隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V最愛小動物
  • 鄰居貓貓

    2011-05-16 | ♥ V最愛小動物

    我好鍾意狗狗 ,不過就唔多鍾意貓貓! 多年前我地新居入伙,剛剛全屋鋪好新地氈,但周圍都仲係一箱箱搬屋後仲未拆箱既家當...... 老公有一位非常自私既賤男同事 ,因為佢要去旅行,不識趣兼強人所難地要將2隻貓貓寄居喺我地屋企! 用賤男來稱呼佢真係當之無愧~ 因為佢當時有一位拍咗拖3年好可愛既女朋友,不過佢唔止一次背住女友同2個女同事偷食! 但可愛女友一無所知,最後仲嫁咗比個賤男...... 當日參加佢地婚禮,神父問有無在場既人反對佢地結婚......好老實我真係好有衝動舉手架!!   拉開咗話題添~  講返貓貓...... 賤男果2隻貓貓真係曳到無朋友! 阻住我拆箱執屋不特止,半夜三更跳上跳落推跌野嚇到我成個人彈起; 朝朝早幫佢地執屎換貓沙,服侍佢地但又唔蘇我唔同我玩,我已經好唔老黎架嘞! 佢地仲竟然大膽到爪穿咗我2條pashmina!! .... (更多)
  • My name is 金!

    2011-02-14 | ♥ V最愛小動物

    好多blog 友都知道我每次同Mr.T 一齊返香港,就會住喺太62太99屋企~ 太62 + 太99都係對動物好有愛心既老人家,屋企除咗養咗2隻傻狗之外,佢地仲會為一隻經常喺屋企自出自入既外來金色野貓長期預備貓糧! 講返2隻傻狗...... 一隻黑色既叫做蕃薯,但佢好似非常唔妥我......見親我都吠過不停,而且佢見到閃光燈就會開始發癲,所以我都唔蘇佢 + 無興趣影佢! 雖然蕃薯唔妥我,但我就愛屎另一隻身型小巧既芝娃娃 - 金金~  見到金金個傻樣,我個心就好似溶緊咁~~~~  金金雖然係男仔來,不過佢好鬼嗲!  我估老公應該抱得金金好舒服...... 因為金金個樣越來越high~~~~  除咗傻樣,金金仲有高竇既一面!  我唔知金金條脷係咪有問題? 只見佢大部份時間都係咁既樣!  不過其 .... (更多)
  • 鍾無艷

    2010-07-31 | ♥ V最愛小動物

    唔係謝安琪喎!  係依隻5至6歲左右既雙色龍蝦!! 英國一名漁夫喺約克郡東部Bridlington 距離約16km 既海域,意外捕獲依隻"鍾無艷龍蝦"~ 龍蝦身體外殼正中間有一條筆直分界,近乎完美地將頭至整個身體平均分為一半黑一半紅,根據海洋專家推測,出現咁既雙色龍蝦既情況機率只有五億份之一! 身體平均分開一半顏色已經夠哂奇怪! 再奇怪d既係......  龍蝦左邊黑色殼有個紅色既拑;  而右邊紅色既身就配個黑色拑! 連專家都估計唔到咁既情況機率有幾多!?!?!! 依隻龍蝦分色奇特......  因而得到一個花名"Harley Quinn"~ 又確係幾似喎 - 大家都係黑 + 紅! 嘻嘻~~~~~ (Harley Quinn - Batman 漫畫裡面一個女性反角, .... (更多)
  • 貓男女

    2009-12-02 | ♥ V最愛小動物

    雖然我唔鍾意貓,但依個YouTube 真係搞笑到不得了~~~~ video 中所見2隻貓 - 黃貓不知所為何事不停向黑貓"疑似怒吼"...... 喺我地人類眼中,就活像一段親密男女關係既女方黃貓捉姦在場後,向有食軟飯嫌疑既男方黑貓不停怒吼~ 而男方只可頭葺葺默默受責..... Internet 之大臥虎藏龍,真係好佩服加上對白字幕既人!  對白有真實感得來好切合情境,非常搞笑!!! 尋晚睇到我笑到肚痙攣 + 眼淚直流~~~~ 不過我好想知其實果2隻貓究竟喺度做乜??  為方便所有網友,我特別將對白譯成中文! 紅色大字為黃貓怒吼既部份~  黃貓: 你話過你愛我...我地會結婚...生貓仔... 話比我知點解要背叛我...點解? 點解???? 我weekends 去打工支持你...你就喺我張床度同個 .... (更多)
  • Pikachu & Raichu

    2009-09-20 | ♥ V最愛小動物

    一直養緊2條金魚仔~ 早排其中1條死咗,上個weekend 去咗pet shop 睇吓有無啱心水補返條......結果係無! 不過pet shop 另一角落既兔仔 + 倉鼠,令我唸返起以前養過既2隻可愛倉鼠 - Pikachu + Raichu~  左邊細細粒 + 鬼鬼鼠鼠既係Pikachu; 而右邊肥嘟嘟 + 矇盛盛既就係Raichu~  心水清or 有養倉鼠經驗既網友,應該會發現 - Pikachu + Raichu 係唔同品種倉鼠!    先講Pikachu......  Pikachu 係Roborovskis hamster,即俗稱"小露寶"~ "小露寶"屬於迷你倉鼠,而且仲係眾多迷你倉鼠之中,體型最細少既品種! 多年前有一日我決定要養寵物,因為當時仲讀緊書租緊屋 .... (更多)
  • 笑笑小動物

    2009-09-01 | ♥ V最愛小動物

     YouTube 真係一個偉大既分享網站! 鍾意小動物既我,因為養小動物責任重大而卻步~ 但因為有YouTube 既存在,我都可以分享到其他人所飼養可愛寵物既趣事! 睇完會令我哈哈大笑,心情愉快! 會講野既動物......  "I want.....I want OUT!! I want OUT~~~~"    "I love you! I love you!! I love you!!!" (好鬼有型既狼狗 - 2隻眼唔同顏色架!!! )    The Real Hello Kitty! "Hello~ Hello~~ Hello~~~"   為食爆谷倉鼠......  有爆谷食就任你點魚肉都得!   .... (更多)