隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼點心小食
  • Creamy Vegetable Filo Cups 芝士忌廉蔬菜千層杯

    2013-01-03 | ♥ V乜鬼點心小食


    1. 預熱焗爐200C。
    2. 紅洋蔥切大塊; 啡蘑菇切粗絲; 露筍下半段切粒,上半段(約5cm)留用。
    3. 燒溶牛油爆香蒜蓉,下蔬菜炒勻,以海鹽和黑胡椒調味後盛起備用。
    4. Filo sheets 裁成約10cm 的正方形,掃上少許牛油溶液,將另一塊filo sheet 打斜叠在上面成星形,重覆以上步驟再叠一張(共3張!)
    5. 將叠好的filo sheets 放入muffin tin (如圖)。
    6. 放入(2)炒過的蔬菜。
    7. 芝士忌廉汁: double cream 200ml、英式芥醬1茶匙和檸檬汁1/2個拌勻煮滾; 熄火後加入刨碎cheddar cheese 適量拌至芝士完全溶化至汁稠,再加入新鮮切碎parsley 拌勻,以海鹽和黑胡椒調味。
    8. 加入芝士忌廉汁,放入焗爐8至10分鐘至金黃色即成。 .... (更多)
  • 印度 - Spiced Onions (印式香辣洋蔥)

    2012-07-19 | ♥ V乜鬼點心小食


    Spiced Onions 用來配poppadoms (印式薄脆片)同食作為前菜~
    做法非常簡單快手......
    1. 細洋蔥1個切細丁,放入大碗中。
    2. 先下海鹽1/4茶匙和Paprika 辣椒粉1/2茶匙,和洋蔥丁一同拌勻。
    3. 蕃茄醬3湯匙、Mango Chutney 1湯匙、薄荷醬1/2湯匙、新鮮切碎莞荽、糖和凍開水各少許,加入洋蔥丁內拌勻。
    Mango Chutney 印式甜酸醃芒果醬
    薄荷醬 Mint Sauce
    4. 用保鮮紙包好,放入雪櫃最少30分鐘至入味,食時配上poppadoms 即成。
    生洋蔥既刺口辛辣,被香甜微酸既調味料略略中和後,
    配埋脆卜卜既poppadoms,不禁食完一塊又一塊......
    眨吓眼一大碟poppadoms 已經食鬼哂!
    相當開胃既前菜小食~ ♥
    .... (更多)
  • Gressingham Duck Sausages with Apple & Honey

    2012-06-24 | ♥ V乜鬼點心小食


    上次第一次整咗4隻法式油封鴨腿,
    食哂後想再整,但足足3個月都見唔到超市有鴨肶賣!
    取而代之係依隻以前從未見過既蘋果蜜糖鴨肉香腸~
    買咗一pack 來試吓,
    一打開packing,一陣好香既蜜糖味即時攻出來!
    我先用grill pan 中火sear 咗香腸,
    再放入焗爐烤至熟~
    鴨肉腸一路焗緊,一路聞到強勁香味,
    攪到我流哂口水!!!!! 
    配上粉藍雞蛋 + 薯仔意大利沙律 - the way I like it~ ♥
    除咗香港既紅腸 + 廚師腸之外,
    我一向對洋人香腸非常麻麻!
    不過依隻鴨肉香腸......
    好好好好味呀!!!!!!!!!!!!!!!!!!!!!!!!!!!!
    Juicy、香甜,食完真正齒頰留香,
    剛吞咗一啖,會即時想食多一啖......
    對我來講最 .... (更多)
  • 自製香滑腸粉(改良版)

    2012-05-18 | ♥ V乜鬼點心小食


    之前都整過豬腸粉,不過當時懶傳統地用腸粉布來蒸......(網誌)
    今次用咗個簡單好多,快手好多,又容易清洗好多既方法 - 玻璃盆!
    1. 粘米粉200ml、木薯粉2湯匙、生油1茶匙、鹽半茶匙和清水600ml 拌勻。
    (P.S. 無錯粘米粉係200ml! 粘米粉 + 水比例為1:3~)
    2. 長方形玻璃盆掃上一層生油,倒入粉漿至剛剛鋪滿玻璃盆底部。
    3. 隔水大火蒸3分鐘,趁熱用矽膠刮將粉皮捲起成長條。
    4. 豬腸粉豉油: 滴珠油、生抽、糖和清水拌勻試味。
    5. 豬腸粉切段上碟,淋上豬腸粉豉油,灑上少許白芝麻,再淋上芝麻醬和辣椒醬即成。(P.S. 我唔食甜醬既! )
    .... (更多)
  • 蠔皇鮮竹卷

    2012-05-18 | ♥ V乜鬼點心小食


    1. 冬菇浸軟後搾乾水,切粒備用。
    2. 半肥瘦豬肉、新鮮蝦仁和新鮮莞荽放入食物處理器,加入少許清水打至幼滑。
    3. 將(2)放入大碗中,加入冬菇粒拌勻。
    4. 用胡椒粉、糖、雞粉,紹興酒和麻油調味拌勻成餡料。
    5. 用軟身腐皮將餡料包成長條狀,腐皮收口放底。
    6. 燒熱油鑊,以中小火將腐皮卷煎至兩面金黃盛起。
    7. 蠔油芡汁: 蠔油3湯匙、清水4湯匙、糖1茶匙、雞粉和麻油各少許拌勻試味,再加入粟粉1茶匙拌勻煮滾至稠即成。
    8. 將(6)已煎好的腐皮卷排在蒸碟上,淋上(7)之蠔油芡汁,隔水大火蒸5分鐘即成。
    軟身腐皮~
    .... (更多)
  • T家復活蛋 - 玫瑰茶燻蛋

    2011-04-23 | ♥ V乜鬼點心小食

    之前講過因為我唔嗜甜,唔鍾意食朱古力...... 所以舊年復活節整咗茶葉蛋當復活蛋來應節~ 今年復活節我就整咗燻蛋! (剝殼剝到火都來埋!! ) 本來想買鴨蛋來整,點知去到超市又賣鬼哂! 買唔到鴨蛋,唯有用返雞蛋來整啦......   1. Free range 雞蛋4隻,凍水下蛋,開蓋煮至水大滾,繼續大滾2分鐘後熄火。 2. 蛋即時沖凍水,再浸凍水15分鐘後剝殼。 (用湯匙輕輕敲碎蛋殼無咁易剝花蛋白架! )  3. 滴珠油2湯匙加少許糖和清水拌勻。 (可用老抽代替滴珠油,不過滴珠油比老抽更易上色~ ) 4. 將剝好殼的糖心蛋沾滿(3)之滴珠油,用廚房紙吸去多餘的滴珠油。  5. 鍋中鋪上鍚紙,在鍚紙上放入白米、紅茶包2個(倒出茶葉)、玫瑰花乾和紅糖略略撈勻。 6. 上鍋蓋開火焗至出煙。(依個時候會聞到好香玫瑰香 .... (更多)