隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V手痕傑作
  • 小V珍藏品 - 袖珍黏土書

    2008-04-21 | ♥ V手痕傑作

    袖珍黏土食物手工藝喺香港其實已經興咗幾年~ 我以前一直都係得個睇字 - 睇人地整果d! 當時都有唸過自己整,但一來依度唔興整袖珍食物,所以賣唔到所需材料(依度只興公仔屋!); 二來我懶; 三來我唸 - 一定唔夠人整得咁靚咁似啦...... 後來有一次同老公行書店,見到有幾本教人用黏土(polymer clay)整袖珍公仔屋食物既書,於是買來睇吓(但整得唔多靚~) 上網又見到好多人整得好鬼靚,所以越來越恨 - 自己都想整埋一份!  06年第一次去台灣,買咗一本咁大把既黏土書~ 其實我當時見到唔止一本咁既書,但我怕自己只得3分鐘熱度,所以唔敢買太多! 返英國時又順便喺香港買埋一大堆材料...但都擺咗幾個月先開始整..........(唉!) 點知一整就整出興趣來!!!! 上網買黏土書越買越多~ 而且原本唸住只整食物...但整整吓又整埋個公仔屋版"V女廚房" .... (更多)
  • 送比S既小禮物

    2008-04-14 | ♥ V手痕傑作

    不經不覺,S喺6299屋企已經住咗3個星期! 依3個星期以來...一定悶死佢!!!! (唔知S有冇後悔放假唔返香港來咗依度呢?) 我覺得S係一個好天真、好有禮貌既女仔! 可能我覺得佢似以前既我 - 自己一個由香港來讀書,喺依度冇親人...所以我覺得同佢都幾啱咀形! S第一次來我地屋企時,佢話我整既袖珍黏土食物手作仔好靚~ 之後我一直唸住整一個送比佢~ 但我真係好鬼懶....一路拖拖拖...最後拖到尋晚同佢打完保齡,送完佢返去...我地返到屋企先開工! 好彩整到兩點幾都趕得切...... 今日同埋6299 + 姑仔佢地一齊同S喺Chinatown 食晏~ 食完晏我 + 老公送S去機場,S喺車度同我講,佢話收到個黏土壽司時想大嗌~ 不過唔好意思咁冇儀態! 希望S今次來依度玩得開心(雖然冇乜野玩.....) + 會鍾意依份小禮物啦!   尋晚打完保齡,Jeff 打電話來叫 .... (更多)
  • 模型屋仔

    2008-03-22 | ♥ V手痕傑作

    我係為食~ 但又唔係為食到對其他所有既事都冇興趣! 除咗食,我仲對好多野都好有興趣...(無聊野~~~) 依幾間係我自己一手一腳上色 + 砌出來既日式模型屋仔~ 老公冇份砌架!(咁梗係買返來而唔係自製果隻啦~)  依間係我第一個完成既"日式茶屋"~ 我記得我砌通宵,砌好時啱啱天光!  我仲加咗d野 - 用黏土整咗我 + 老公喺出面晒太陽! (我手上既係一隻超級巨型鑽戒...嘻嘻~)  用咗最短時間砌既"居酒屋"~  唔係好鍾意既"五重塔"....  我唸住每間模型屋仔都用黏土整我 + 老公個樣放埋落去...但個"五重塔"好似有d 9唔答8......我唸過整老公好似King Kong 咁"揸"住我企喺五重塔上面! 但因為太細~ 要 .... (更多)
  • 假既"V女廚房"

    2008-03-22 | ♥ V手痕傑作

    其實依間野已經整好咗幾個月~ 一直都想放上來blog,但成日唔鬼記得! 依間係我第一間自製既公仔屋! (現時為止都係得1間~) 我咁鬼為食就梗係整個廚房啦! 事源舊年我+老公上網見到依個公仔,老公話佢個樣好似我(erm....!??!)又係煮野食~ 啱哂我! 咁我又覺得個公仔好可愛~ 老公就買咗送比我......不過我唔想keep 住公仔喺個盒度,於是起咗個廚房比佢! 鋪哂地墊又貼哂牆紙,仲有盞燈 + 餐枱! 盞燈真係可以開關架......  睇吓我幾衰相 - 我當個公仔真係自己來~ 幫佢戴埋鑽石戒子+耳環.....  仲"煮"咗滿枱食物過佢 + 插埋花!  放包檸檬茶比大家睇清楚d有幾大間先~ 我而家計劃緊整間餅店...... .... (更多)
  • T生既搞鬼新作

    2008-03-19 | ♥ V手痕傑作

    老公忽發奇想(發手痕!)整咗個咁既公仔........ 雖然我好鍾意~  但我覺得有少少"餵狗feel".......         .... (更多)
  • T生既賀禮2

    2008-03-14 | ♥ V手痕傑作

    繼前晚老公送咗親手畫既"防止浪費食物記錄表"比我之後,尋晚又有新花臣! 佢用電腦整咗一個我煮緊野食個樣~ 本來想用來做blog 大頭相...但原來yahoo blog 大頭相只可以用jpg file~ 所以用咗喺babykingdom 做大頭相!! .... (更多)