隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼點心小食
  • 炸魚皮

    2010-11-06 | ♥ V乜鬼點心小食

      邊檔炸魚皮咁細碟得果幾塊咁搵笨? 之唔係V記囉! 尋日喺Asda 買咗2塊special offer haddock fillet 整西蘭花炒魚柳,不過依隻haddock fillet 仲未去魚皮...... 第一次起魚皮,原來一d難度都無果喎!  見2塊魚皮咁大塊...... 於是我忽發奇想 - 不如試吓自己整炸魚皮啦!!!! 真正魚蛋粉檔既炸魚皮係用打魚蛋既門鱔皮~ 雖然我依2塊唔係門鱔皮,反正都係實驗性質啫,一試無妨吖!   1. 魚皮去清魚鱗和刮乾淨殘留的魚肉,洗淨魚皮後抹乾。 2. 將魚皮切小塊。 3. 用胡椒粉、糖和鹽各少許撈勻略醃。 4. 魚皮拍上一層薄薄粟粉。 5. 燒熱油將魚皮炸至金黃脆身撈起,放在廚房紙上吸去多餘油份即成。 製成品經過Mr.T 矇眼親身測試! Mr.T 放工一入門口...... .... (更多)
  • 西多士

    2010-10-19 | ♥ V乜鬼點心小食

    我係從來都唔食西多士既~  不過Mr.T 就好鍾意食! 因為我懶搓方包但又想食,所以上星期我好勇買咗包Hovis Soft White Extra Thick Doorstep,食剩3塊尋晚用來整西多士比Mr.T 食......  依包方包方就係方嘞,不過係長方唔係正方...... 1. 厚方包去皮。  2. 雞蛋打發拌入牛奶拌勻。 P.S. 每塊方包用1隻雞蛋; 每隻雞蛋加入1 1/2湯匙牛奶~  3. 方包放入牛奶蛋液中浸透。  4. 燒熱油鑊,放入方包半煎炸至兩面金黃。  5. 盛起放上牛油和淋上糖漿即成。 (咦~~~~~~~~~~~~~~~ d牛油本來用butter curler 捲得好靚架!  轉個頭攞相機影相就溶鬼哂........)      & .... (更多)
  • 鹹豆漿 (附自製豆漿做法)

    2010-04-23 | ♥ V乜鬼點心小食

    1. 原味豆漿適量 - 自製香濃豆漿click here~ 2. 榨菜切碎,加少許糖炒香備用。 3. 蝦皮白鑊烘香後盛起; 油條切小塊備用。  蝦皮 4. 碗中放入2湯匙炒香了的榨菜粒和蝦皮、白醋1茶匙、麻油1/4茶匙、生抽和糖各少許。 5. 煮滾豆漿,將豆漿沖入碗中,加入油條和灑上蔥花即成。       .... (更多)
  • T家復活蛋 - 茶葉蛋

    2010-04-04 | ♥ V乜鬼點心小食

    我唔好朱古力~ 所以復活節從來都唔買復活蛋! 不過今個復活節都想應吓節......所以整煲茶葉蛋啦~~~  又係懶鬼做法 - 用依隻台灣茶葉蛋滷包!  依隻茶葉蛋滷包裡面包括香料包 + 烏龍茶葉包~ 包裝盒後面有埋做法指示~ 不過我除咗照指示加生抽之外,再自行加埋老抽 + 幾粒冰糖...... 1. 凍水落蛋,加香料包 + 烏龍茶葉包 + 調味料煲滾,轉小火先煲20分鐘。 2. 將蛋撈出輕輕敲裂蛋殼,放回滷汁中小火煲1小時後熄火。 3. 讓蛋繼續在滷汁中浸至入味即成。  一路煲緊都好鬼香~~~~~ 激似喺台灣便利店聞到既茶葉蛋香味! 煮好後我忍唔住只浸咗30分鐘左右......不過已經好鬼香好鬼入味啊!!! 實在太好食嘞!!! 一口氣食咗5隻~  特別鳴謝小雞三兄弟客串做model!  & .... (更多)
  • 熱香餅

    2010-03-20 | ♥ V乜鬼點心小食

    今日晏晝突然好想食麥麥熱香餅!!!! 熱香餅只得早餐時段有得賣,唯有自己整啦......  1. 雞蛋1隻和砂糖30g用打蛋器打勻。  2. 再加入牛奶200ml打勻。  3. 牛油28g用熱水坐溶或用微波爐叮約15秒至溶,加入牛奶蛋液內拌勻。 4. 自發粉(self rising flour)150g和泡打粉(baking powder)1/3茶匙,篩勻加入牛奶蛋液內打勻至順滑無粉粒。  5. 燒熱平底鑊後轉中小火,加入2湯匙粉漿; 見粉漿起小泡後,拿起鑊離火約10秒。  6. 將熱香餅反轉煎約15至20秒即可上碟。 P.S. 因為我用non stick 易潔鑊,所以我無用油去煎餅~ 7. 配上牛油和糖漿 / 蜜糖同食。(我鍾意用maple syrup! )       .... (更多)
  • 酸辣無骨鳳爪 (冷盆)

    2010-03-17 | ♥ V乜鬼點心小食

    唔敢叫佢做"泰式" - 因為我用既係越南魚露...  1. 急凍鳳爪(全生果隻)解凍後洗淨瀝乾。  2. 燒滾一鍋水,加入紹興酒2湯匙和薑2片,放入鳳爪後再煮滾後,轉中大火煲15至20分鐘至鳳爪熟。  3. 取出鳳爪放入冰水中,或用經過濾的自來水啤水至油清及全涼。  4. 將鳳爪瀝至全乾及蓋好,放入雪櫃普通格約1小時雪凍。 5. 取出鳳爪剪去指甲,用剪刀剪開連著鳳爪腳趾的筋,將骨頭取出。 6. 每隻鳳爪切半; 細洋蔥和紅蘿蔔切絲,加入鳳爪內拌勻。 7. 汁料: 魚露、青檸汁、白米醋、蒜蓉、紅辣椒絲、糖和清水拌勻後試味。  因為我懶 - 所以我用依隻越南春卷魚露來代替汁料! (不過我仍然有加青檸汁 + 另加辣椒絲~ )  反正依枝野既材料都係果咋野~ why not?   .... (更多)