隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼亞洲特色
  • 韓國 - 涼拌茄子 Gaji-namul

    2015-02-13 | ♥ V乜鬼亞洲特色

    依個其實正宗應該用幼長既紫長茄,不過紫長茄要中國超市先買得到......
    一般洋人超市只買到依種圓茄子,價錢好平~
    突然想食茄子既時候,我都會買依種圓茄子,
    今次依個韓國涼拌茄子都係用圓茄子來代替紫長茄,反正味道都係一樣! ^^
    1. 圓茄子1個洗淨切成約6cm長 + 2cm厚的條狀。
    2. (1)的茄子條以大火蒸約5分鐘至熟。
    3. 鋼碗內將蔥花2條、蒜蓉4瓣、萬字醬油和韓國魚露各1湯匙、韓國辣椒粉、麻油和白芝麻各2茶匙、糖1茶匙,全部材料拌勻。
    4. 將蒸熟的茄子加入鋼碗內和調味料拌勻,室溫待涼即成。
    .... (更多)
  • 韓國 - 泡菜炒飯 Kimchi Bokkeumbap

    2015-02-10 | ♥ V乜鬼亞洲特色

    1. 泡菜切小塊,鑊中燒熱少許油,下泡菜炒約1分鐘,盛起備用。
    2. 再燒熱油鑊下雞蛋,隨後即時加入冷飯炒勻。(我用藜麥飯!)
    3. 韓國辣醬適量以少許泡菜汁拌勻開稀。
    4. (1)的泡菜回鑊,再加入(3)的辣椒醬,下糖、海鹽和麻油調味,全部材料炒勻。
    5. 炒至飯乾身,熄火盛上碟,灑上蔥花、紫菜絲和烘過的芝麻即成。
    .... (更多)
  • 日本 - 自製手工味噌

    2015-02-09 | ♥ V乜鬼亞洲特色

    米麴除咗可以用來自製鹽麴 + 醬油麴之外,仲可以用來自製手工味噌! ^^
    上面依樽只係"半成品",顏色同一般喺街買既味噌比較,明顯淺色好多,
    至於最後完成品...要1年之後先有得睇啊! =P
    而家先記低材料份量 + 做法,1年之後再睇成果~
    1. 黃豆250g 沖洗乾淨盡量去掉泡沫,用清水浸過面待過夜。
    2. 瀝去浸黃豆的水後再沖洗一下,放在煲中,再加入新鮮清水蓋面煮黃豆。
    3. 煮至黃豆輕易被捏碎。
    P.S. 我用真空煲來煮黃豆,由朝早11.30焗到夜晚9點先開煲~
    4. 留起煮黃豆的水約60ml 備用。
    5. 黃豆瀝乾後放在乾淨大盆內搗成黃豆泥備用。
    6. 米麴一包(200g),放在乾淨大盆中弄碎,先加入粗海鹽50g 以雙手混勻。
    7. 再加入(5)的黃豆泥和(4)的煮豆水,以雙手將所有材料搓揉勻循。
    8. 將(7 .... (更多)
  • 韓國 - 韓式蔘雞湯 Samgyetang

    2015-02-02 | ♥ V乜鬼亞洲特色

    多年前聖誕同V媽媽、V阿姨 + V表妹去首爾旅行,第一次食到蔘雞湯,當時我心裡面既反應係...吓!!?!?!? 依兜無色無味無香味,雞肉鞋霎霎既野竟然係韓國名菜!!?!?! 大受打擊!!
    後來喺香港既韓國菜館聞到隔離枱果兜蔘雞湯好鬼香,我又忍唔住點一兜...終於扭轉咗我對依道經典韓國菜既印象! 同時我得出一個結論 - 跟旅行團,食得最好果幾餐,總係要自費!!
    韓國人鍾意夏天時會食用蔘雞湯,佢地認為食完出一身汗,身體裡面唔好既野會隨汗水排出; 不過中國人就認為冬天先係進補季節......
    阿V唔理夏天冬天 / 進唔進補...我只係知道冬天凍冰冰,蔘雞湯熱辣辣,有肉有湯又有飯,食完成身暖笠笠好舒服! ^^
    1. 糯米2/3杯洗淨,用清水浸2小時,瀝乾備用。
    2. 春雞1隻 (*無頭無內臟及去雞腳; 1kg 以下為佳,我依隻830g~)。
    3. 預備蒜瓣、薑片 .... (更多)
  • 韓國 - 韓式小魚乾 Myeolchi Bokkeum (前菜)

    2015-01-12 | ♥ V乜鬼亞洲特色

    另一道我 + V媽媽都好鍾意既韓式前菜,每次去食韓燒必定encore 又encore! ^^
    1. 銀魚仔乾40g 浸水30分鐘,瀝乾備用。
    2. 白芝麻1湯匙白鑊烘香備用。
    3. 蒜蓉1茶匙、糖和粟膠各1/2湯匙、韓國魚露1湯匙、清水2湯匙拌勻備用。
    4. 燒熱油鑊下銀魚仔乾炒香,加入(3)炒勻。
    5. 熄火,加入(2)的白芝麻、灑上少許麻油和韓國辣椒粉(optional),拌勻上碟即成。
    .... (更多)
  • 韓國 - 醬煮馬鈴薯 Gamjajorim (前菜)

    2015-01-12 | ♥ V乜鬼亞洲特色

    Gamjajorim 係其中一個我最鍾意既韓式前菜~
    做法簡單好味好下飯,而且冷熱佳宜,一個字...正!! ❤
    1. 薯仔2個去皮切大丁,開大水喉沖洗澱粉。
    2. 清水浸10分鐘後瀝乾。
    3. 燒熱油鑊加入薯仔丁炒數分鐘。
    4. 加入蒜蓉2瓣、清水約80ml、萬字醬油2湯匙、糖和粟膠各1湯匙,拌勻煮滾。
    5. 轉小火 + 蓋上鍋蓋煮10分鐘。
    6. 白芝麻適量白鑊烘香備用。
    7. 10分鐘後薯仔熄火,灑上(6)烘香的芝和和麻油,拌勻上碟即成。
    .... (更多)