隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼綿綿麵包
  • 外脆內軟~ 最終成功"日本麵包2號"!

    2009-07-31 | ♥ V乜鬼綿綿麵包

    尋日(7月30日)跟住卡通片"日式麵包王"用電飯煲焗咗個"日本麵包2號",不過外表 + 質感都唔多似樣...... 今朝起身入廚房篤吓尋日既2號,佢已經全身冰冷僵直,外硬內靭!!! 知衰自己尋日偷懶搓粉搓得好求其; 加上唔清楚焗既方法 + 時間......  所以搞到個包包外面凹凹凸凸好肉酸......  搓粉糰搓得唔均勻,影響埋發酵都發得唔好~ 裡面唔夠幼細又唔夠柔軟! 好彩網友Samwei 比咗另一位網友Toby 既link 我睇,於是今日我就參考咗依位網友所焗既時間,成功地焗出一個外脆內軟既"日本麵包2號"!  由於我個飯煲內膽懶有型,所以成品外型亦有少少畸形......  不過今次麵包裡面既組織細密柔軟得多....... 大家睇吓個包軟綿綿到禁扁咗 .... (更多)
  • 尋日我收爐一天冇搓包......老公一放工返來即時直入廚房,跟住行返出來一臉失望地問我: Hon~ 今日冇麵包既??? 哈哈~~~~ 睇來老公真係好鍾意食我整既麵包!!  於是今日一次過整2個唔同既麵包比佢歎 - 牛油排包 & "日本麵包2號"! 上次整既牛油排包,有網友指出覺得個皮太燶~ 雖然第二朝麵包裡面仍然好軟熟,不過我都覺得個皮真係好乾! 今日我再整排包時,就唸辦法改善~~~~ 我一直都懷疑自己個焗爐太熱 - 我照住麵包書既食譜用200C焗10-15分鐘,不過焗10分鐘已經好乾好深色! 所以今次我改用180C焗15分鐘......  出來效果果然好過之前果次好多,皮金黃得來又軟又薄! 今次既排包除咗搞掂咗乾燶皮既問題之外,質感方面同樣進步咗好多! 因為我今次又用咗新麵粉......  今次排包發酵發得好好,每排 .... (更多)
  • 牛油排包

    2009-07-30 | ♥ V乜鬼綿綿麵包

    我好鍾意食充滿牛油香又軟熟既排包~  今日第一次學整,結果好成功!  以後唔洗等到返香港先有得食嘞!!!! (今次既食譜係來自我另一本麵包書 - 專業麵包甜品製作 by 周健文 & 蘇少珊~) 8片牛油排包....... 1. 高筋麵粉225g, 砂糖60g, 牛油45g, 暖牛奶110g (約120ml), 蛋1/2隻, 吉士粉7g, 酵母4g; 將所有材料在盆中混合拌勻成麵糰,將麵糰搓揉至麵糰光滑,有彈性而不黏手為準。 2. 將麵糰放在塗油大碗中,蓋上保鮮紙進行發酵。 3. 直至麵糰發酵至約3倍大小。 4. 將麵糰分成8等份(最好用磅量度!),蓋上保鮮紙鬆弛15分鐘。 5. 壓扁麵糰,並將麵糰由外向內捲。 6. 捲至尾部,將尾部的麵糰拉爛,繼續捲至收口。 7. 將麵糰收口位向下,排好造型放在己塗油的焗盆上,再蓋上保鮮紙進行第二 .... (更多)
  • 自製午餐肉包

    2009-07-25 | ♥ V乜鬼綿綿麵包

    食譜來源 - "香港麵包" (邱勇靈編著) 做8個午餐肉包...... 1. 高筋麵粉224g, 砂糖56g, 即用酵母4g, 麵包改良劑2g, 牛油或豬油20g, 暖水95ml, 牛奶2湯匙, 蛋1/2隻, 蛋黃色食用色素少許 (optional~ 所以我冇用!)。將所有材料在盆中混合拌勻。 2. 將麵糰放在撒粉的平面上搓揉。 3. 將麵糰搓揉至麵糰光滑,有彈性而不黏手為準。 4. 將麵糰放在塗油大碗中,蓋上保鮮紙先發酵30分鐘; 取出摺拍數下放氣,再發酵30分鐘。 5. 將(4)已發酵完成的甜麵糰分成8等份(最好用磅量度!); 並將午餐肉切好備用。 6. 將每份麵糰壓成圓片,放一塊午餐肉在上面。 7. 將麵糰包住午餐肉。 8. 將造好型的包封口向下放在已塗油的焗盆上,再放入沒開火的焗爐內或蓋上保鮮紙發酵30分鐘。  9. 在 .... (更多)
  • 自製腸仔包

    2009-07-24 | ♥ V乜鬼綿綿麵包

     今次既腸仔包都係跟我本麵包天書 - "香港麵包"(邱勇靈編著)做既! 做8個腸仔包...... 1. 高筋麵粉224g, 砂糖56g, 即用酵母4g, 麵包改良劑2g, 牛油或豬油20g, 暖水95ml, 牛奶2湯匙, 蛋1/2隻, 蛋黃色食用色素少許 (optional~ 所以我冇用!)。將所有材料在盆中混合拌勻。 2. 將麵糰放在撒粉的平面上搓揉。 3. 將麵糰搓揉至麵糰光滑,有彈性而不黏手為準。 4. 將麵糰放在塗油大碗中,蓋上保鮮紙先發酵30分鐘; 取出摺拍數下放氣,再發酵30分鐘。 5. 將(4)已發酵完成的甜麵糰分成8等份(最好用磅量度!)。  6. 將每份麵糰搓成兩頭較幼細的長條形。  7. 將長條形麵糰捲在腸仔上。  8. 將造好型的腸仔包放在已塗油的焗盆上,再放入沒開火的焗爐內或蓋上 .... (更多)
  • 自製菠蘿包

    2009-07-22 | ♥ V乜鬼綿綿麵包

     今次用咗返香港時買既麵包書 - "香港麵包" (邱勇靈編著)裡面既菠蘿包食譜~ 不過書裡面既食譜份量太多,所以我將材料全部減半; 而且我並冇跟足食譜所有材料 + 做法,材料、做法 + 時間我都自己作出過更改! 做8個菠蘿包...... 甜麵包部份: 1. 高筋麵粉224g, 砂糖56g, 即用酵母4g, 麵包改良劑2g, 牛油或豬油20g, 暖水95ml, 牛奶2湯匙, 奶粉1湯匙, 蛋1/2隻, 蛋黃色食用色素少許 (optional~ 所以我冇用!)。將所有材料在盆中混合拌勻。 2. 將麵糰放在撒粉的平面上搓揉。 3. 將麵糰搓揉至麵糰光滑,有彈性而不黏手為準。 4. 將麵糰放在塗油大碗中,蓋上保鮮紙先發酵30分鐘; 取出摺拍數下放氣,再發酵30分鐘。  麵包改良劑 - 作用可令麵包更柔軟; 唔用麵包改良劑的話,可用湯種 .... (更多)