隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V女廚房逸事
  • "白兔仔"

    2008-04-27 | ♥ V女廚房逸事

    真係激鬼死!!!!! 早排喺Tesco 買咗隻"黑椒兔仔" (pepper mill),但果時只得黑冇白 (salt mill)...所以我以為可能冇出到salt mill 啦~ 不過我實在太鬼鍾意  所以都焗住買咗隻黑兔,之後搵咗個差唔多色既salt mill 來襯佢........ 點知今日去Tesco,竟然有黑又有白兩隻排排坐喺度同我招手!!!! (死人Tesco 既stock control!!!!!!!) 我內心相當掙扎 - 如果買埋白兔...咁新買果個salt mill 點算呢???? 但我一向有OCD - 用野鍾意一套套!!! 就算唔係一套都要襯番~~~~ 好彩咁啱老公喺香港打電話來報告行蹤,順便問吓佢"意見"~ (洗唔洗呀!?!??) 就係咁~ 原本話過唔再買咁多廚具既我,又再一次反口覆舌! .... (更多)
  • 豬橫脷

    2008-04-22 | ♥ V女廚房逸事

    我好好好鍾意食內臟! 細個時屋企一煲豬橫脷湯,兩條大大條既豬橫脷多數係我一個人擦哂!!!! 過咗來英國,好多年前都見過中國人超市有得賣雪到變哂色既雪藏豬橫脷...但買過幾次之後就再冇見過! 可能冇乜消路啦~~~ (係唔好食架...不過當時覺得 - 好過冇~) 所以我返親香港都會叫V媽媽煲豬橫脷湯比我飲! 尋日去泗和行買餸,行行吓見到硬櫃果度竟然有雪藏豬橫脷!!!!!!!! 雖然都係雪藏,但冇變色囉~~~ 個樣仲好新鮮!!!! 而且我一星期去泗和行一次,上個禮拜都冇見到,應該都唔係雪咗好耐............ 超開心~~~~~ 希望佢地keep 住有豬橫脷賣啦!!! .... (更多)
  • 廚具 / 餐具購物狂

    2008-04-22 | ♥ V女廚房逸事

    幾個月前因為我撻錯爐,所以燒燶咗個爐頭蓋~ 尋日去InStore,入去前已同自己講過 - 淨係買番套爐頭蓋就走人!!! 點知佢地又減價~~~~~ 所以就"順便"打個轉,就係咁...............又衰咗!!!! 我屋企有好多碗碟餐具~ 除咗筷子係黑色之外,碗碟兜清一色係白色! 當中有成套買番來,亦有分開買......但係我屋企得兩丁友開飯,邊用得咁多碗碟呢??? 不如做個統計...睇吓屋企有乜~~~~ - 飯煲3個: 一個細既西施煲平時兩公婆用; 一個大電腦飯煲,請客多人時用; 一個未開 + 未用過既多功能Tefal 飯煲; - 飯殼3個: 兩膠一竹; - 大菜刀4把: 全部同樣用途,我睇心情用邊把; - Fillet 刀3把: 全部用途相同; - 砧板3塊: 分開切既食物...一塊生 + 兩塊熟; - 鑊5個: 平底、grill pan + .... (更多)
  • 廚房又有新成員

    2008-04-21 | ♥ V女廚房逸事

    一向唔鍾意食菜既老公話我知,近排佢返工放lunch 好鍾意去銀行附近既bakery 買homemade 西蘭花湯來飲~ 西方人煮既湯當然係搞到爛哂果隻啦! 但老公肯食d有菜成份既野,始終都係好事來~~~ 早排睇電視煮餸既節目,見到好多菜式都要用依種搞拌器,咁啱果日行Tesco,見到Tesco 自己牌子都出咗一個,而且好鬼平! 只係3鎊幾就有一個~ 抵到爛! 反正都唔會成日用,又係白色來~ 平平地買一個,壞鬼咗時再買過都唔會肉赤~~ 依個野最啱用來整老公鍾意飲既西式西蘭花湯!!!! .... (更多)
  • 好刀~

    2008-04-07 | ♥ V女廚房逸事

    早幾個星期買咗既日本菜刀,上星期五終於開咗光嘞!! 我真係慧眼識英雄 - 果然係好刀一把來~ 切肉尤如切牛油一樣! 頭先整餸感覺冇得頂~ 忍唔住要打篇野來歌頌佢!!! (真係好想好想買哂成個系列既刀!!! 但係 - 要咁多把刀來做乜呢???  同把刀一齊新買既鑊都未開光......仲有買咗成年一次都未用過既高速煲.......!!!!)   .... (更多)
  • 黑椒兔仔

    2008-03-11 | ♥ V女廚房逸事

    早兩日跌爛咗個salt mill,因為同個pepper mill 係一套,所以索性成套換咗佢! 之前睇UKTV food channel,見Rachel Allen 用一個好得意既pepper mill - 係"夾"而唔係擰既! 終於比我喺Tesco 買到啦! 承惠£6~ 唔知係咪一樣,不過close enough 啦! 之但係依個款得pepper mill 冇salt mill,所以仲未買番個salt mill...... 好鍾意依個pepper mill,不過頭先影相時發現佢個樣相當"詭異"...好似一隻好嬲+黑面既兔仔! 有少少恐怖...   .... (更多)