煙花三月 - 後記
2008-04-09 | ♥ V讀乜鬼書
今日網友回話，話咗比我知原來"煙花三月"裡面既袁竹林婆婆已經喺2006年3月尾去世~ 享年八十四歲......我唸番起書裡面既情節，袁婆婆一生從來冇享受過一天好日子，我心裡面真係好替佢難過! 我希望如果人係有來生既話，袁婆婆今世所受既一切苦難，喺來生可以得到補嘗....... .... (更多)
-
煙花三月
2008-04-08 | ♥ V讀乜鬼書
好鍾意書既英文名 - "The Red String"...... 李碧華係我最鍾意既女作家~ 之前去依度既圖書館，都有借過佢既書，但只限佢既散文 - 因為依度圖書館可借得到佢既著作，就只有佢既散文......真正留意李碧華既作品，係由我睇完電影版既"霸王別姬"開始(驚為天人~)! 加上我一向比較鍾意睇長篇，於是開始揾佢既長篇作品來睇~~~~ 已經好耐未試過睇一本書睇到喊出來! (睇到"想喊"既就大把!!!!) 仲喊咗幾次~ 不過睇到後半part，已經再喊唔出，剩低既只有無奈......數一數，當年同分開咗38年既丈夫重逢時，已77歲既袁婆婆，今年已經86歲~ 大半生以來都背住"慰安婦"依個充滿恥辱既身份，一個人硬撐落去...... 我一路睇一路唸 - 如果我係袁婆婆既話，我會點呢? 分開咗 .... (更多) -
"令人討厭的松子的一生"
2008-03-29 | ♥ V讀乜鬼書
山田宗樹(Muneki Yamada) 2004年出版既作品，2007年翻譯成中文版 + 漫畫~ 07年9月同老公去台北，行書店時無意中見到依個故事既漫畫版~ 當時只抱住"一本過唔洗分集追來睇"既心態而買~ 根本並唔知故事講乜(本漫畫包住咗!) + 冇聽過"山田宗樹"! 當晚我喺酒店一口氣睇哂~ 覺得"哇~好好睇!" 之後幾日喺台灣，我發現原來本漫畫原本係小說來! 但喺台灣時唔記得買埋小說版，所以返到英國時先上網買咗~ 小說版分兩本上、下集; 而漫畫版就將故事濃縮咗成為一本...... 故事係講述年青貌美、對未來+愛情都充滿憧憬既國中教師川尻松子既坎坷人生~ 雖然故事係虛構出來，但好真! 因為我一向都相信依個世界，真係有好多人因為當初一個錯既選擇 / 決定而誤咗自己一生! 依個絕對唔係開心既故事! 我雖然覺 .... (更多) -
書精
2008-03-28 | ♥ V讀乜鬼書
我同老公有好多共同嗜好~ 其中一樣係睇書! 基本上我地睇既書種類好鬼雜，冇話特別唔鍾意睇乜書...上至可以學到野既工具書，下至漫畫~ 乜鬼都啱! 因為老公係竹升唔識睇中文，所以佢只可睇英文讀書，但佢成日都會叫我翻譯漫畫比佢聽; 而我就中英文書都會睇，不過都少睇英文書 - 因為我鍾意瞓喺度睇書，而英文書拮書方向唔同中文書! 好唔就手(慣咗嘛~) 所以除非topic 真係好吸引，如果唔係，我都係睇中文書多...... 我係"書精"一名來! 我一定要睇書先瞓得著 - 就算已經好鬼眼瞓，最少都要睇幾頁先可以瞓得著...... 睇書係我從小既習慣，所以過來英國讀書時，留咗好多書喺香港既房間冇帶來! V媽媽成日鬧鬼話見到我d書就煩 + 問我幾時搬走佢地...... 我有3個途徑揾書睇... (1) 去圖書館 - 大約一個月去3、4次啦左右. .... (更多)
網誌類別: ♥ V讀乜鬼書
社交網