求其喺依檔"絲路小食"買咗隻熱狗 + 辣魚蛋......  依幾粒野超級難食!!!!!!!!!!!!!!!!!!  (難食到嚇死人.......)   今次我地去海洋公園主要係睇水母 + 熊貓! 所以一切機動遊戲欠奉~   我地喺水母館都留咗好鬼耐,睇完出到來天已開始暗 .... (更多)
  • 以前暑假返香港時一定會去香港書展~ 但近年絶少summer 返香港,已經好多年無去過香港書展嘞...... 今次返香港之前得息12月香港會有2個冬季書展,我點可以錯過呢? 第一個就係12月4日至5日既"灣仔書展 - 閱讀在銅鑼灣"~   不過行書展前先要填滿我個黑洞! 地點: 佐敦翠華  我 + Mr.T 兩丁友霸佔一張6人枱,點滿一枱食物! 除咗一人一份早餐之外,仲有......  我恨食咗好耐既廚師腸煎雙蛋~  又係我既淨魚蛋走片~  豬扒皇老公要既豬扒包~  老公至愛炸魚皮~   食完野我地就過海去銅鑼灣行街頭書展......  可能時間尚早唔算太多人,完全唔迫行得好舒服! 書展不大,而家有好多幼稚園程度既兒童書,不過都行咗個零鐘頭~ 之 .... (更多)
  • 孖T回"香"省親2010 - 出發篇 (2010年11月29 + 30日)

    2010-12-19 | ♥ 孖T跨年@HK 2010-2011

    返咗來差不多3星期,本來想襯返香港同Mr.T 去台灣或泰國玩幾日,不過一直都好鬼忙見依個見果個 ,期間屋企又有老人家冷親入咗醫院,唯有除消計劃! 周身唔得閒,依3星期都無乜時間上網....... V媽媽事先向雀友講明 - 佢個寶貝女(即係我! ) + 佢個超寶貝女婿返咗來,所以雀局唔洗預佢! 不過Mr.T 星期二晚(12月14日)返咗英國,我由沙田搬返太子娘家陪V爸爸V媽媽~ 3星期無打過麻雀既V媽媽終於難忍手痕,今晚去咗打牌! 我終於可以盡情咁上返一晚網嘞!!   我一向有個怪癖 - 我鍾意順時間寫blog! 不過由於今次返香港既網誌已出咗打尖blog,但我又想記返低之前既野喎! 所以唯有破例一次玩玩時光倒流.......  出發當日(11月29日)之前已經落咗幾日大雪,地上鋪滿厚厚積雪!  渣車當然要特別小心特別慢,所以我地特別 .... (更多)
  • 今次一定要多謝blog 友晶晶介紹和味館比我 ,我 + Mr.T 先可以唔洗去台灣都重溫到炸蜂蛹既美味,同時仲嘗試到3種新既蟲蟲食物! 其實我之前都聽過和味館有蟲蟲食,不過我搵到既都係新蒲崗已結業既舊店資料......  和味館現店位於深水埗順寧道~ 搭地鐵到深水埗落車後要行一段時間先到,雖然唔係好就腳但唔算難搵,因為店面好大!! 網上見人話想食蟲就要預早order~ 不過是日我地好幸運,打電話order 時竟然4種蟲蟲都有齊哂,擇日不如撞日 - 是晚即刻去同蟲蟲見面!  4種蟲蟲分別係......  椒鹽竹蟲 - 初食落感覺如炸薯條平平無奇,不過越食就慢慢發現竹蟲有種獨特淡淡香味,越食越滋味!!  炸蠍子 - 脆卜卜好香口,有少少似北海道果種連殼既日式炸蟹仔~  和味龍 - 水曱甴一直係我最想試既! 因為我由細細 .... (更多)
  • 孖T回"香"省親2010 - I Love My New Hair!! (2010年12月1日)

    2010-12-03 | ♥ 孖T跨年@HK 2010-2011

    早前有網友讚我把已經長到及腰既秀髮好健康好靚,不過其實真係有苦自己知...... 我把頭髮留到咁鬼長,因為我真係再無勇氣比英國既髮型師剪我把頭髮! 二來我間中會用電髮棒將頭髮捲曲,頭髮一定要夠長先捲得靚! 不過好可惜有朋友覺得曲髮既我外表似個0靚模...... 最重要係 - 每晚瞓覺時Mr.T 都經常不自覺壓住我把頭髮,而不知情既我間中半夜起身飲水或去洗手間,就會因此被扯甩一咋頭髮 ...... 雖然知道Mr.T 唔係有心,不過晚晚都係咁,真係開始有少少憎佢!! 想剷除佢已經足足半年! (剷除把頭髮! 唔係剷除Mr.T!! ) 一不做,二不休 - 索性來個清爽短髮! 反正長頭髮留咗咁耐已經有少少悶悶~ 究竟佘詩曼定係鄭秀文好d呢?    平時我一落機返娘家放低行李後,就會飛的去尖沙咀搵我個御用髮型師Eddy 搞搞我個頭; 不過星期二晚(1 .... (更多)