隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼節日食譜
  • 阿V奔月

    2012-09-20 | ♥ V乜鬼節日食譜


    一年容易又中秋~
    話咁快仲有唔夠半個月又到月餅節嘞!
    眼見好多朋友9月頭甚至8月尾已紛紛開始焗月餅,
    但我完全無汲取往年既教訓,
    如往年一樣懶鬼上身拖得一日又一日......
    加上今年6299返咗香港整少份我就更加懶~
    上星期尾終於頂唔順自己咁軟皮蛇,
    摷定d月餅模出來警剔自己真係要開工嘞!!!!
    第一水只整咗手10隻單黃蓮蓉月,
    依盒4隻送比朋友; 另外6隻未到中秋已經比我 + Mr.T食鬼哂!
    整緊月餅時忽發奇想......
    叫Mr.T幫我畫張"阿V奔月"圖來贈贈慶~
    真係不得不讚吓自己老公!
    我咁遲落order,佢畫吓停吓食吓零食hea 吓......
    都可以一晚就完成依幅令我滿意到尖叫既圖!! 大愛呢~ ♥
    一早約咗朋友第二日攞月餅比佢,
    見幅圖反 .... (更多)
  • 早來的復活節快樂! (附食譜做法)

    2012-04-01 | ♥ V乜鬼節日食譜


    我知道係早咗成個禮拜,
    不過我下星期可能無時間整蛋糕,
    就算有時間整,整完未必有時間準時出post......
    不過我又好想整依個蛋糕喎!
    咁不如早d整啦~
    早一星期咪一星期囉,
    而且Mr.T 今個weekend 返來又有得食,
    早,永遠都好過遲!
    因為我唔鍾意食朱古力,
    所以唔鍾意食傳統復活蛋~
    過去2年復活節我分別整咗茶葉蛋 + 茶燻蛋來應節,
    不過Mr.T 話太血腥!
    今年唔整蛋,改整溫馨feel 蛋糕啦~ ♥
    整依隻蛋糕好快搞掂,
    因為佢好鬼細隻,非常迷你......
    咁細隻我今次唔玩唧花嘞,唔洗唧花自然快手好多啦!
    其實依個迷你復活節蛋糕同我平時做既忌廉蛋糕做法一樣,
    不過因為蛋糕模細材料份量少咗,
    為方便自己 + 方便大家,
    依篇記一記低材料減少後既份量, .... (更多)
  • 私家月餅 (2011年9月2日)

    2011-09-03 | ♥ V乜鬼節日食譜

     早幾日收到訂造既私家月餅模......  今日終於開光,整咗12個月餅!  "詹"既係單黃紅豆沙月;  "李"既就係單黃蓮蓉月~ 效果唔錯,印得好清楚! 我好滿意啊~  不過唔小心整爛咗1隻"李"......  出爐後要等回油......  依盒送比V爸爸V媽媽~ 不過要唸唸點先可以固定位置呢?    廣式月餅食譜click here~     .... (更多)
  • 1. 髮菜浸發搾乾水; 蠔豉浸軟瀝乾,保留浸蠔豉水備用。 2. 浸發海參切塊。(浸發海參方法click here~)  3. 鍋中加清水,放入薑片、蔥段和紹興酒一同煲滾,將海參放入汆水5分鐘後瀝乾備用。  4. 車輪鮑1罐切片,保留鮑魚湯汁。(當然可以用其他牌子既罐頭鮑魚代替啦! ) 5. 鍋中燒熱油爆香薑片和蒜子,下海參和蠔豉爆炒一會後灒紹酒,再下糖調味兜勻。  6. 下鮑魚汁兜勻,加罐頭鮑魚湯汁和浸蠔豉水適量至剛蓋過海參和蠔豉,煮滾蓋蓋轉小火炆20至30分鐘。(如無鮑魚汁,可用蠔油來代替! ) 7. 加入車輪鮑片和髮菜完全兜勻煮滾,再炆15至20分鐘。 8. 勾粟粉水芡後上碟即成。
    .... (更多)
  • 1. 髮菜浸發搾乾水; 蠔豉和冬菇浸軟備用。 2. 豬手斬件,和豬脷1條汆水5分鐘,豬脷用刀刮去厚皮,洗淨備用。 3. 蓮藕洗淨批皮切件。 4. 水大滾後先放入豬手和豬脷,再放入其他材料,加入果皮1塊和紅棗數粒煲至再大滾,轉慢火煲3小時,用鹽調味即成。
    .... (更多)

  • 下星期就係中秋節嘞!
    一早買咗模打算今年試吓整月餅,
    但成個星期硬係唔願開工,係要走去搞第二d野......
    今日返去6299度食飯,
    尋晚先臨急抱佛腳喺廚房搞咗幾粒鐘!
    第一次整月餅小試牛刀!
    少少地整咗75克單黃蓮蓉月 + 63克半黃豆沙月各4個......
    1. 模具:
     75克方型模 (單黃蓮蓉月)
    63克圓型模 (半黃豆沙月)
    2. 鹹蛋6隻打開,取出蛋黃; 鹹蛋黃灑上玫瑰露酒醃一會洗清蛋白。
    3. 餅皮:
    (a) 金獅糖漿90g、花生油32g和梘水1.5g拌勻;
    (b) 篩入低筋麵粉140g,用矽膠刮略略拌勻後,輕手搓成光滑粉糰;
    (c) 用保鮮紙包好,放入雪櫃雪1小時即成月餅皮。
    金獅糖漿
    梘水
    4. 預備蓮蓉和紅豆沙。
    5. 蓮蓉或豆沙包住鹹蛋黃 .... (更多)