隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V女廚房小錦囊
  • 竹蒸籠的處理和保養

    2016-06-12 | ♥ V女廚房小錦囊

    竹蒸籠透氣性良好,用來蒸煮食物,散熱慢可保持食物溫度,
    又可以吸收過多水蒸汽,防止倒汗水,
    令包點或點心皮唔會因為吸水而變淋變爛,保持最佳口感~ ^^
    不過新買返來既竹蒸籠,使用前一定要先處理過! 
    否則就會好似我依個咁,突然成個散哂...... =_="
    1. 新買回來的竹蒸籠,先盡量清除所有倒刺。
    2. 放一大盆清水及放入竹蒸籠,上壓重物防止竹蒸籠浮起,浸水12小時,期間換水3 - 4次。
    3. 12小時後,將竹蒸籠放在鑊裡,加水至浸到竹蒸籠的底部,水中下少許生油,蓋上竹蒸籠的蓋蒸30分鐘,會蒸出黃色的水。
    4. 瀝乾水份後,在竹蒸籠內外掃上少許生油,放在通風處徹底吹乾。
    5. 每次用後以熱水清洗乾淨(不要用洗潔精!!),瀝乾 + 放在通風處徹底吹乾。
    .... (更多)
  • 自製紅麴醬(紅糟)

    2015-11-11 | ♥ V女廚房小錦囊

    台灣有一種叫做紅麴醬(或紅糟)既醬料,
    用來煮什麼紅糟肉、紅糟排骨、紅糟雞腿、紅糟炒飯...顏色鮮艷仲好似好好味!
    而且聽講紅麴好有益,一直都好想試吓,可惜從來無見過中超有紅麴醬賣......
    後來發現製作紅糟既材料 + 方法原來好簡單,即刻買齊材料開工~ ^^
    主要材料之一紅麴米喺蘇格蘭既中超並唔常見,但偶然一次比我喺愛丁堡一間小規模超市見到! ^^
    1. 糯米500g 洗淨,以大量清水泡浸過夜。
    2. 在蒸糯米的容器(我用Miele 大gastonorm pan!)先鋪上一塊濕棉布,(1)的糯米瀝乾水份,平均鋪入容器中。
    3. 用另一塊濕棉布蓋在糯米上包好,放入蒸爐(或隔水)蒸30至35分鐘。
    4. 酒餅(即酒麴或白麴)3g 輾碎成粉末備用。
    5. 鋼盆內放入紅麴米65g、(4)的酒餅粉末、米酒300ml 和凍滾水250ml (一定 .... (更多)
  • 浸發水魷方法

    2015-04-04 | ♥ V女廚房小錦囊

    水魷 - 水發魷魚,即係凍肉舖有售...打邊爐地方有供應...或車仔檔咖喱魷魚果d~
    我來咗英國咁多年,縱橫各個city 大小中超亞超...完全無見過水魷!
    不過要喺英國食到水魷係絶對有可能! 因為可以自己浸發~ ^^
    口感爽脆既水魷,其實係用乾魷魚(土魷) + 鹼性液體來浸發既~
    中超買咗包超過40cm 好鬼巨型既乾魷魚! @@
    1. 乾魷魚沖洗一下,放入浸發的容器中。(太大隻就要剪開啊!)
    2. 清水浸過整隻乾魷魚,加入食用梘水1湯匙拌勻一下浸過夜。
    (若魷魚浮起,可在上面壓上個碗,總之魷魚要完全浸在梘水液中~)
    浸發水魷既鹼性物質可以用食用梘水、食用梘粉、食用梳打粉(即Baking Soda / Bicarbonate of Soda)或木炭灰e.g. BBQ後燒烤爐剩低既炭灰~
    原則上係鹼既份量越多,水魷浸發既時間就越短! .... (更多)
  • 減少浪費! 蒜頭、薑和辣椒的存放方法

    2015-03-14 | ♥ V女廚房小錦囊

    唔知大家有無遇過以下情況呢?喺英國超市買蒜頭,有散裝單一個或一pack 幾個,不過散裝蒜頭通常都甩皮甩骨,
    蒜瓣乾爭爭無香味兼十次著咗十一次已經標綠芽,賣相食味俱劣! 
    相反pack 裝蒜頭就圓碌碌實谷谷好飽滿,搣開蒜味十足又多汁,非常新鮮~ 
    所以我一定會買pack 裝蒜頭!
    不過一pack 有3至4個,莫講話一pack,煮一餐都未必用得哂1個,
    蒜頭並想像中咁耐放,室溫就咁擺喺度,慢慢又會變到乾爭爭無香味有綠芽.......
    蒜頭同洋蔥 + 薯仔一樣 - 唔適合放雪櫃~
    我以前會將多餘蒜頭用機打成蒜蓉,浸油放入雪櫃保存,
    但一來要做多重功夫; 二來阻雪櫃空間; 三來食味始終比新鮮剁蒜蓉差;
    四來唔係每個菜式都適合用油浸蒜蓉......實在太多缺點!
    除咗蒜頭之外,薑都係另一個曾經令我好頭痕既問題...... .... (更多)
  • 開箱文: Miele DG6010 獨立式蒸爐

    2014-08-06 | ♥ V女廚房小錦囊

    知道Miele 依個蒸爐已經好耐......
    但之前一直無見過實物,無乜興趣所以無特別留意,
    當時我只係覺得: 用來蒸野...咁既價錢係咪太誇張呀?
    朋友用緊台灣名產大同電鍋讚不絕口! 
    據聞每個台灣煮婦都有一隻大同,
    我知道香港有三腳插頭既大同電鍋賣,
    所以本來打算返香港時抬一隻大同過來~
    殊不知有日我同Mr.T 入去油麻地永安避雨,
    無聊逛逛家電部,見到DG6010 做緊demonstration.......
    睇完之後雖未算驚為天人,不過足以引起我既興趣,
    連Mr.T 都覺得唔錯!
    於是我決定以Miele 取代用咗多年既叮叮微波爐! 
    反正我係微波爐白痴....... =P
    原本我打算將蒸爐放喺舊時叮叮既位置,但放好後竟然有d頂住度門~ >_<
    好彩我廚房有好多個插蘇位 .... (更多)
  • 開箱文: Bella Casa Digital Food Dehydrator

    2014-08-04 | ♥ V女廚房小錦囊

    其實好多年前我已經想買食物風乾機!
    當年依種機仲未好似而家咁流行,
    我喺一個歐洲家電網第一次見,先知道有部咁既機,
    牌子已經唔記得,只記得當時賣得好平,
    大約£25左右,因為平,當時真係打算即買......
    不過因為部機係2腳歐洲插頭,最終無買到!
    加上普通焗爐只要調到最低溫50C,
    都一樣可以風乾食物,於是買風乾機既念頭擱置咗~
    近年開始流行自己風乾食物,風乾機越出越多,
    唔同牌子、價錢、款式、大小、功能......花多眼亂~
    除此之外,另一樣令我買風乾機念頭重生 - 就係我d鼠鼠嘞!
    唔係話可以用焗爐來風乾咩? 無錯~ 係可以用焗爐,不過......
    - 普通焗爐最低溫只有50C; 而風乾機就最低35C到最高70C;
    - 太高溫風乾食物,會破壞食物酵素 + 營養,風乾機以低溫風乾食物,令食物水份慢慢蒸發,可保 .... (更多)

上一頁

1234567

下一頁