隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼亞洲特色
  • 日本 - 自製滑滑烏冬

    2009-11-30 | ♥ V乜鬼亞洲特色

    老公出咗trip,得我自己一個人食晚餐......手痕試吓整烏冬!  做法參考日清網站~ 原食譜本係用低筋麵粉,但由於低筋麵粉對我來講太珍貴......  所以我改用"00"中筋麵粉~  一樣整到滑滑 + 煙韌既烏冬架!   1. 先將海鹽15g加入145ml 暖水拌勻。 2. 中筋麵粉300g 在大碗內篩好。 3. 將暖鹽水慢慢平均加入麵粉中,搓成光滑麵糰。 P.S. 一定要有耐性!  因為剛開始搓時麵糰會稍乾,但一路搓揉既過程當中,麵糰會開始吸水~ 要搓至如BB仔皮膚般光滑既麵糰!  4. 將麵糰用保鮮紙封好 (亦可用密封的三文治袋!),再蓋上濕布靜置30分鐘至1小時。  5. 用手指按在麵糰上測試 - 若手指印不回彈,即代表(4)之靜置過程完成。  6. .... (更多)
  • 日本 - 日式咖喱漢堡扒

    2009-11-24 | ♥ V乜鬼亞洲特色

    1. 免治牛肉用胡椒粉、糖、生抽、磨碎黑胡椒醃好。 2. 加入適量切碎洋蔥拌勻; 再加入雞蛋和麵包糠拌勻成泥狀後,搓成漢堡扒。 3. 洋蔥切碎; 紅蘿蔔和西蘭花切塊備用。(另可加入薯仔塊!) 4. 燒熱油鑊將漢堡扒煎熟,盛起備用。 5. 再燒熱油鑊爆香洋蔥、紅蘿蔔和西蘭花。 6. 加入清水620ml煮至滾,轉小火煮至紅蘿蔔開始腍。 7. 加入弄碎日式咖喱磚1盒,煮滾拌勻至咖喱磚完全熔化,加入漢堡扒再滾一會讓漢堡扒和蔬菜入味即成。 P.S. 我見網上有人話日式咖喱磚要熄火後才加入,如果唔係咖喱汁唔會稠......  不過我用依隻牌子既咖喱磚並唔需要熄火後先加入! 而且咖喱汁一樣濃稠惹味~~~   .... (更多)
  • 日本 - 燒鳥 (Yakitori)

    2009-06-18 | ♥ V乜鬼亞洲特色

    "燒鳥" - 日式雞肉串燒~ 1. 雞上脾肉切成塊; 蔥近蔥白部份切成段。  2. 用竹籤將雞肉和蔥段梅花間竹地串起。(我手痕串多1串雞皮! ) 3. 汁料: 糖2湯匙、味醂4湯匙、清酒4湯匙和日本醬油100ml拌勻。 4. 白鑊燒熱grill pan,用掃在串燒上掃上少許油。 5. 將串燒燒至2面微焦取出排好上碟。 6. 用另一鍋將(3)之汁料煮滾至汁稠,淋在串燒上即可。 P.S. 串燒雞皮 - 掃上少許油後,灑上少許鹽,燒至雞皮香脆即成。  汁料可用市面上現成Yakitori 燒汁煮滾代替~     .... (更多)
  • 日本 - 牛丼 (Gyu-don)

    2009-06-18 | ♥ V乜鬼亞洲特色

    "牛丼" - 日式牛肉蓋飯~ 1. 預備火鍋用肥牛片1盒(約300g); 洋蔥1個切粗絲備用。 2. 汁料: 柴魚味素1茶匙、日本醬油3湯匙、味醂2湯匙、糖2湯匙和清酒1湯匙拌勻。. 3. 燒熱油鑊爆香洋蔥絲後,下火鍋肥牛片炒勻至洋蔥絲變軟。 4. 加入清水1杯,再加入(2)之汁料拌勻煮滾,滾至牛肉全熟。 5. 盛好白飯(一定要用日本珍珠米喎!),將煮好的洋蔥牛肉連適量汁料淋在白飯上。 6. 灑上少許日本七味粉即成。 NOTE  可加一隻日本雞蛋(生食用)在熱飯上面拌勻同食~ (我買唔到生食用既日本雞蛋,所以用咗有機半熟蛋代替!)  汁料可用市面上現成的牛丼汁,包裝上有指示加水的份量~ 方便易用!     .... (更多)
  • 日本 - 日式蕃茄醬炆牛展

    2009-03-04 | ♥ V乜鬼亞洲特色

     1. 我用既係依種日式懶人方便蕃茄汁磚~ 2. 牛展切成大丁; 蕃茄4個切角; 細洋蔥1個切塊; 大蘑菇4粒切片備用。 3. 燒熱油鑊,下牛展丁爆炒,用磨碎黑胡椒和海鹽調味,炒至牛展轉色盛起。 4. 再燒熱油鑊,下洋蔥炒香,再下蘑菇片和蕃茄角。 5. 炒至蕃茄開始腍,牛展丁回鑊兜勻後,加水900毫升拌勻煮滾。 6. 轉小火煮20分鐘。 7. 轉回大火加入蕃茄汁磚塊拌至全溶煮滾,上蓋轉小火炆至牛展腍熟即成。 P.S. 炆燉既時間同包裝盒上有所不同! 因為根據盒上有限既漢字,指示上係用牛肉片; 我用咗牛展,所以炆既時間上相對長咗!  配白飯或意大利粉均可~     .... (更多)
  • 泰國 - 冬蔭功 (泰式酸辣蝦湯)

    2009-02-09 | ♥ V乜鬼亞洲特色

     1. 預準材料: 冬蔭醬, 魚露, 清雞湯, 香料, 羅望子 (即"酸子"), 椰汁 (可用淡奶代替), 蝦 (最好用生蝦)。  2. 香料: 莞茜, 香茅, 蘑菇, 青檸, 南薑, 紅辣椒, 檸檬葉 (Kaffir Lime Leaves)。 3. 香茅斜切; 莞茜略略切碎; 紅辣椒、南薑和蘑菇切片備用。 4. 燒熱油鑊,下南薑片、香茅和檸檬葉炒香後加入冬蔭醬炒勻至香。 5. 下清雞湯和清水適量拌勻,煮約10分鐘待材料出味。 6. 下椰汁、蝦和蘑菇片滾片刻至蝦熟,用魚露、羅望子醬和糖調味後試味。  7. 下紅辣椒滾起,灑上切碎莞茜和青檸汁少許即成。   NOTE - 冬蔭功既"冬蔭"係泰式酸辣湯既意思; 而"功"就係材料蝦!  所以如果材料改為雞,應該係& .... (更多)