隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V回到未嫁時
  • 懷念故友 – 雲片糕食譜

    2013-05-28 | ♥ V回到未嫁時


    有睇開我blog既blog友應該會知道,
    阿V細個時同V婆婆V阿姨一齊住喺長洲,
    每逢乜節物節放長假期時,
    先會返去V爸爸V媽媽九龍既屋企渡假~
    果時放假除咗好開心可以見到V爸爸V媽媽之外,
    仲好興奮因為可以同鄰居兩姐弟一齊玩!
    (BB + K仔 – 化名! 唔係吳XX呀!! )
    記得小學時有一次農曆新年假期,
    同BB + K仔一齊玩緊,佢地突然比咗2封利是我,
    BB仲同我講咗句”利利是是”!
    我裝過利是封裡面,
    全部係碎銀,有幾個銀仔 + 幾個毫子,
    我好記得2封利是夾埋有$8.5,好鬼豪!
    我細個時收到既新年利是都要上繳V媽媽,
    當我誠實地上繳時.......
    V媽媽奇怪地問: Auntie咪比咗利是妳咯喎! (即BB + K仔既媽咪)
    我: 唔係Auntie比架,係BB + .... (更多)
  • 李家小姐讀書生涯 - College + 大學篇

    2010-10-02 | ♥ V回到未嫁時


    點解無咗中學既呢?
    因為我既中學生活乏善可陳~ 成績亦唔標青......
    中學時既成績表我一張都無!
    當年V爸爸將成績表交咗比英國既親戚幫我搞入學手續,就唔知去哂邊嘞!
    基本上我完全唔鍾意我間中學!
    e.g. 我好討厭每日返學都有人企喺門口揭開妳條裙來"檢查"校服;
    好討厭當妳對黑鞋有黃色車線,老師會強迫妳用黑色箱頭筆將黃線油黑;
    白色運動鞋就要妳用塗改液塗去牌子商標;
    甚至連妳用緊個書包買咗幾錢都要管埋一份!  
    有幾位老師又小器到離奇! (尤其姓"利"果條肥婆!! )
    係邊間就唔講嘞! 舊網誌都略略提過,知就知,唔知就算啦~
    雖然我咁唔鍾意依間學校,不過我都好開心喺度認識咗我幾位好朋友!
    唔知點解中學時我好少影相?
    僅餘幾張學 .... (更多)
  • 李家小姐讀書生涯 - 幼稚園 + 小學篇

    2010-10-01 | ♥ V回到未嫁時

    早前同一位網友msn 講返好多細個讀書時既回憶...... 間中會有人問我: 妳讀咁多書都唔出來工作,唔覺得好浪費咩? 我唔排除問既人當中有部份會陰謀論地認為 - 小妹所謂出國留學只係掛名,因為讀書唔成所以搵到飯票就結婚......(就算係又吹咩! ) 不過查實小妹從小到大成績尚算不俗~ 而且我曾經都有一個好有大志既"我的志願" - 律師! 律師係我既第一志願; 第二志願係家庭主婦~ 人小時候思想總係比較單純......細個睇電視見親法庭打官司,著住黑袍笠假髮果種大狀伸張正義,為受害人討公道; 為被冤枉既人還個清白......我直頭覺得依個世界無任何一個職業比律師更有型!   (其實應該只限大狀先啱! 細個時唔識分,一律只理解為"律師"......) 人大個咗就不再單純......殘酷既事實令我知道做律師既唔一定係好人! 就算 .... (更多)
  • My Toy Story~

    2010-08-18 | ♥ V回到未嫁時

    唔知大家仲有無保留小時候既玩具呢? 星期日睇去完Toy Story 3,今集講玩具主人Andy 長大後將眾玩具送出,希望眾玩具可以繼續為小朋友帶來歡樂...... 雖然不多,但我仍然保留住少量已有咸豐年歷史既兒時玩具架!  好老實 - 莫講話攞去捐,我唸依咋野揼出街都無人會執~   不過佢地載滿咗我小時候既回憶......    依2個迪士尼原子印係我小學四年級時第一次去日本時買既! 相關網誌: 李家小姐初出城 - 日本北海道 (1987年2月)    我幼稚園時代用來扣喺書包既鎖匙扣~ 雖然淺藍色既塑膠部份已開始有少少褪色,不過啷啷部份至今完全無生銹,品質唔錯喎! 哈哈~~~    依"粒"公仔同樣係我幼稚園時代既玩具~  唔記得點解有次我嬲咗依 .... (更多)
  • 香港花卉展覽 (N年前)

    2010-03-27 | ♥ V回到未嫁時

    見到網友去咗參觀一年一度既香港花卉展覽,影咗好多靚相...... 我N年前讀緊中學時 (唔記得咗Form 幾咯......),都參加過香港花卉展覽既中學組插花比賽架! (係呀~ 插花又有我份呀!! )  記得當年中學組參賽主題係"錦繡前程"......  我插咗盆咁既劣作出來 ......而家睇返相真係勁滴汗! 似乎應該叫做"一帆風順",多過"錦繡前程"喎...... 記得正式比賽日之前一星期,我同其他參賽同學都先插咗一盆,放喺學校入口大堂展出比全校師生參觀~ 有一位老師仲比咗一句評語我: 妳依盆插得好有氣勢! 到正式比賽當日,我同其餘幾位參賽同學獲准提早放學,帶齊所有鮮花用具到維園,要即時現場再插一盆 (好似仲係限時果隻! ) 相中依盆就係正式比賽時所插果盆嘞! 比賽插好咗既花 .... (更多)
  • 回到未娶未嫁時 - 孖T小時候

    2010-03-02 | ♥ V回到未嫁時

    早幾日post 咗"李家小姐初出城"~ 摷開舊旅行相出來順便整理埋其他舊相...... Post 部份BB相出來等大家再讚吓我可愛先!  我好鍾意依張相,因為相裡面既我笑得好開心又好innocent!  出世無耐既我~ 原來VB時既我都幾肥嘟嘟果喎!  (好鬼鍾意V媽媽條冷裙~~~~ )  我識行嘞!!!  我剛識行就有人請我喺海洋公園派傳單!!  根據V媽媽所講 - 我紅色依件其實係娃娃裝上衣來,下面係有條紅短褲仔既!  不過我屎都要拉到條褲好高...... (我都話我細個時好怪架啦! )  果時住唔知7樓定8樓...... V媽媽話有次同我一齊瞓晏覺~ 點知佢一覺醒來,成屋都搵我唔到!!!  後來喺床頭百葉簾後面搵到我....... 原來 .... (更多)

上一頁

12

下一頁