隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ 孖T@HK 2008
  • 孖T返香港2008之巧遇譚校長 (11月14日)

    2008-12-03 | ♥ 孖T@HK 2008

    我好細個時已經係譚校長既歌迷!   我既小學 + 中學時代都係合唱團成員,指導合唱團既老師,都不約而同地講過 - 譚詠麟係香港樂壇少數真正懂得唱歌既人! 當年我會約埋同學放學時去信和中心買明星相; 阿倫出親新碟新書,就第一時間去買; 學鋼琴時我會要求老師教埋流行曲 - 阿倫既歌! 同學仲會特別剪低佢報章既消息比我...我會當係寶! 哈哈~~~~ 近年我已經好少聽中文歌...我亦已過咗迷偶像既年紀 (過咗好耐咯!) ,不過我仍然好欣賞譚校長~ 覺得佢既歌仍然係咁好聽!!! (幻影 is my favourite~~~~ ) 其實我之前已經見過譚校長幾次...... (1) 第一次...我喺屋企做緊功課,V媽媽打電話比我話阿倫喺舖頭附近買緊野! 我即時以9秒9由屋企跑去舖頭! 當時年紀尚小...V媽媽拖住我見偶像!    V媽媽:  .... (更多)
  • 11月18日,我、V爸爸 + 老公一齊返新界探V爺爺 + V嬤嬤~ 一向都有少少抗拒返新界~ 因為... (1) 圍村好多狗! 我試過比5、6隻狗圍住,隻隻對住我"呵~ 呵~ 呵~"咁...嚇到我即時大喊! 只係幾年前既事,我當時以為自己死緊!!! 從此返親去新界,我都要V爸爸打定電話叫V爺爺攞埋碌棍來村口接我地; (2) 路程遠~ 一來一回已花去幾粒鐘; (3) 果度與世隔絕! 冇野做亦冇野好食; (4) V爺爺 + V嬤嬤係客家人,不過V嬤嬤完全唔識講廣東話! 我同佢傾計要靠V爸爸做翻譯..... 基本上我地好少返去,因為早年V爺爺 + V嬤嬤移居英國,近年先返咗香港定居~ 以往返到去,只係坐吓...好少留意周圍環境~~~  V爺爺 + V嬤嬤屋前有個小花園,有棵好大棵既碌柚樹!  碌柚又大個生得又密...不過據V爺爺所講 .... (更多)
  • 返英國當日(11月21日)適逢老公生日,而我既生日係12月尾~ 所以V媽媽 + 2位auntie 特別秘密地提早為我地慶祝生日~~~~ 11月18日美馨auntie 話請食飯,本來話想請我地食北京填鴨...但V媽媽唔知咩關節問題又發作,唔食得鴨~ 我 + 老公一向冇乜所謂,所以又去V媽媽favourite - 金羅寶~  今次6個人...都係食果d野啦!  我又食咗2大碗飯~~~  去金羅寶...記得問佢地攞"鹹魚仔"!!! (上次唔記得影!) 用來送飯超好味~~~~  食完飯後...突然有侍應攞個生日蛋糕出來! (驚喜啊~~~~ ) 初時我以為淨係同老公慶祝...點知唱生日歌時,原來我都有份喎!!! 呵呵~~~~ 生日蛋糕都係美馨auntie 買既! (Thank you 啊~~~ )  至於 .... (更多)
  • 11月17日我地去咗澳門一日遊~ 我 + 老公都唔賭錢,亦唔好賽車...澳門對我地來講 - 其實冇野玩! 不過講到食野,就真係我地既天堂!!!! 所以今次去澳門,最主要係食野 + 同網友Samchi 媽見面~~~~~ >>>>>>>>>>>>>>>>>>>>>>>>>>>>>>>>>>>>>>>>>>>>>>>>> Samchi 媽夫婦來碼頭接我地,我地一落船就帶我地去食好正既葡國野 - 坤記餐室~  4個人既lunch..... 成枱都係...咁究竟食咗咩呢????? .... (更多)
  • 06年10月第一次去台北,知道台灣有一間以"廁所"做主題既餐廳 - Modern Toilet (便所餐廳)~ 已經好想去試吓!! 不過當時只喺台南有分店; 舊年07年9月再到台北影婚紗相,知道台北西門町附近,都開咗一間所餐廳,即時去試~ 仲帶咗個用來裝飲品既塑膠尿壺返來..... 不過原來舊年9月,我身在香港未去台北既同一時間,旺角都開咗間便所餐廳~ 開張日仲係我 + 老公既拍拖8週年紀念 - 2007年9月9日! (不過當日我腸胃炎....) 旺角既便所餐廳,係我後來返到英國先發現~ 於是今次返來就記住去試!!!  地點位於旺角朗豪坊對面砵蘭街文華中心~ 並唔難搵.... 咁我地食咗咩呢......  先來2杯裝喺男廁尿兜裡面既可樂 + 綠茶......  綠茶既顏色......望落去真係幾核突!!!!   .... (更多)
  • 之前果晚同損友們夜蒲,第二日(11月15日)遲咗起身~ 但一早計劃好入長洲探V婆婆......  搭巴士過海時,經過佐敦泰林,見好多人門口排隊 + 有電視台記者...後來睇返新聞先知原來當日泰林開倉清貨尾~~~~  唔夠時間去坐定定食野! 所以先喺7仔麵包蛋糕頂住檔~ 老公要咗個唔知咩日本麵包...  我就求其要咗個"小牛蛋"~ 去到中環港外線碼頭,再喺小食檔買野食......  牛肉球、辣魚蛋、牛根丸、燒賣.....胡亂咁要咗2兜~~~ (不過好好食!!!)  我再來1隻炸雞脾~ (就係為咗等依隻炸雞脾...令我地miss 咗一班船!!!  不過都好好食~~~~)  到咗長洲已經黃昏~ 長洲碼頭海旁既日落景色好靚!!!  好多人影相~~~  我 + V媽媽返親 .... (更多)