隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V媽媽靚正餸
  • V媽媽靚正餸2010 - 12月15日 + 18日

    2011-01-22 | ♥ V媽媽靚正餸

    同大家闊別年多既V媽媽靚正餸終於返來嘞! 今次我返香港時間雖然長,但其實唔係好合時...... 一,好多我鍾意食既食物都唔啱季節; 二,因為撞正聖誕新年幾個大假期,V媽媽工作比較忙; 三,再加上期間V媽媽唔小心整親條腰骨(而家好返哂嘞! ),所以今次返香港V媽媽比較少煮飯! 雖然煮得唔多,不過一樣令我回味無窮~~~~~~~~   12月14日 是晚老公一個人先行返英國,喺太62太99屋企食完晚飯後,我就同99、老公既叔叔一齊去機場送老公機~ 送完老公機我就搭車返太子V家~ 老公唔喺身邊感覺怪怪, 開始好掛住佢......  好彩返到V家有V媽媽既靚湯安慰 - 鮑魚日月魚煲雞~   12月15日 返V家第二日我急不及待要食V媽媽住家飯...... 鮑魚日月魚煲雞; 火腩芹菜豆卜釀肉; 欖角蒸鯪魚腩; 炒皇帝 .... (更多)
  • V媽媽靚正餸2009 - 4月4日 & 4月5日 (完結篇)

    2009-04-29 | ♥ V媽媽靚正餸

    4月4日 - 鮑魚煲烏雞; 魚露雞翼; 魚香茄子; 豉汁蒸倉魚 & 炒菜心  V媽媽首創既魚露雞翼~ 我一早已學識點整,不過味道始終不及V媽媽既手勢...... 做法可參考 - 魚露雞翼食譜~  V媽媽既魚香茄子,做法同我既版本唔同 - 真真正正真材實料~ 唔用現成魚香醬而用梅香鹹魚! 遲吓我都試下用V媽媽既方法煮,因為真係好食好多!! 至於食譜......等我煮過咗出啦! 暫時粗粗地參考住我個版本先啦 - 魚香茄子食譜~  原來豉汁蒸倉魚可以咁蒸果喎......因為條魚太鬼大條!! (哎吔~ 陳冠希個死人頭喎.....) >>>>>>>>>>>>>>>>>>>>>>>>>>> .... (更多)
  • V媽媽靚正餸2009 - 3月28日

    2009-04-25 | ♥ V媽媽靚正餸

    豬橫脷煲粟米; 豉油皇乳鴿; 炸菜蒸豬潤; 冬菜蒸超迷你撻沙仔 & 炒蕃薯苗  豬橫脷煲粟米~ 又係其中一個我最鍾意飲 + 食既湯,我一次過可以食哂2條豬橫脷!  V媽媽豉油皇乳鴿~ 做法如下 (豉油雞做法相同):  1. 乳鴿 / 雞洗淨抹乾水份; 用豉油雞汁醃約1小時。  2. 燒紅油鑊,將豉油雞汁連乳鴿 / 雞下鑊。  3. 煮至汁滾後,反轉煮另一面。  4. 蓋上鑊蓋焗約20分鐘至乳鴿熟透。(雞可能需時較耐~)  5. 加少許糖調味即成。   炸菜蒸豬潤~   1. 豬潤沖淨血水,抹乾 + 切片; 炸菜洗淨,瀝乾、切片備用。 2. 豬潤片用薑蓉、胡椒粉、生抽、酒、糖、雞粉和生粉醃好。 3. 蒸前將豬潤片加進炸菜片中撈勻,隔水蒸至豬潤熟透即成。 &n .... (更多)
  • V媽媽靚正餸2009 - 3月27日

    2009-04-23 | ♥ V媽媽靚正餸

    鮑魚煲烏雞; 酥炸桶蠔; 蕎菜炒鮮魷; 蒸鹹鮮大眼雞; 蒜頭豆豉炒涼瓜 & 蒸梅香鹹魚  美國桶蠔真係好大隻! 炸出來竟然有我大半隻手掌咁大.......  V媽媽係用依隻美國桶蠔既!   蒸鹹鮮大眼雞 1. 洗淨大眼雞並抹乾水份。 2. 在整條魚內外灑上粗海鹽醃過夜。(喜歡較鹹 + 肉較實的話,可以醃上2晚~) 3. 蒸前用清水沖去多餘鹽份,抹乾後加蒜蓉和薑蓉蒸熟。 4. 灑上蔥花和灒滾油即成。  V媽媽話依種齊尾既大眼雞,魚肉比長尾果種滑好多架!  蕎菜炒鮮魷~ V媽媽界魷魚花界得好靚!!!!  依味又係其中一樣我至愛 - 蒜頭豆豉炒涼瓜~ 不過依味同普通涼瓜炒牛肉既做法,有少少唔同! 一隻涼瓜只要比較外皮既部份,其他部份唔要~ 炒起上來先爽口! &nbs .... (更多)
  • V媽媽靚正餸2009 - 3月24日

    2009-04-22 | ♥ V媽媽靚正餸

    瑤柱鮑魚海參煲烏雞; 蠔汁鮑魚海參; 豉油雞; 蒸紅鱲; 白灼雞腸 & 炒白菜仔  "瑤柱鮑魚海參煲烏雞"係我一返香港,V媽媽會經常煲既靚湯~  煲過湯既鮑魚 + 海參,用蠔油炆返佢,又成為一個我最最鍾意既餸菜! (鮑魚、海參我都鍾意~) 不過海參唔好煲太耐,最多煲一半既時間就要先撈出盛起,如果唔係就會太腍; 鮑魚可以煲耐少少先撈出來炆,咁會快d入味!  V媽媽整既豉油雞又靚仔又滑滑!  原來V媽媽只係用淘大豉油雞汁! 不過秘訣就係(1) 用新鮮劏既活雞; (2) 煮前要先用豉油雞汁醃數小時~  製成品完全似燒臘店既出品!!! (V媽媽豉油雞製作過程,稍後詳見於4月28日 - 豉油皇乳鴿~)  依砵野未必人人敢食......  不過對於我來講,雞腸去清肥油後白灼後加 .... (更多)
  • V媽媽靚正餸2009 - 3月23日

    2009-04-20 | ♥ V媽媽靚正餸

    鹹肉豆腐湯; 乾煎豉油皇大蝦碌; 清蒸紅頸魚 & 炒菜心 是晚我約咗朋友出街食飯,本來同V媽媽講咗話唔返屋企食飯,所以佢就煮少d餸~ 不過V家一向好鬼夜先食飯,我去完街返到屋企時正好剛剛開緊飯......我見到有大蝦碌 + 又有紅頸魚,又想食埋一份!!! 所以我幫手裝飯時,連自己果碗都裝埋...(我係飯人來嘛!!!)  V媽媽: 妳正一衰人來架! 又話唔返來食飯,等我冇煲妳飯!!! V媽媽見我話之前果晚條紅頸魚好正,今餐又買多條! 不過依條冇影相啊......   鹹肉 / 鹹豬骨豆腐湯 1. 五花腩 / 豬骨用大量粗海鹽醃好,放入雪櫃一晚。 2. 將醃好的五花腩 / 豬骨汆水一會,去清血水和多餘鹽份。 3. 燒熱油鑊爆香薑數片和略拍蒜頭數粒。 4. 加入適量清水煮滾,加入五花腩 / 豬骨,用雞精調味。 5. 待湯大滾後轉中小火滾45分 .... (更多)