隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼身外物
  • 小V珍藏大曬冷 - My Pikachu Collection (UK)

    2011-04-17 | ♥ V乜鬼身外物

    Mr.T 喺香港公仔機夾咗個Pikachu 公仔返來比我,搞到我癮起想曬曬冷我d Pikachu  收藏~ 事先聲明 - 我唔係鍾意"寵物小精靈",我只係鍾意Pikachu 一隻既啫~ 我亦完全無玩過果咋Pokeman 既Nintendo game!! 鍾意Pikachu 只係因為佢肥嘟嘟 + 嗲聲嗲氣好鬼cute~~~~   我鍾意Pikachu 既程度去到 - 就算唔可以擁有,合照都好過無......  圖為台北西門町一間唔比人影相既玩具店! (偷偷地快手偷影......)   講返我d珍藏......  話明係UK - 即係依咋只係我英國既Pikachu 收藏! 我香港娘家仲有一大咋~  我有一個無印良品既透明3層櫃筒膠箱,用來放比較細隻既Pikachu~ .... (更多)
  • 靚爆鏡! (2010年4月7日)

    2010-04-08 | ♥ V乜鬼身外物

    靚爆鏡係我既心情~~~~~~~ 早2星期我 + 老公有個好鬼黑仔既weekend - 去酒店食自助餐,老公比玻璃割傷手; 而我就唔見咗1隻鑽石耳環...... 2星期過去都未見失蹤耳環既蹤影~  每次見到首飾盒入面剩返另外果隻好似好戇居居咁,我心情就唔多靚! 本來我都打定輸數搵唔返...... 點知今日無意中比我喺電視旁邊搵返喎!  依對耳環係V媽媽送比我既禮物~  耳環再次一雙一對~  失而復得既感覺真係靚爆鏡呀!!! 雖然我擁有唔止一對鑽石耳環,不過每一對對我來講都好有sentimental value,每一對我都珍而重之~~~   其實我都幾大頭蝦!   小如首飾、金筆; 大如銀包、頸巾都試過唔見無數次...... 不過我唔係次次都咁好彩唔見咗野可以搵得返架! 好似依個老公送比我既珍珠鑽 .... (更多)
  • 小V珍藏大曬冷 - Gucci

    2009-02-25 | ♥ V乜鬼身外物

    除咗Louis Vuitton 之外,Gucci 係另一個我鍾意既品牌~ In fact, Gucci 其實係我第一個愛上既品牌!  當時十幾歲既我反而唔鍾意LV,覺得太老氣......  隨住時間既流逝,早年有部份Gucci 比我賣鬼咗; 有部份返香港同V媽媽交換手袋用冇帶返來英國......所以我現時既Gucci 收藏並唔多! Tom Ford 曾經掌舵Gucci 長達9年 (1994 - 2003),而我鍾情Gucci 既全盛時期亦即Tom Ford 既時期!  依個係我擁有既第一個Gucci 手袋~ 由於年代久遠,個袋已經一早比我賣鬼咗! 當時我又未有數碼相機 + 冇咁得閒影相存檔,唯有post 返多年前去日本旅行時用依個袋既相......  當時個個朋友都讚我個袋靚! 不過真係有苦自己知 - 靚係要有代價既! 冇錯~ .... (更多)
  • 一份廿年前既情人節禮物

    2009-02-10 | ♥ V乜鬼身外物

    仲有幾日就係情人節嘞!  唔知大家買咗禮物比另一半未呢? 依隻紅寶鑽石戒指係廿幾年前一份情人節禮物~ 不過唔係我既,我冇咁堅幾歲就有情人節禮物收...... 其實依份係當年V爸爸送比V媽媽既情人節禮物! 原本並唔係戒指,而係一條紅寶鑽石頸鍊~~~ 當日V爸爸送頸鍊比V媽媽既時候,我都在場~ 而且到依家仲記得好清楚!  當年我仲讀緊小學,應該係放農曆新年假,西方情人節咁啱仲係學校假期,所以我返咗V家住...... 情人節當日V爸爸早收工返來,攞咗個紅色首飾盒出來比V媽媽,跟住攬住V媽媽咀咀! 其實V爸爸只係輕輕咁鍚V媽媽一啖  不過當時我細個,雖然我都覺得好sweet,不過同時又覺得鍚咀好大件事 + 難為情~~~  所以我掩眼大叫跑咗出廳...... 隔咗一陣我返入房,V爸爸坐喺V媽媽隔離溫馨地一齊"欣賞 .... (更多)
  • 好慘呀!!!!! (10月8日)

    2008-10-09 | ♥ V乜鬼身外物

    依對珍珠鑽石耳環係結婚前,老公送比我用來襯婚紗既禮物,婚禮之後我都好少帶,因為有少少隆重~ 平時冇乜衫襯到...... 老公後來發現原來依對耳環有條matching 吊咀頸鍊襯埋1set,所以買咗送比我! (個吊咀珍珠 + 鑽石都大粒少少~) 不過我未試過成set 咁帶,但條頸鍊平時都襯到衫,所以我間唔中會帶吓條頸鍊~ 上星期五同老公出街飯,我就換咗依條頸鍊來帶嘞...... 由星期五晚至尋日,我完全忘記咗我帶住粒珠~ 我都係衰架嘞 - 因為我一早知道唔應該帶住珍珠沖涼!!!!! 平時帶住單粒鑽石吊咀,沖涼時唔洗除; 依幾日日日沖涼時都醒起,醒起時先唸住 - 沖完涼先除啦...但沖完又冇咗回事........ 終於出事嘞! 尋晚沖沖吓涼摸吓粒珠...冇咗既!!??! 只剩返鑽石果部份! 我慘叫~~~ 老公即時衝入來浴室問咩事?  老公: 哎吔~ 點解會咁 .... (更多)
  • 小V珍藏大曬冷 - 水晶

    2008-06-11 | ♥ V乜鬼身外物

    我好鍾意水晶擺設! 尤其係Swarovski 既水晶~ 我第一件Swarovski 都係老公送既 ,咁多年來都儲咗一d,屋企個櫃有一格係專用來擺水晶既.........  我既第一件Swarovski 水晶玫瑰花~ 係老公送比我既第一份生日禮物! 咁多個水晶, 我最鍾意依個...........  有一年暑假我返香港度假,之後返到英國老公接我機,返到屋企一打開門,就見到老公一早排咗依3隻大至小既刺蝟喺枱迎接我!  迪士尼既卡通人物裡面,我最鍾意Mickey & Minnie~ 依對Mickey & Minnie 都係老公送既! 不過好鬼貴..........  同老公行街時,見到靚就買既Swarovski 水晶紙鎮~ 就算唔係乜野特別日子,平時老公都會比一d小驚喜,送一d小禮物比我...... 情侶砌圖頸鍊~ .... (更多)

上一頁

12

下一頁