隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V媽媽靚正餸

  • 大家知唔知我打緊上一篇V媽媽靚正餸2011時有幾咁煎熬?
    望住相裡面既靚餸......一路打字個肚一路咕咕叫~~~~
    原本想停一停先寫吓其他野轉移一下視線,
    但經過我慎重考慮後都係決定"長痛不如短痛"......
    拿拿聲post 埋2餐新年飯!
    Are you guys ready?
    先同大家熱熱身......
    依餐係大年初一V媽媽就我食齋而煮既齋菜~
    裡面有天津白菜、髮菜、珍珠筍、鮮冬菇、草菇、磨菇、豆卜、枝竹、竹笙......
    (係記得咁多料咋! )
    仲有就係好睇唔好食既原隻齋鮑魚...新年嘛~ 食齋都要食鮑魚!!
    (d齋鮑魚個樣好搞笑~~~~ )
    依個齋鮑魚刺身就好好味嘞,味道有九成相似架!
    V家年廿九當晚無煮到團年飯~ 因為......
    ( .... (更多)
  • 單拖回香過新年 - V媽媽靚正餸2011

    2012-02-16 | ♥ V媽媽靚正餸


    一見到份鮑魚飛機餐,就知道又係V媽媽靚正餸既時候嘞!
    我今次返香港時間雖然比較長,不過因為聖誕緊接農曆新年,
    2個大假期舖頭都特別忙,所以V媽媽無咩時間煮飯......
    但除咗之前大家都睇過果餐冬至飯之外,
    V媽媽百忙之中仍然盡量煮咗好多餐讓我大飽口福~
    美中不足既係我大感冒兼調理身體,幾乎飲足個半月中藥!
    飲中藥就緊係要戒口啦 - 連所有煲湯都唔飲得.......
    所以今次V媽媽好少煲靚湯啊......
    2011年12月14日: 雪耳木瓜湯; 乾蔥頭爆雞; 蒸立魚; 香煎曹白鹹魚 + 炒菜心
    返到香港第二晚,我已急不及待"累"V媽媽煮飯!
    當時未開始飲中藥,所以木瓜湯可以照飲~
    平時食鹹魚多數係蒸既,原來煎曹白鹹魚咁香口果喎!
    可惜曹白太多 .... (更多)
  • 單拖回香過新年 - 冬至飯 (2011年12月22日)

    2011-12-24 | ♥ V媽媽靚正餸


    早兩日冬至大家有無煮返餐豐富既做節呢?
     
    我就過咗一個"肚滿腸肥"既冬至嘞!
    是日我先入長洲陪V婆婆做個"午餐冬"!
    兩個人做節幾鬼豐富架!
    陪完V婆婆,再陪V媽媽食豬紅粥腸粉......
    舊年冬至我都喺香港,同V爸爸V媽媽去咗太平館做節 (網誌);
    今年有幸得V媽媽煮九大簋!
    金華火腿蠔汁炆鮑魚
    XO醬炒刺參
    鮮露蝦
    白切雞    
    爆沙魚肚唐芹炒火雞腎 (因為無鮮雞雜賣,所以用急凍火雞腎!)
    髮菜蠔豉炆冬菇
    仲有個粟米煲豬橫脷~
    超滿足!
      .... (更多)
  • V媽媽靚正餸2011 (回英篇) - 1月9日

    2011-02-12 | ♥ V媽媽靚正餸

    自踏入兔年以來我都仲未食過一餐好野! (暫時食得最多竟然既係藥丸! 唉......) 我仲要食2星期消炎藥,睇來食藥依段時間最好都係戒口先~ 早前post 咗3篇"V媽媽靚正餸", 好多網友都留言問我: 今次回英時有無鮑魚食?  緊係有啦! 我來咗英國10幾年,每次返完香港回程時都一定帶鮑魚上飛機食,今次點會例外呢? 既然我仲有一段時間唔食得好野,咁就用依篇"V媽媽靚正餸回英篇"來望梅止渴啦! 木瓜煲雞腳; 白切清遠雞; 清蒸金錢斑; 酥炸美國桶蠔; 豉油皇大蝦; 芹菜蜜糖豆炒鵝肝腸 返親英國都係零晨機,所以可以食埋晚飯先出門口~  英國無雞味濃 + 肉嫩滑既清遠雞食,當然要趁機咬多佢幾啖啦!    V媽媽 + 我都鍾意食魚~ 不過V媽媽鍾意要"損" .... (更多)
  • V媽媽靚正餸2011 - 1月6日

    2011-01-28 | ♥ V媽媽靚正餸

    是晚屋企一家人食飯,V媽媽大顯身 基本上我 + 老公返親香港,V媽媽都會盡量抽一晚時間煮一餐咁既"勁野",一家人食一餐飯! 本來依餐老公都有份既! 好衰唔衰原本打算煮依餐飯果晚,個煤氣爐壞鬼咗要搵人來換!    當時已經係老公留港既水尾,V媽媽一時間arrange 唔到另一晚有時間......老公唯有睇我影既相來想像吓啦! (可憐~~~~) 鮑魚煲老雞; 爆沙魚肚芹菜炒扇貝; 金華火腿蠔汁扣鮑魚; 白切清遠雞; 清蒸金錢斑; 家鄉南乳鴨; 酥炸美國桶蠔; 薑蔥炒蟹; 腰果炒肉丁 唔記得影個湯!  不過連埋個湯,依餐一共有9味餸......  扣鮑魚需時,所以V媽媽前一晚已經要準備定! 鮑魚剛剛扣好時,我已率先穫V媽媽恩賜咗1隻~  金華火腿蠔汁扣鮑魚 - 我最 .... (更多)
  • V媽媽靚正餸2010 - 12月25日, 26日 & 31日

    2011-01-24 | ♥ V媽媽靚正餸

    12月25日 聖誕節當日因為唔想出街同人逼,所以我要求V媽媽煮飯! 豬橫脷煲粟米; 冬瓜芹菜豆卜釀肉; 白切清遠雞; 白灼雞腸 & 香煎潮州馬頭魚 全部都係我鍾意食既餸~~~~~~ 本來仲有炸桶蠔 + 煎廚師腸,不過因為V媽媽買冬瓜 + 豆卜買多咗,所以炸蠔 + 廚師腸入咗雪櫃唔整住!!    唔知大家有無發現一樣野 - 我從來未煮過冬瓜! 其實我本身唔算好鍾意食冬瓜,不過間中都想食吓~ 但依度唔係時時有靚冬瓜賣,而且買親都要買一大舊,加上老公又至憎冬瓜......咁點整呢? 今次返香港我好鍾意V媽媽依味冬瓜芹菜豆卜釀肉,所以叫V媽媽encore 咗一次! (今日喺泗和行咁啱見到有芹菜 + 冬瓜賣,買埋包豆腐卜準備老翻依味餸! )   回正題......  豬橫脷煲粟米 - 每次返香港我都一定會點依 .... (更多)

上一頁

123

下一頁