越南酸肉 Nem Chua
2013-01-09 | ♥ V發乜鬼口痕
我小學時代V媽媽舖頭斜對面有間越南餐廳,
有一種一抽抽吊起,用油甘葉包紥成圓條狀,
外型似迷你粽,打開似豬肉腸既即食小食,
叫做Nem肉 (越南酸肉)~
第一次食到Nem肉既美味,
彈牙豬肉夾雜住爽口豬皮絲......
味道酸酸地,加埋強勁蒜頭 + 魚露既香味........驚為天人!
後來餐廳結業,其他越南餐廳無賣Nem肉,
就無再食過Nem肉......
經此一別大約10年後去加拿大旅行,
喺唐人街一間越南人開既小食店重遇Nem肉,
記得果次搏哂命食返夠本!
不過之後我同Nem肉又再一次分離.......
加拿大之後又隔咗十幾年........
幾年前喺泗和行買過一次依種包裝既Nem肉,
不過味道口感都麻麻地,但總好過無,
可惜可能無乜demand,買過一次後就無再見過...... .... (更多)
社交網