隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V手痕攝影
  • He is my sunshine! (2012年3月17日)

    2012-03-20 | ♥ V手痕攝影


    剛過去既星期四星期五連續落咗2日大風大雨, 
    不過星期六Mr.T 由Birmingham 返咗Glasgow 渡週末,
    仲為我帶大太陽藍天白雲! 
    (哈哈~~~ 其實關Mr.T 咩事呢? )
    連黃昏彩霞都特別靚啊!  
     
    .... (更多)
  • 大榮華二世 (2012年2月23日)

    2012-02-28 | ♥ V手痕攝影


    佢叫做"大榮華二世",英文名"Big Fortune the 2nd"~
    叫得佢做"二世",咁即係原本有個" 大榮華一世"啦......
    佢就係"大榮華一世",不過佢已經喺我返香港時歸咗天!
    享年......大約6個月命仔左右~
    不過今次唔關Mr.T 事喎,
    我返香港時,Mr.T 喺Birmingham,
    所以我地託朋友代為照顧富貴榮華......  
    Anyway,富貴又點可以無咗榮華呢?
    從朋友處接咗大富 + 大貴返來後,
    我就去pet shop 物色新一任既大榮華~
    原本我睇中咗另一條橙紅色會打喊路既凸眼金魚,
    可惜細心一睇,發現佢左邊有反腮! 
    最後選中咗依條小鐵包金~
    黑背 .... (更多)
  • 彩虹盡頭 (2011年12月3日)

    2011-12-08 | ♥ V手痕攝影


    雖然我好唔鍾意蘇格蘭橫風又橫雨既雨季,
    不過我好鍾意彩虹!
    一見到彩虹我就會好開心~
    蘇格蘭冬季經常落雨;
    因為樓宇密度無香港咁高,好容易見到一大片天空,
    變相見到一條橫跨整片天空既彩虹機會比喺香港大好多!
    星期六(12月3日)同老公一齊由Birmingham 渣車返Glasgow 既途中見到大條彩虹,
    我咁鍾意彩虹,見到當然會影餐飽啦!!
    喺高速公路上無意影到2張"彩虹盡頭"相~
    其實原本我當時見到既係double rainbow 雙彩虹!
    打算影既亦係雙彩虹!! (我第一次見雙彩虹咋!!! )
    可惜待我攞得相機兼開得車窗後,
    條副虹已經消失咗,只剩返條主虹......
    除咗第一次見到雙彩虹,我仲係第一次咁近距離見到彩虹!
    雖然唔夠手快影唔到雙彩虹,
    但我仍然按下 .... (更多)
  • 影餐飽!

    2011-07-18 | ♥ V手痕攝影

     之前提過我屋企客廳大窗外間果教堂,間中夜晚會開哂射燈好鬼靚! (網誌) 我仍然唔知教堂幾時先會開燈,不過我就發現每次佢地開咗射燈,都係踏到正一正11pm 就熄燈! 上次發現教堂著咗燈時已經將近11pm,快手拿起部相機影咗幾張,眨吓眼已經熄鬼咗......  不過早幾日比我撞正2次教堂著咗燈,2次都係大約10點零鐘...... 我終於有時間換枝長鏡慢慢影餐飽!    (攝於2011年7月7日, 10.53pm) 之前都講過英國夏天日長夜短~ 是日快11pm 個天都唔夠暗,我覺得襯得著燈既教堂無咁靚!   4日後......  (攝於2011年7月11日, 10.28pm) 今次因為日頭時已經係陰天,而且又幾厚雲,所以10點半個天已經比上次差幾分鐘就11點暗,襯托得射燈 .... (更多)
  • 農曆十五的月光 (2011年6月16日)

    2011-06-18 | ♥ V手痕攝影

    是晚Mr.T 夜歸......  老公渣緊車返來時打比我問: Hon~ 屋企望唔望到個月亮呀? 今晚個月亮好黃呀! 黃得好怪...... 我望勻哂屋企所有既窗都見唔到個月亮,於是我好果斷地拿拿淋攞起相機換咗枝長鏡,夜媽媽一個傻婆跑出街搵個月亮來影!  (攝於2011年6月16日11:32pm) 匆忙間無帶埋腳架出去,完全靠我一對定手符碌影到1張咁清~  不過其他相全部都好濛啊....... 十四果晚睇唔到月蝕,影返個十五既圓月補數啦!    搭張豬頭骨教堂相...... 有睇開我影黃昏彩霞景既網友,對依張教堂相既角度應該唔會陌生 - 依個係我屋企客廳既窗外景! 不過依張教堂相同我平時影既黃昏彩霞景有個非常之唔同既地方...... 就係教堂外既射燈著哂嘞!  (攝於2 .... (更多)
  • 大又圓 (2011年4月17日)

    2011-04-19 | ♥ V手痕攝影

    我講緊尋晚個月亮呀......   尋晚老公喺FB見到好多friends 話個月亮好光好大好圓...... 拉開睡房窗簾描一描,果然見到漆黑既天空光咗一大遍~ 好有UFO feel 啊!!   拿拿淋攞部DSLR 出來安返枝長鏡..... 點解要拿拿淋呢? 因為每次我見到又大又圓又光既月亮都想影,但每次我一舉機 ......  就一定突然有大舊雲唔知喺邊度飄出來玩野遮住個月亮......就好似咁囉!  卒之喺窗邊"捕"咗5分鐘......    終於守得雲開見月明!  
    .... (更多)