隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V女廚房逸事
  • 第3個爐頭蓋 (2009年7月9日)

    2009-07-11 | ♥ V女廚房逸事

     我唸我真係冇乜baking 天份...... 平時煮飯好似八爪魚上身咁,可以同一時間好有條理地做好多樣野; 不過焗親蛋糕就會陣腳大亂,烏龍百出! 今日我焗緊"日式棉花芝士蛋糕"時,又燒燶咗1個爐頭蓋嘞~~~~~ 依個已經係一個月內第3個......3個都係因為baking!!! 其實我燒燶爐頭蓋點止3次咁少?? 不過近排多咗焗蛋糕,燒燶爐頭蓋既次數亦相繼多咗...... 我一焗蛋糕,反應就會變到好遲鈍! 最近3次焗糕餅 - 北海道戚風蛋糕、BBQ 失手蛋撻 + 今日既日式棉花芝士蛋糕,次次都燒燶1個爐頭蓋~ 仲要次次都燒到有怪味先發現...... e.g. 去BBQ 前焗既蛋撻......蛋撻尚未出爐,老公心急走入廚房睇吓有冇得偷食~ 跟住老公問我: "Hon~ 點解妳今次焗d蛋撻smell 咁funny???" .... (更多)
  • V有失手‧馬有失蹄......(2009年6月29日)

    2009-06-30 | ♥ V女廚房逸事

    聽日約咗損友們去Millport BBQ,咁啱依個星期係老公銀行end of the quarter,佢好鬼忙請唔到假,所以老公冇份去! Weekend 已一早買哂我付責要買既野,我自動請纓焗打蛋撻,損友們既反應仲好似好期待咁款~~~~~ 我最大既缺點 - 就係唔可以一心二用! 整好哂蛋撻,較好哂timer,放咗蛋撻入焗爐後,我就走咗去晾衫...... 晾完衫唸住嘆返杯茶,跟住突然唸起: 點解個timer 咁耐都仲未響既??? 拿拿淋走去焗爐睇吓........  啊~~~~~~全部燶鬼哂!!!!! 蛋液部份熟到阿媽都唔認得...變哂巢皮葡撻!!! 原來我set 咗timer,不過放蛋撻入去後,趕住去晾衫...唔記得按"start"!!!! d蛋撻咁樣衰,緊唔見得人啦! 廢事嚇親小朋友......  冇時間再焗多次蛋撻,唯有拿 .... (更多)
  • Yakitori 代替品 - Mini Grill Oven

    2009-06-19 | ♥ V女廚房逸事

    今朝NHK台重播介紹迷你Yakitori 串燒爐既節目,搞到我又心思思想食! 尋晚仲用剩幾舊雞上脾,不過想食串燒但又唔想一早就搞到成身油煙味......比我靈機一觸 - 攞返個有燒烤功能既迷你焗爐出來! 依個迷你烤焗爐係我原本買來整迷你樹脂黏土食物時用既~ 後來對樹脂黏土認識深咗發現除咗麵包黏土之外,其他樹脂黏土成品都唔需要烤焗~ 所以咁耐以來依個爐都冇乜點用過! 不過唔買都買咗,咁緊係無理由無啦啦揼咗佢啦~~~ 所以唸住用返來整野食,但係咁耐以來都未用過......今次終於有作為嘞!!!  準備再來串燒! 蔥白尋晚已用鬼哂,唯有用綠色既部份; 今次有2串雞皮~~~ 放食物入焗爐前,先將焗爐調較到最高溫度(我依個係280C)預熱5分鐘......  然後將串燒掃上少許油(雞皮唔洗掃油,不過灑上少許鹽~),就可以放入去開始燒嘞! 大約燒6-7分鐘,反轉 .... (更多)
  • 暫時受控制既購買慾

    2009-05-08 | ♥ V女廚房逸事

    最近行街成日見到好多好靚既刀叉set~~~有好幾次好有衝動想買咗佢地返屋企! 不過每次我都好叻,及時臨崖勒馬!!! 一來屋企已經有大把刀叉,而家用緊既根本完全冇問題......  最主要係屋企已有一套只用過幾次既44 pieces Oneida! 依套Oneida 已買咗幾年,不過我平時收埋唔用,只喺請客或有特別日子慶祝時先攞出來用~  但係......大部份朋友來我屋企食飯,多數都會要求我煮中菜!  所以用既機會就更加少嘞~~~ 之但係而家平時粗用果套Ikea,真係令我越睇越唔順眼!   不過當我每次想買新刀叉時,我又會覺得好浪費; but 刀叉又永遠都唔會用得爛,咁咪即係成世都唔洗旨意買新刀叉????  真係好鬼矛盾啊~~~~ 正當我就快忍唔住想買新刀叉時, 我唸到一個拆衷方法 - 就係攞套Oneida .... (更多)
  • Tesco Professional 木刀座

    2009-03-05 | ♥ V女廚房逸事

    最近添置咗6把孖人牌,令廚房刀既數目一下子由10把,激增至16把! 我一向將所有廚刀放喺櫃筒~ 不過孖人牌咁鬼利...一下唔小心的話,我就真係以後都唔洗彈鋼琴嘞~~  (大吉利是!!!),所以決定買個刀座......已經搵咗個幾星期,不過市面上可以買到既木刀座,幾乎全部都係包埋一大咋廚刀既!   終於都比我喺Tesco 搵到個完全合哂我心水要求既木刀座 - 簡單靚仔刀位夠多唔大舊,只賣£9.79~ 不過個刀座都係放唔哂我屋企所有廚刀! 因為除咗果6把新買既孖人牌之外......  早前返香港,喺吉豬島10蚊店見到既日本製小童用廚刀~ 把刀專比小朋友用,所以唔太利 (都利利地架!!!) 我見把刀圓卜卜咁cute,先發手痕買......  用來斬骨既普通廣東菜刀1把;  不鏽鋼日式菜刀1把;  日本廚刀3把(上至下 .... (更多)
  • 花開富貴

    2009-01-30 | ♥ V女廚房逸事

    我個廚房本來種咗幾棵香草...... 有棵迷迭香(Rosemary)種咗2年幾,每次燒牛肉我都會剪少少落來調味 + 煮gravy~ 幾個月前見佢不停落葉,以為佢九C一生......不過我一路冇理佢,照平時咁幾日淋一次水,慢慢又回復正常喎! 後來我又喺廚房整多盤辣椒仔 + 九層塔(Basil)~ 不過盤辣椒仔種到開花冇耐就生芽蟲,好核突~~~  我揼都揼唔切 ; 盤九層塔就種到出花,不過我返香港後返到來就乾哂 ~ 所以而家又打回原形 - 得返盤迷迭香! 上次盤九層塔開咗d白色花,網友們話我知要剪咗d花,因為開咗花既九層塔好快會枯!  早2、3個星期,我見到棵迷迭香有幾處生咗d花蕾,不過我又冇理佢......隔咗1個星期,花蕾開咗d好靚既粉紫色花喎! 今次迷迭香既花比九層塔既花更加靚! 我真係唔捨得剪啊~~~~ 所以我問定對香草有認識既網友,而佢答覆我係 .... (更多)