隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼粥粉麵飯
  • 日本 - 照燒雞扒蒜香豬骨湯底拉麵

    2013-07-04 | ♥ V乜鬼粥粉麵飯


    心血來潮想整..........
    即時走去買咗3條豬筒骨返來熬豬骨湯!
    1. 豬筒骨3條(約1kg~ 叫肉檔劈半!),汆水5分鐘。
    2. 取出沖洗乾淨。
    3. 蔥1條切段; 珍寶蒜頭3個搣開(不用去皮!)
    4. 粟米4條斬半; 細洋蔥2個去皮一開四(唔記得影!)
    5. 大鍋中煲滾清水約1.8L,先放入豬骨,後放入其他材料,再加入4片薑(厚切!)
    6. 煲至回大滾後,撇去浮面雜質,蓋上蓋轉小火煲6小時。
    7. 撈起渣滓,用密隔過濾2次,盛起雪白豬骨湯。
    8. 將熬好的豬骨湯盛起,待涼後以保鮮紙封好放入雪櫃,待油份凝結浮起,用湯匙除去油塊,以白胡椒粉和海鹽調味,即成豬骨濃湯。
    我碗拉麵大解構!
    抱歉我從來都唔鍾意食日式叉燒!
    (叉燒,還是中式的好! )
    所以我選擇整自己鍾意食既照燒雞扒~
    9. .... (更多)
  • 梅菜紅蘿蔔刀豆炒飯

    2013-05-25 | ♥ V乜鬼粥粉麵飯


    又香又甜熱辣辣既全素炒飯~
    1. 甜梅菜適量,攤開菜葉沖去沙粒和多餘鹽粒,搾乾水切碎備用。
    2. 紅蘿蔔和刀豆適量切小丁備用。
    我用依種已預先切成條狀既Cut Beans,
    Google譯做刀豆,正確名稱就唔知........
    不過由於齋菜唔可以用蔥花,
    所以依個食譜刀豆既主要作用只係加點點綠令賣相靚d!
    唔用刀豆或用其實綠色蔬菜代替均可~
    3. 燒熱白鑊,(1)的梅菜下鑊,下少許糖和麻油炒勻炒香,盛起備用。
    4. 下油燒熱鑊,先爆香薑米,加入(2)的紅蘿蔔和刀豆丁炒勻。
    5. 下一同冷飯炒散兜勻,下糖和生抽調味。
    6. (3)的梅菜回鑊炒勻即成。
    .... (更多)
  • 齋粥

    2013-05-18 | ♥ V乜鬼粥粉麵飯


    1. 冬菇、木耳、竹笙、金菇乾浸軟後搾乾水,切絲備用。
    2. 金針浸軟後搾乾水,摘去硬的部份,打結備用。
    3. 露筍切粒; 紅蘿蔔刨絲備用。
    4. 松子白鑊烘香至金黃備用。
    5. 煮一鍋白粥。(白粥煮法和快速煲粥法link~)
    6. 燒熱油鑊,先下(1)和(2)炒軟,再下(3),用少許胡椒粉、糖、香菇調味粉和麻油調味炒至熟,盛起備用。
    7. 煮滾(5)的白粥,碗中先放入適量(6)的齋菜料,盛入滾白粥撈勻,加入少許烘香松子即成。
    .... (更多)
  • 雜菌素蠔油炒蕎麥麵 (自製蕎麥麵)

    2013-05-18 | ♥ V乜鬼粥粉麵飯


    1. 八割蕎麥麵做法click here~
    2. 煮滾一大鍋水,放入做好的蕎麥麵,用筷子發開麵條,待水蝦眼滾撈起麵,過冷河備用。
    3. 鮮雜菌(我用鮮冬菇、蠔菇 + 本菇!)用微濕廚房紙抹乾淨,貼塊備用。(唔需要切太碎!)
    4. 燒熱油鑊,下(3)炒一會,下少許胡椒粉、糖和香菇調味粉調味。
    5. 加入(2)的蕎麥麵,下適量素蠔油和少許清水兜勻。
    6. 待麵炒至乾身,灑上少許麻油略略兜勻,上碟即成。
    .... (更多)
  • 松子車厘茄黑橄欖意粉

    2013-05-18 | ♥ V乜鬼粥粉麵飯


    依個意粉其實係齋版"妓女意粉",
    不過將anchovies既鹹香,換成松子既酥脆nutty,
    一樣好好味啊!
    1. 意粉煮熟,瀝乾及過冷河備用。
    2. 車厘茄洗淨,瀝乾切半; 罐頭片裝水浸黑橄欖瀝乾水備用。
    3. 酸豆 (Capers)用水略沖,瀝乾切碎備用。
    4. 松子白鑊烘香變金黃,盛起備用。
    5. 鑊中燒熱橄欖油,下黑橄欖、酸豆和車厘茄炒香炒腍,下少許Cayenne Pepper 辣椒粉兜勻煮數分鐘。
    6. 加入煮好之意粉炒勻熄火,下(4)的松子兜勻上碟即成。
    .... (更多)

  • 1. 鱈魚柳洗淨抹乾,切成小丁,用少許胡椒粉和海鹽撈勻備用。
    2. 煮熟意粉,瀝乾水備用。
    今次用既係新鮮homemade闊麵,煮既時間同乾意粉大不同 - 水大滾下新鮮意粉,待水再大滾後開始計時煮1-3分鐘即可。
    3. 燒熱橄欖油,下蒜蓉炒香,再下鱈魚塊和乾辣椒碎炒勻一會。
    (唔洗怕鱈魚會碎而就住就住,依個意粉d鱈魚係suppose to be 碎既!)
    4. 下白酒至鑊中材料約一半煮滾,煮至酒精蒸發掉。
    5. 下(2)煮好的意粉兜勻後調味。
    6. 熄火後灑上檸檬汁和少許橄欖油略拌後上碟,灑上少許新鮮切碎parsley即成。
    手工香草剪影闊麵做法click here~
    .... (更多)